MEKTEPTI BIZNES KÓZINE AYNALDYRU MÝMKIN BE?
DARIGhA HANYM MÝMKIN DEYDI
Endigi jerde qazaqstandyq mektepter qosymsha qyzmet týrlerin úsynu arqyly óz qarajattaryn ózderi tabatyn bolady, - deydi viyse-premier Darigha Nazarbaeva.
Elimizdegi jalpy bilim beretin mekemelerding qyzmetine erkindik әm úiymdastyrushylyq-qúqyqtyq status berilui bek mýmkin. Búl degeniniz endigi jerde mektepter qosymsha qyzmet týrlerin úsynu arqyly óz budjetterin ózderi tolyqtyrady degen sóz. Janymyzdan alyp-qosqanymyz emes, Premier-ministrding orynbasarynyng sózi osy. Búl turaly Darigha Núrsúltanqyzy QR BGhM ótkizgen jiynda mәlimdegen.
Mektepter ózderin-ózderi qamtamasyz etu ýshin, aldymen korporotivti menedjmentti iygeru kerek eken.
«Qosymsha qyzmetter arqyly týsken qarjyny mektep diyrektorlary óz qaltalaryna salyp ketpeydi. Ol ýshin mektep janynan qoghamdyq kenes qúrylady. Qoghamdyq kenes qúramy ata-analardan jasaqtalady. Keneske mýshe mektep oqytushylar men ata-analar mektep budjetine týsken qarjyny basqaryp otyrady», - deydi Darigha hanym.
Viyse-premierding aitqandarynan andyghanymyz sol, jalpy jәne orta bilim beru mekemeleri múnday qyzmet týrleri arqyly tapqan qarajatty qosymsha kerek-jaraqqa júmsaydy.
Deputattyqtan Mәsimovting orynbasary bolyp bir-aq sekirgen Darigha Núrsúltanqyzynyng ýlken minberlerde aityp jýrgen әngimeleri az emes.
Mysaly, osy jyly Darigha Núrsúltanqyzy orta jәne jalpy bilim beretin mekemelerde oqushylardyng jazghy uaqyttary bos ótip ketpeui ýshin, oqu mausymyn shildege deyin sozudy úsyndy. Viyse-premierding aituynsha, jazghy demalys kezinde oqushylar arasyndaghy qylmys artady eken. Sondyqtan Darigha hanym bastama kóterip, oqu mausymyn shildening 1-ne deyin sozudy qolgha alypty. Onyng aituynsha, Europada oqushylar 5-shildede jazghy kanikulgha shyghady eken.
Premier-ministrding orynbasary Darigha Núrsúltanqyzynyng osy jәne ózge de mәlimdemelerine qogham belsendileri men sayasatkerler bylay dep pikir bildirip jatyr:
Ámirjan Qosanov, sayasatker:
-Konstitusiya boyynsha, Qazaqstan – әleumettik memleket. Jәne de әrbir azamattyng tegin bilim alu men tegin medisinalyq qyzmet alugha qúqy sol Ata Zanymyzda jazylghan. Yaghni, memlekettik әlde jeke mektep ne emhanagha bara ma – júrttyng ózi tandauy tiyis. Al halyqtyng salyghyn jinap jýrgen memleket sol tandau mýmkinshiligin jasap, qamtamasyz etui tiyis. «Tek qana aqyly oqu ornyna ne aurahanagha barasyn» degen sóz - Konstitusiyagha qarsy! Óz basym viyse-premier Nazarbaevanyy sózin dәl osylay, Konstitusiyalyq talaptar túrghysynan qabyldaymyn! Qalghan sózding bәri – dalbasa. Ekinshi jaghynan memleketting әleumettik funksiyasynyng azangy, sózsiz, qoghamdyq-sayasy saldargha, birinshi kezekte, júrt narazylyghynyng artuyna әkep soqtyrary anyq. Sondyqtan da әleumettik salada ekspromt ne eksperiyment degenderding ózi óte-móte qauipti! Jәne de osynau әrbir adamgha tikeley qatysy bar jandy әri asa nәzik taqyraptar boyynsha pikir bildirip ne sheshim qabyldarda, jeti ólshep, bir pishu kerek dep oilaymyn!
Núrgeldi Ábdighaniyúly
Abai.kz
