Beysenbi, 2 Säuir 2020
COVID-19 QAZAQSTANDA. Jwqtırğandar — 402. Jazılğandar — 27. Qaytıs bolğandar — 3
Jön-aq 4463 0 pikir 27 Säuir, 2016 sağat 18:24

KÖŞ: OÑTÜSTİK QAZAQSTANNAN SOLTÜSTİK QAZAQSTANĞA!

Memleket basşısı arta tüsken demografiyalıq disbalans jaña köşi-qon tolqındarın qalıptastırıp, äleumettik şielenisti küşeytetinin aytıp jür.

Qazirge kezde, işki köşi-qon mäselesinde eñbek resurstarı men demografiya mäselesi boyınşa oñtüstik pen soltüstik aymaqtar arasında teñsizdik orın alıp keledi.

Osığan oray, Oñtüstik Qazaqstan oblısında işki köşi-qon processterin retteu jäne eñbek resurstarınıñ teñgerimdiligin arttıru, halıqtı birkelki jayğastıru maqsatında eñbek küşi mol aymaqtan, eñbek küşi jetispeytin  respublikamızdıñ soltüstik öñirlerine öz erkimen halıqtı qonıstandıru jwmıstarı jürgizilude.

Bügingi tañda Soltüstik Qazaqstan, Şığıs Qazaqstan oblıstarı  men Oñtüstik Qazaqstan oblısı äkimderi arasında özara ıntımaqtastıq Memorandumdar tüzildi.

Oblısta halqı tığız ornalasqan audandarmen aqparattıq-tüsindiru jwmıstarı jürgizildi, arnayı jwmıs tobı qwrılıp is-şaralar josparı bekitildi.

Atqarılğan jwmıstardıñ nätijesinde: 800 astam otbası elimizdiñ soltüstik öñirlerine qonıs audaruğa niet bildirse, 50 otbası halqı tığız audandardan Soltüstik Qazaqstan oblısına qonıs audardı.

Sonımen birge, Şığıs Qazaqstan oblısına «Jwmıspen qamtu 2020 jol kartası» bağdarlaması şeñberinde 2014 jıldan beri Oñtüstik Qazaqstan oblısınan  107 otbası qonıs audaruğa niet bildirip, 20 otbası (75 otbası müşesi) Şığıs Qazaqstan oblısınıñ Ridder qalasınan twrğın üy alıp, otbasınıñ barlıq jwmısqa jaramdı azamattarı jwmısqa ornalastı. Bağdarlamadan bölek Şığıs Qazaqstan oblısına 100-den asa Oñtüstik Qazaqstandıq qonıs audardı.

Elbasınıñ bergen tapsırmasın tağı da jandandıru maqsatında halqı tığız ornalasqan  Oñtüstik Qazaqstan oblısındağı Sarıağaş, Maqtaral audandarı men Şımkent qalasında 2016 jıldıñ 27-29 säuir aralığında Soltüstik Qazaqstan, Pavlodar, Şığıs Qazaqstan, Qostanay oblıstarı ökilderiniñ qatısuımen bos jwmıs orındar järmeñkeleri men «Serpin» bağdarlaması ayasında jastarmen kezdesuler wyımdastırılıp jatır.

Atalğan is-şarağa respublikamızdıñ 4 oblısınan 41 memlekettik organdar men oqu orındarınıñ jauaptı twlğaları jäne jwmıs beruşileriler ökil retinde qatısu josparlanuda (Soltüstik Qazaqstannan – 12 adam, Pavlodardan – 12 adam, Qostanaydan – 9 adam, Şığıs Qazaqstannan – 8 adam).

27 säuirde Maqtaral audanında, 28 säuirde Sarıağaş audanında,                       29 säuirde Şımkent qalasında şaralar ötip, OQO äkimdiginde 4 oblıstıñ delegaciya basşılarınıñ qatısuımen şaralardıñ qorıtındısı boyınşa baspasöz konferenciyası ötetin boladı.

Kezdesu soñında elimizdiñ Soltüstik Qazaqstan oblısına köşuge niet bildirgen azamattardı saltanattı türde şığarıp salu räsimin ötkiziledi.

İşki köşi qondı retteu jäne Soltüstik öñirlerge qonıstandıru men «Serpin» bağdarlamasın nasihattau jwmıstarı Maqtaral audanınan bastaldı. Oblıs äkiminiñ orınbasarı W.Sädibekov atalğan is-şaranı aşıp, köşuge nietti audan twrğındarına sättilik tiledi. Sonday-aq jergilikti halıq Soltüstik öñirlerden kelgen ökildermen swhbattasıp, wsınılıp otırğan bos jwmıs orındarımen tanıstı.

Abai.kz

0 pikir