Düysenbi, 28 Qırküyek 2020
COVID-19 QAZAQSTANDA. Jwqtırğandar — 107775. Jazılğandar — 102736. Qaytıs bolğandar — 1699
Qoğam 5132 0 pikir 4 Säuir, 2016 sağat 12:19

REYTING BOYINŞA QAZAQSTAN RESEYDEN GÖRİ BAY. RAS PA?

Jaqında Global Finance Magazine basılımı älemdegi eñ bay elderdiñ reytingisin jasaptı. Düniejüzilik bank pen Halıqaralıq valyuta qorınıñ derkterine süyene otırıp jasalğan bwl tizimge älemniñ 185 memleket kirgen. Amerikandıq basılımnıñ tüzgen tiziminde Qazaqstan Reseyden göri bay dep körsetilgen. Bwl turalı «tengrinews.kz» portalı jazadı.


Tizimdi tüzuşiler äuelde halıqtıñ satıp alu qabiletiniñ tepe-teñdigine, adamdardıñ ömir süru deñgeyine jäne elderdegi inflyaciya deñgeyine bastı nazar audarıptı.

Sonımen amerikandıqtardıñ közimen jasalğan reyting boyınşa, post-keñestik keñistiktegi elderdiñ işinde eñ bayı baltıq elderi – Litva eken (41-orın). 42-satıda Estoniya. Mwndağı satıp alu deñgeyi 28 245 jäne 27 729 dollarğa teñ eken.

Biz bwl tizimde eluinşi orındamız eken. Elimizde halıqtıñ satıp alu qabileti – 25 367 dollardı qwraptı.

Twyağımızdı basıp, Resey 51-orında twrsa, Latviya 52, Äzirbayjan 64, Belarus' 65, Ukraina 109, Armeniya 116, Özbekstan 127, Qırğızstan 142 Täjikstan 153 orındarğa jayğasqan.

Global Finance Magazine-niñ zertteuiniñ nätijesinde jer şarınıñ eñ bay memleketi – Katar eken. Mwnda halıqtıñ satıp alu qabileti 146 mıñ dollardı qwraydı eken. Ekinşi orında Lyuksemburg (94 167), üşinşi orında - Singapur (84 821).

Äneu jılı qazaqstandıq zertteuşiler Qazaqstannıñ qazirgi işki jağdayın saraptap, elimizdi älemniñ eñ kedey Çad Respublikası jäne Afrikanıñ elderimen teñestirgen-tin. Sonda, «Mwnaydıñ üstinde otırğan arab - bay, qazaq nege kedey?» - dep swraqtı tötesinen qoydıq. Osı twsta tağı bir eskere ketetin jäyt bar edi.  Qazaq qaramayınıñ tarihında qazaqtar nemen şwğıldandı deysiz ğoy. Eñ aldımen kenişterdi ağılşındar taptı, odan keyin patşalıq Resey qojayın boldı. Qazaqtar solardıñ bwyrığına bağınıp, şikizattı şelektep tasıp, qara jwmıs atqardı. Keñes kezinde mwnaygaz sektorın zertegen ğılımi baza da bolğan joq. Basqaru isin Mäskeu tügeldey öz qolında wstadı. Qorıta aytqanda, geologiyalıq barlaudan bastap, öndiristiñ tolıq ciklın özi jasağan elderde mwnaydıñ özindik bağası tömen boluına bwl da ıqpal etedi. Arabtar 8-10 dollar arzan mwnaydı sonıñ arqasında alıp otır. Bwl qazaq mwnayı qazaqtiki emes ekenin ayqın añğartsa kerek-ti.

Aytpaqşı, Europa Odağınıñ statistika qızmeti salıstırmalı türde derekter keltirdi. Qazastannıñ 60 payız adamı kedey twradı dedi.

Al Qazaqstandağı eñ bay 50 adamnıñ baylığın biriktirse, Aqmola, Jambıl, Soltüstik Qazaqstan oblıstarınıñ jıldıq byudjetin qwraytının birneşe jıl bwrın «Azattıq» jazğan edi.

Şın mänisinde, bizdegi auıl adamdarınıñ kedeyşiligi qala kedeylerinen bes-on esege ösip ketken. Tanaularına esekqwrt kirgen bay-şonjarlardıñ deni – Astanada, Megapilosterde. Şerağañşa aytsaq, bir kem dünie...

Nwrgeldi Äbdiğaniwlı

Abai.kz 

0 pikir