Dәstýr boyynsha telearnalar qyrkýiek aiynan bastap kórermen auditoriyasyna jana baghdarlamalar úsynyp jatady. Alayda, júrt kýntizbelik resmy Jana jyldan keyin de telekórsetilimder sheruinen janalyq kýtetini bar. Osyny eskerip biz «Qazaqstan», «Habar», «31 arna», «KTK», «Astana» arnalaryn sholyp shyqtyq. Alayda, pәlendey janalyqqa kózimiz sýrine qoymady.

Qay arnada bolmasyn jana mausymnan, yaghny 2015 jyldyng qyrkýiek aiynan bastalghan baghdarlamalar men telehikayalar jalghasyn tauyp jatqangha úqsaydy. Ol ýshin atalghan arnalardyng vebsayttaryn sholyp shyqsanyz da jetetin siyaqty. Alayda, qazaqstandyq arnalardaghy teleseriyalardyng qatary taghy bir ýndi filimimen tolyqpaq.  Qantardyng 4-nen bastap «31 arnada» «Kiyeli neke» atty ýndi telehikayasy kórermenge jol tartady. Telehikaya turaly atalghan arnada mynanday shaghyn andatpa túr:  «Mahabbat eki adamnyng arasyndaghy sezimnen tuady. Alayda, ýshinshi bireuge jýrekten oryn joq ekeni belgili. Biraq, sýigen ghashyghy ýshin kýresu kópting qolynan kelmeydi. Búl ýndi hikayasynda ýsh jannyng ózgelerge úqsamaytyn taghdyry suretteledi».

Óz qarjysyna "Adasqandar" tarihy komediyasyn, jastargha arnalghan "Ay ty molodes", "Narhoz 2" serialdary men "Brigada"  hikayalaryn týsirip, kósh bastaghan «31 arna» 2015 jyldy jalpy tabysty qortyndylady. Arnanyng «Informburo» janalyqtar qyzmeti aldynghy oryngha shyqty. Áytse de, «Biz qazaqtildi auditoriyanyng mýddesi ýshin júmys isteymiz» dep jýrgen arna basshysy Baghdat Qojahmetov qazaqtildi kórermendi «Kiyeli nekenin» qyzyghyna keneltpek.

Elimizdegi telearnalardyng top-menedjerleri qarjy shyghyndap, telehikayalar týsirgennen góri dayyn ýndi, korey, vietnam, filippiyn, t.b. serialdaryn satyp alghan әldeqayda tiyimdi dep esepteydi. Solay degenmende, otandyq arnalar kórermenge óz ortamyzdyn, óz qoghamymyzdyng ómirin telehikayalar tilinde sóiletuge talpynys jasap jatyr. Bastapqy nәtiyje jaman emes. Tipti, jaqsy dep te aitugha  bolady. Ony biz «Qazastan» Últtyq arnasyndaghy teleserialdar tizbeginen bayqaymyz. Tútynushy emes, óndirushi telearnagha ainalyp kele jatqan «Qazaqstan»  arnasy kórermen qauymdy taghy da jana serialdar toptamasymen quantpaq. 9 qantardan bastap «Qazaqstan» arnasy «Ómirding ózi novella» atty kópserialy telehikaya úsynady dep habarlaydy «Qazaqstan» RTRK» AQ baspasóz-qyzmeti.

«Ómirding ózi novella» - búl lirikalyq, dramalyq jәne ómirdegi tereng oilandyratyn oqighalardan qúralghan. Serialdyng ónegeli tәrbiyelik mәni bar. Kórermender aldynda jarqyn әri әserli oqighalargha toly qogham ómirinen alynghan jekelengen ómir paraqshalary ashylady. Árbir seriya adamzat ómirinde kezdesetin ata-anany syilau, dostyq, adaldyq, satqyndyq, raqymshylyq, dәstýrge qúrmet sekildi ózekti mәselelerdi qozghaydy.

Kinonovella toptamasy ózdiginshe 24 bólek filimerden qúrastyrylghan, onyng әrbireui qay jaghynan ne kýtip túrghanyn bilmeytin shytyrman oqighalardan túrady. Oqighalar jelisi bir birimen tikeley baylanyspaghanymen  әrbir epizod biregey stilidi ústanghan. Filimde keyipkelerding әrtýrli minez-qylyqtary aralasqan oqighalargha toly. Serialdyng airyqsha ereksheligi sol, «Ómirding ózi novella» telehikayasy –  úzaqqa sozylatyn qyzyqsyz sujetterden qúrastyrylmaghan.

Serial otbasylyq bolyp tabylady jәne barlyq jastaghy kórermenderdi qyzyqtyrady degen oidamyz. «Qazaqstan» arnasynda serialdyng kórsetilimi 9 qantardan bastalady deydi «Qazaqstan» RTRK» AQ baspasóz-qyzmeti.

Abai.kz