Jaqynda Aqtóbe oblysynyng әkimi Berdibek Mashbekúly Saparbaev oblys aumaghyna qarasty Múghaljar audany әkimining ýiindegi elektr jaryghyn qiyp tastau turaly tapsyrma bergen.  Búl turaly «Abay-aqparat» «QazTAG» mәlimetterine  silteme jasay otyryp habarlaydy.

Aqtóbe oblysyna qarasty Múghaljar audany әkimi Serik Shanghútov jaqynda oblys basshysy Berdibek Mashbekúlynyng aldynda esep berdi. Dәlirek aitsaq, halyqqa esep beru jiynyna oblys basshysynyng ózi kelip qatysty.  Audan halqynyng hәl-jayymen  jaqsy tanysqan oblys basshysy súlu sózben, qúrghaq sifrlargha týzilgen audan әkimining bayandamasyna kónili tolmaghanyn ashyq jetkizdi.

«Audandy elektr jaryghymen qamtamasyz etuge tiyisti «Energosistema JShS» jaryq pen elektr jelilerin tartu ýshin 35 killometrge qarajat súrap otyr. Sizder (әkim jәne orynbasary)  ekeuiniz osy mәseleni sheshe almay otyrsyzdar ma sonda? Múghaljargha qarasty Qayyndy aulynyng túrghyndary 10 jyl boyy jaryqsyz otyr. Al sizding ýide, әkim myrza jaryq bar eken. Sonda ózgelerding jaghdayy sizding basynyzdy auyrtpay ma?», - dedi Berdibek Mashbekúly.

Osy oqighadan keyin Berdibek Saparbaev audan әkimining ýiindegi elektr jaryghyn qiyp tastaudy jәne 10 jyldan beri jaryqsyz otyrghan Qayyndy auylyna elektr jaryghy tartylghan kýni ghana әkimning ýiine jaryq berudi tapsyrghan.

«Múnda audannyng elektr jaryghyna jauapty adam bar ma? Dәl býgingi kýnnen bastap әkim Shanghútov pen onyng orynbasarynyng ýiine elektr jaryghy berilmesin. Búl auylda 800-ge juyq otbasy bar. Olar jiyrma birinshi ghasyrda jaryqsyz, qaranghyda otyr. Ákim Qayyndynyng qiyndyghyn sheshkende ghana onyng ýiine jaryq beremiz. Qayyndynyng jaghdayyn óz basynan ótkizgende ghana әkim myrza halyqtyng jaghdayyn týsiner», - dedi oblys basshysy. Múghaljar audanynyng әkimi Serik Shanghútov Berdibek Mashbekúlynyng búiryghyn maqúldamasqa shara qalmady.

Ayta keteyik, dәl osy Saparbaev myrza shanyn qaqqan Shanghútov tizginin ústap otyrghan Múghaljar audanynda 4300 adam jer kezeginde túr eken.  Sonymen qatar, Aqtóbe oblysyndaghy júmyssyzdar sany qysqarmay otyrghan audan da Shanghútovtyng qaramaghyndaghy audan eken. Sharualary shash-etekten әm  sheshimi kezek kýttirmeytin Shanghútovtyng eli Saparbaevtyng shýilikken jalghyz audany emes-tin.

Oblys basshysnyng sógisinen keyin, «diril-diril, dirilip» túryp sóz alghan Shanghútov ónirdegi ózge de atqarylghan sharshalardy aitpaq bolghan-tyn.

«Men negizinen gaz, su, jylugha kónil bólip, jol səl kesheuildep qaldy. Qandyaghashta 32 kóshe bar.  Onyng 11-ne asfalit tóseldi», - dedi Shanghútov.

Al audan әkimining búl sózine Berdibek Mashbekúly Saparbaevtyng óz uәji bar eken.

«11 jyl əkim bolyp, 11 kóshege jol tósepsin. Ər jylgha bir jol. Qalghan kósheni jóndeuing ýshin saghan 30 jyl kerek pe?», - degen Saparbaev saualynan Shanghútov ýnsiz qútyldy.

Týiin

Sheneunikterding óz mindetterin dúrys atqarmauyna jәne kәsibiyligi jetispeuine halyqtyng baqylauynyng kemshindigi men qoghamnyng belsendi bolmauy sebepker. «Osynday syny pikirlerge basshylyq kóz júma qaraytyn bolsa, olargha degen teris pighyl odan sayyn kýsheye týsetini ras. Qazaqstanda audan әkimin oblys әkimi taghayyndaydy. Atqarushy organ mindetin atqaratyn audan әkimi ol aumaqtyng mýddesi men damu qajettiligin eskere otyryp, jalpy memlekettik sayasat jýrgizui tiyis.

Endeshe, Saparbaev ózi taghayyndaghan kadrlardyng júmys jýrgizudegi jaybasarlyghyna sonsha nege shýilikti? Oblys basshysynyng qaharyna ilikken Shanghútov endi jaryqsyz otyrady desek te,  Saparbaevtyng búl taktikasy Qayyndy qiyndyghyn sheship bere me? Álde 11 jyl boyy әkim taghynan týspey kele jatqan Shanghútovqa ónirge byltyr ghana basshy bolyp taghayyndalghan Saparbaevtyng sógisi týkke túrmay ma? Nәtiyjesin  uaqyt kórseter. Ázirge oblys basshysynyng pәrmenimen, audan әkimining ýiinen jaryq qiyldy.

Núrgeldi Ábdighaniyúly

Abai.kz