Jeksenbi, 5 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Jañalıqtar 1735 0 pikir 4 Mausım, 2010 sağat 04:21

Memleket basşısı N. Nazarbaev Twñğış Prezident, Wlt Köşbasşısı turalı Parlament engizgen zañdardıñ jobaların keri qaytardı

ASTANA.  Mausımnıñ 4-i. QazAqparat -  Memleket basşısı Nwrswltan Nazarbaev Twñğış Prezident, Wlt köşbasşısı turalı zañnamağa özgerister men tolıqtırular engizu jönindegi zañdarğa qol qoyğan joq jäne osığan baylanıstı Qazaqstan azamattarına, el Parlamentine, «Nwr Otan» Halıqtıq-demokratiyalıq partiyasınıñ Sayasi byurosına ündeu joldadı. QazAqparat Prezident N.Nazarbaevtıñ  osığan  qatıstı  jasağan    mälimdemesiniñ  tolıq mätinin  nazarlarıñızğa wsınadı.

***

 

Qazaqstan Respublikasınıñ azamattarına
Qazaqstan Respublikasınıñ Parlamentine
«Nwr Otan» Halıqtıq-demokratiyalıq partiyasınıñ
Sayasi byurosına

Qımbattı qazaqstandıqtar!
Qwrmetti Senat jäne Mäjilis deputattarı!
Qadirli «Nwr Otan» Halıqtıq-demokratiyalıq
partiyasındağı serikterim!

ASTANA.  Mausımnıñ 4-i. QazAqparat -  Memleket basşısı Nwrswltan Nazarbaev Twñğış Prezident, Wlt köşbasşısı turalı zañnamağa özgerister men tolıqtırular engizu jönindegi zañdarğa qol qoyğan joq jäne osığan baylanıstı Qazaqstan azamattarına, el Parlamentine, «Nwr Otan» Halıqtıq-demokratiyalıq partiyasınıñ Sayasi byurosına ündeu joldadı. QazAqparat Prezident N.Nazarbaevtıñ  osığan  qatıstı  jasağan    mälimdemesiniñ  tolıq mätinin  nazarlarıñızğa wsınadı.

***

 

Qazaqstan Respublikasınıñ azamattarına
Qazaqstan Respublikasınıñ Parlamentine
«Nwr Otan» Halıqtıq-demokratiyalıq partiyasınıñ
Sayasi byurosına

Qımbattı qazaqstandıqtar!
Qwrmetti Senat jäne Mäjilis deputattarı!
Qadirli «Nwr Otan» Halıqtıq-demokratiyalıq
partiyasındağı serikterim!

Barşañız bilesizder, meniñ aldıma Twñğış Prezident, El Bası turalı zañnamağa özgerister men tolıqtırular engizu turalı elimizdiñ Parlamenti qabıldağan zañdar kelip tüsti.

Eñ äueli, mağan zañdı twrğıdan El Bası degen resmi märtebe belgilegeni üşin deputattarğa zor alğıs aytamın. Osı märtebeni qabıldau turalı tilek aytıp, on mıñdağan hat joldağan bükil otandastarıma - köp wlttı Qazaqstannıñ barşa azamattarına şın jürekten rizaşılıq bildiremin.

Elimizdegi twraqtılıqtı odan äri nığaytu maqsatında Parlament atalğan şeşimdi birauızdan qabıldadı.

Bwl ıstıq ıqılastı mağan degen qaltqısız senimniñ körinisi dep bağalaymın. Mwnı tarih üşin tım qısqa uaqıt aralığında, täuelsizdik jıldarında mümkin emesti jüzege asırğan, mızğımas şekarası halıqaralıq deñgeyde moyındalğan, baytaq Astanası kökpen talasıp boy kötergen, küyregen äkimşilik jüyeni özgertip, ötpeli kezeñde küyzelisten aman şıqqan, älemdik täjiribege süyene otırıp narıqtıq ekonomikanıñ özindik qazaqstandıq ülgisin qalıptastırğan elimizdiñ eren eñbeginiñ elenui dep bilemin.

Biz sayasi twraqtılıqtı saqtap, azamattıq älem men toleranttılıqtı, wltaralıq jäne konfessiyaaralıq kelisimdi bastı ğwmırlıq qwndılıq retinde wlıqtap, nığaytıp kelemiz.

Bizdiñ elimiz wstanğan ayqın bağıtımen, ekonomikalıq reformalardıñ qarqını jäne tiimdiligimen, özara äriptestikke jäne auqımdı integraciyağa negizdelgen seriktestikke wmtılısımen, izgilikke qwştarlığımen älemdik qauımdastıqtan layıqtı orın aldı.

Bizdiñ yadrolıq qarudan bas tartu jäne jahandıq jappay qarusızdanu turalı bastamalarımızdı barlıq elder, Birikkken Wlttar Wyımı qızu qoldap, onı ğalamşardıñ qauipsizdigi jolındağı kürestiñ köşbasşıları qatarındağı Qazaqstannıñ älemdik serpilisi retinde tanıdı.

Men kürdeli kezeñde eldiñ köşin bastau qwrmetine ie boldım. Sonda sizderdiñ naqtı qoldaularıñızdı, ınta-jigerleriñizdi, qajır-qayrattarıñızdı ärdayım ayqın sezindim.

Bwl - orasan baqıt. Bwdan özge mağan eşteñe qajet emes. Boydağı quat, bilik pen täjiribe mümkindik berse, men halqım jüktegen qasterli mindetti orındau maqsatında äli de qajımay qızmet ete beremin.

Eñ bastısı - kürdeli kezeñde biliktiñ bastamaların halıqtıñ qapısız tüsinui men onı qaltqısız qoldauı. Mısalı, jahandıq qarjı dağdarısınan biz jaña ideyalar arqılı tıñ josparlar jasap, şınığıp şığıp kelemiz.

Qımbattı otandastar!

Tek twraqtı jäne güldengen el ğana özge memleketter men halıqaralıq wyımdardıñ jauapkerşiligi mol layıqtı seriktesi bola aladı. Biz osığan qol jetkizdik.

Qazir biz 2020 jılğa deyingi damudıñ Strategiyalıq josparın jäne Qazaqstannıñ innovaciyalıq-tehnologiyalıq damuınıñ Bağdarlamasın jüzege asıruğa kiristik. Eldi industrialaudıñ Kartası äzirlendi.

Jalpı alğanda, ekonomikanı tehnologiyamen jabdıqtandırıp, onı innovacialıq damudıñ arnasına bağıttau, sapalı jaña öndiris orındarı men ğılımi ortalıqtar aşu, adam mümkinşiliginiñ sapasın köteru siyaqtı wlanğayır mindetter belgilendi.

Oyğa alğan isterdiñ barlığınıñ orındalarına meniñ senimim kämil. Alayda, tek twraqtı elde ğana azamattardıñ teñ qwqıq pen mümkinşilikpen, layıqtı jwmıspen, ärbir otbasınıñ molşılıq jäne jarqın bolaşaqpen qamtamasız etile alatının este saqtağan abzal.

Biz sondıqtan jaqsılıqqa bel alğan däuirge degen halıqtıñ senimi nığaya tüsui üşin bärin jasauğa tiispiz.

Biz birge osılay jwmıla tüssek, kez kelgen qiındıqtı eñseretinimizge kämil senemin.

Men qoğamdıq pikirde berik qalıptasqan «El Bası» märtebesin zañdastıru turalı Parlamenttiñ şeşimin tüsinistikpen qabıldaymın.

Äleumettik zertteuler büginde Qazaqstan halqınıñ basım köpşiligi osı ideyanı qoldaytının körsetip berdi. Sondıqtan, men eñbegimdi bağalap, qoldau bildirgenderdi üşin qazaqstandıqtarğa şınayı alğısımdı bildiremin.

Sonımen qatar, men El Bası märtebesin tek zañdarmen nemese özge de qwqıqtıq aktilermen belgileuge bolmaydı dep esepteymin.

Memleket basşısına qosımşa ökilettikter beru turalı mwnday täjiribeler älemdik qoldanısta az emes.

Bizdiñ tayaudağı tarihımızda mwnday jağday bwrın bolğan, men onda reformalardı pärmendi jürgizu üşin qosımşa ökilettikter swrağan edim. Ol uaqıtta bwl bizdiñ elimizdiñ postkeñestik kezeñdegi küyzelisten şığuında şeşuşi faktor boldı.

Eger bolaşaqta eldiñ damuı men azamattardıñ qauipsizdigine, memlekettiñ twtastığı men wlttıñ müddesine qater töndiretin almağayıp zaman tusa, men qosımşa ökilettikter swraymın jäne bwltartpas twjırım arqılı halıqtıñ qoldauına tolıq ie bolarıma kümänim joq.

Barşañız bilesizder, mağan qarata aytılğan barlıq madaqqa, meniñ jeke twlğamdı ayrıqşa wlıqtaytın wsınıstarğa men üzildi-kesildi tıyım salıp kelemin. Men isbasındağı Prezident retinde osı mäsele töñiregindegi teñgege beyne tañbalau, türli ataqtar siyaqtı bekerşilikke ärdayım qarsı boldım.

Men ärqaşan türli maqtau men madaqtan biik twruğa tırısamın jäne osı wstanımımda qala beremin.

Prezidenttiñ ar-namısın jäne derbes qwqığın qorğau turalı wsınılıp otırğan mäsele jöninde. Bwlar el Konstituciyasında, Prezident, Twñğış Prezident turalı zañdar men özge de zañnamalıq aktilerde şeşimin tapqan.

Meniñ otbasım turalı. Olar, özge azamattar siyaqtı tañdağan mamandıqtarı boyınşa eñbek etuge nemese qoğamdıq-sayasi qızmetter atqaruğa jäne käsipkerlikpen aynalısuğa qwqılı.

Sonımen qatar, barşa qazaqstandıqtar siyaqtı, el azamattarın teñestiretin bwljımas Zañğa bağınuı tiis.

Bwrınğı küyeubalam, üş nemeremniñ äkesi R.Älievtiñ şekten şığu arqılı tek öz otbasın, balaların, meni ğana emes, twtas eldi satıp ketui - mağan jäne meniñ otbasıma orasan qasiret boldı.

Bwl jağdaydı men jäne tuıstarım qayıspay qarsı alıp, oğan şığarılğan sottıñ şeşimin ädil ükim retinde qabıldadıq. Basqaşa boluı mümkin emes edi. Bwl tek meniñ jaqındarıma ğana emes, memleketimizdegi bilik basında jürgen barşa azamattar üşin qatañ sabaq boldı.

Täuelsizdik jıldarı biz sizdermen birge örkenietti älemniñ ölşemi men dästürlerine säykes erkin, zayırlı, qwqıqtıq memleket qwrudamız.

Biz osı jolda qol jetkizgen tabıstarımız arqılı jetekşi halıqaralıq wyımdar men integraciyalıq qwrılımdardıñ zor qwrmetine ie boldıq.

Barşañız bilesizder, Qazaqstan Europadağı Qauipsizdik jäne ıntımaqtastıq Wyımınıñ is basındağı Törağası äri öñirlik birqatar wyımdarğa basşılıq jasauda.

Biz osı senimniñ üdesinen şığıp, abıroylı mindetti layıqtı atqaruğa tiispiz.

Joğarıda aytılğan jayttarğa baylanıstı, qwrmetti Senat jäne Mäjilis deputattarı, mağan jiberilgen zañdarğa qol qoyudan bas tartu jönindegi wstanımımdı dwrıs tüsinuleriñizdi ötinemin.

Qazaqstan Respublikasınıñ Prezidenti Nwrswltan Nazarbaev

 

0 pikir