Jwma, 25 Qırküyek 2020
COVID-19 QAZAQSTANDA. Jwqtırğandar — 107590. Jazılğandar — 102360. Qaytıs bolğandar — 1699
Bilik 3387 1 pikir 28 Qazan, 2015 sağat 03:00

OQO-da SURETŞİLER MEN AQINDARDI OQITATIN MEKTEP BAR

Qazaq handığınıñ – 550 jıldığına oray wyımdastırılğan «Wlttıq tarihımızdı wlıqtayıq» attı Respublikalıq qolöner şeberleriniñ körme-järmeñkesinde qalamızdağı B.Ötep atındağı oblıstıq darındı balalarğa arnalğan «Öner» mektep-internatı İİ orınğa ie boldı, - dep jazadı "Oñtüstik Rabat" gazeti.

Bwl bilim oşağınıñ köp jeñisiniñ biri ğana. Öner ordasınıñ şäkirtteri bwğan deyin de talay belesterdi bağındırıp, biikterden köringen. Osı orayda, türli Halıqaralıq, Respublikalıq, oblıstıq bayqaulardan oq boyı oza şauıp, jüldeli orındardı iemdengen bilim wyasınıñ sırın bilmekke öner ordasına at basın bwrdıq.

 

Älqissa…

2000-şı jıldarı Ä.Qasteev atındağı körkemsuret kolledjiniñ janınan körkemsuret studiyası bolıp aşılğan öner mektebine sol kezderi swranıs köp boldı. Alayda, kolledj ğimaratınıñ da, jataqhanasınıñ da auıldan ağılıp kelip jatqan önerli balalardıñ barlığın derlik qabıldauğa qauqarı jetpedi. Saldarınan, talay balanıñ talantı twnşığıp, auıldan şığa almay qalıp qoydı. Sol kezdegi OQO jastar isi jäne işki sayasat departamentiniñ basşısı bolğan D.Mıñbay men oblıs äkimi B.Saparbaev osını eskerip, öner ordasınıñ ayasın keñeytudi jön dep taptı. Nätijesinde, 2006 jıldıñ mamır ayınan bastap körkemsuret studiyası öz enşisin alıp, Batırbek Ötep atındağı oblıstıq darındı balalarğa arnalğan «Öner» mektep-internatı aşıldı. Körkemsuretten bölek, aqındar sınıbı aşılıp, oquşılardıñ sanı eki ese arttı.

Oquğa tüsu oñay emes

Söytip, önerli balalardı özine tartıp, olardıñ boyındağı talantın aşa bilgen öner mektebinde bügingi tañda 294 bala oqidı. Mektep direktorınıñ oqu isi jönindegi orınbasarı Qalima Amangeldievanıñ (surette) aytuınşa, mwnda 6-şı sınıptı bitirgen auıl balaları konkurstıq negizde qabıldanadı. Şığarmaşılıq sınaq bir künde, yağni jıl sayın dästürli türde 20-şı tamız küni ötkiziledi. Sondıqtan bolsa kerek, bwl küni bağın sınauğa keletin balalar tım köp boladı. 100 orınğa 300 bala talasadı. Birinşi sınaq – «mol'bertke» ornatılğan aq qağazğa suret salu. Osılayşa balanıñ önerge degen qabilettilik deñgeyi sınaladı. Ekinşi kezeñ äñgimelesuden (sobesedovanie) twradı. Mwnda komissiya müşeleri balanıñ oquğa öz erkimen kelgen-kelmegenin swraydı. Sebebi, mamandardıñ aytuınşa ata-analardıñ arasında balasın erkinen tıs internatqa jatqızıp, memleket qaramağında bolğanın qalaytındarı da bar. Äñgimelesu barısında ümitkerdiñ önerdiñ qay türine beyim ekeni de eskeriledi. Eki sınaqtan da sürinbey ötken balalardıñ nağız talanttıları, yağni oquğa, önerge degen qızığuşılığı barları ğana qabıldanadı. Mwndağılar qwjattardı qabıldau barısında oqu ülgerimin de nazardan tıs qaldırmaydı. Eger oquşınıñ aqsap twrğan pänderi bolsa, wstazdar sonı tereñdetip oqıtuğa küş saladı. Oqıtu demekşi, mwnda 47 mwğalim önerpazdarğa bilgenderin üyretip, şıñdap jatır. Sabaq kestesi kädimgi jalpı bilim beru standartına negizdelgen. YAğni, bir sınıptıñ oquşıları qazaq, orıs, ağılşın tilderin, matematika, tarih jäne t.b pänderdi tüske deyin oqısa, endigi bir sınıp sol pänderdi tüsten keyin oqidı. Al, sabaqtan soñ oquşılar toptarına qaray körkemsuret nemese ädebi-muzıka bağıtı boyınşa däris aladı. Körkemsuret bağıtı boyınşa oqitındar: suret, keskindeme, kompoziciya, sändik qoldanbalı öner, dizaynnıñ qır-sırın meñgerse, ädebi-muzıka bağıtın tañdağandar aytıs, terme, dombıra, wlttıq bi, vokal, dästürli ändi üyrenedi. Oquşılardıñ özin-özi basqaru maqsatında mwnda «Jas jauqazın» wyımı, «Bäyşeşek» qızdar klubı jwmıs isteydi. Internat bolğandıqtan balalar üylerine qaytpay oqidı. Sondıqtan olardıñ oqudan tıs uaqıtın da qadağalau kerek. Bwl üşin internatta kündiz-tüni jwmıs isteytin 19 tärbieşi bar.

Şäkirtterimiz – maqtanışımız

Talap pen tärtip bar jerde bilim ülgerimi de jaqsı bolatını sözsiz. Mwnı Batırbek Ötep atındağı oblıstıq darındı balalarğa arnalğan «Öner» mektep-internatı däleldey bildi. Mäselen, mektep-internattıñ oquşıları jıl sayın qalalıq, oblıstıq olimpiadalarğa qatısıp, jüldeli orındardan körinip jür. Sonday-aq, arnaulı pänder boyınşa halıqaralıq, respublikalıq, oblıstıq jarıstarğa qatısadı. Qalima Bäydibekqızınıñ sözine süyensek, oquşılardıñ mwnday jetistikterge jetui, olardıñ 9-sınıptan keyin öner kolledjderine oquğa tüsuin jeñildetedi. YAğni, tülekterdiñ 80-90%-ı oblıstağı öner kolledjderinde bilimin jalğastıradı.

Aytpaqşı…

Bastapqıda 180 balağa şaqtalıp salınğan mektep ğimaratı bertin kele oquşı sanınıñ artuı sebepti tarlıq etti. Osını eskergen sol kezdegi oblıs äkimi A.Mırzahmetov 2011 jılı mektep janınan 150 orındıq jaña oqu üyi men sport zal, ashananıñ salınuına mwrındıq boldı.

Tüyin:

Önerli balalardıñ boyındağı wşqının öşirmey, äri qaray damuına dem berip kele jatqan öner mektebi talay jastıñ bolaşağına jol aştı. Äli de talay darındı jastıñ bağın aşıp, ayağına nıq twrğızatını anıq.

Ayjan ERMEKQIZI

Abai.kz

1 pikir