Senbi, 4 Säuir 2020
COVID-19 QAZAQSTANDA. Jwqtırğandar — 525. Jazılğandar — 36. Qaytıs bolğandar — 5
Ne deydi?! 4326 0 pikir 30 Qazan, 2015 sağat 13:22

DADAEV PUTINGE ADALDIĞIN SIRIYADA SOĞISIP DÄLELDEMEK


Jaqında reseylik oppozicioner Boris Nemcovtı öltirdi degen küdikpen qamauğa alınğan Zaur Dadaev Resey Prezidenti Vladimir Putinniñ atına aşıq hat joldağan. Hatta Zaur Dadaev öziniñ RF-ğa adal ekendigin aytıp,  Prezidenti  men otanınıñ  aldında patriot ekenin  däleldeu üşin RF Qarulı küşteriniñ sapında Siriyadağı IM-ge qarsı äskeri operaciyalarğa qatısuğa mümkindik beruin swrağan.  Bwl turalı Abai.kz portalı  «Veremya» gazetine silteme jasay otırıp habarlaydı.


Boris Nemcovti ölimine küdiktilerdiñ biri Zaur Dadaev öziniñ Resey Prezidentine joldağan hatında «Qwrmetti Prezident mırza, mağan tağılğan naqaq ayıptaularğa qaramastan, men özimniñ Otanıma degen patriottığımdı jäne sizge degen  adaldığımdı däleldeuge äzirmin. Eger  qajet dep tapsañız, men sizdiñ poziciyañızdı qoldap, Siriyadağı terroristerge qarsı kompaniyağa qosılsam deymin. Sizden özimniñ kinäsiz ekenimdi däleldeuge mümkindik beruiñizdi swraymın», - degen.

Sonday-aq, ol RF Prezidenti Vladimir Putinge älemdegi terrorizmmen küresi üşin rizaşılığın bildirgen.

Basılımnıñ mälimetterine süyensek, Zaur Dadaev Prezidentke joldağan hatında öziniñ Boris Nemcov qazasına eşbir  qatısı joq ekenin, naqaq qamalğanın aytqan. Al kinäni öz erkimen moyındauın ol özine küş qoldanılğanı arqılı tüsindirgen.

«Eger men sol kezde kinäni öz moynıma almağanda, mağan jäne meniñ otbasıma qauip tönetin edi. Sonımen qatar, qwzırlı organ ökilderi mağan fizikalıq küş körsetip, meniñ wlttıq wstanımdarıma, mentalitetime  jäne dinime qayşı keletin şaralar qoldanatın edi.  Eger tergeuşiler aytqanday şaralardı däl mağan qoldansa, men ärmen qaray ömir süre almaytın edim. Sondıqtan amalsızdan, protokolğa qol qoyıp berdim. Endi aqiqatın aytatın sät keldi. Bizdiñ eldiñ qwqıq qorğauşıları äli künge deyin şın qılmıskerdi taba almağanı ma?», - deydi Zaur Dadaev.

Üstimizdegi jıldıñ säuir ayında Zaur Dadaev reseylik oppozicioner, sayasatker Boris Nemcovtı öltirgenin moyındağanı turalı aqparat tarağan bolatın.

Zaur Dadaev öziniñ RF Prezidentine joldağan hatın: «Eger men şeşen bolsam, meniñ qılmısker boluım kerek degen söz emes qoy. Men özimniñ osı eldiñ patriotı ekenimdi ömir boyı aytıp kelemin. Men şeşender de reseylik ekenin, osı eldiñ zañına bağınatının talay ret däleldegen bolatınmın. Endigide men özimniñ kinäsiz ekenimdi, eşqanday adamdı öltirmegenimdi, öz otanıma adal ekenimdi däleldeudiñ jalğız jolı – Resey üşin, Otanım üşin maydanda qaza tabu! Mağan osı rette mümkindik beruiñizdi swraymın, qwrmetti Prezident mırza!», - dep tüyindegen.

Ayta keteyik, reseylik oppoziciya ökili, sayasatker,  55 jastağı Boris Nemcovtı belgisiz bireuler 2015 jıldıñ 27-aqpanında Kreml'diñ aldında atıp ketken bolatın. Qazirgi tañda, sayasatker qazasına qatısı bar degen küdikpen 5 birdey şeşen azamatı qamauğa alınğan. Tergeu nätejieleri körsetkendey, Nemcovqa oq atqan – däl osı Zaur Dadaev bolğan.

Sonday-aq, Nemcov qazasına Şeşenstan Respublikasınıñ Prezidenti Ramzan Qadırovtıñ jaqın serigi Ruslan Geremeevtiñ de qatısı bar degen küdik rastalğan. Tipti, keybir derekter  Nemcovtı öltiruge tapsır beruşi  – Geremeev ekenin körsetken.

Al sayasatkerdiñ qızı Janna Necova äkesiniñ qazasına Şeşenstan Prezmdenti Ramzan Qadırovtıñ da qatısı bar dep esepteydi.

Nwrgeldi Äbdiğaniwlı

Abai.kz

0 pikir