Qaraghandy oblystyq sotynda «Ahmetov isi» boyynsha sottalushylardyng «Kóliktik-logistikalyq keshen» JShS-men baylanysty epizod boyynsha sotta jauap berui jalghasuda. 19 qarashadaghy sot otyrysynda sottalushylardyng biri, Premier-Ministr kensesi jetekshisining búrynghy orynbasary Ghabit Mataev ózining qúqyn paydalanyp, týsinik beruden bas tartty. Múnday jaghdayda sottalushynyng sotqa deyingi tergeu kezinde bergen jauaptary jariyalanady.

Ayta ketelik, Gh. Mataev 2010 jyly «Saryarqa әleumettik-kәsipkerlik korporasiyasy» ÚK AQ-nyng basqarma tóraghasy, 2011 jyly Qaraghandy oblysy әkimining orynbasary, 2013 jyly Premier-Ministr kensesi jetekshisining orynbasary qyzmetterin atqarghan. Sotqa deyingi tergeude ol mynaday týsinik bergen: «2011 jyldyng kókteminde S. Ahmetov ekeuara әngimemizding barysynda maghan Qazaqstandaghy jәne әlemdegi kóliktik-logistikalyq keshenderding tәjiriybesin zertteuge tapsyrma berdi. Sebebi ol osynday jobany Qaraghandy oblysynda jýzege asyrghysy keletinin aitty. Men búl mәseleni zerdeleudi «Saryarqa» ÁKK» ÚK AQ-nyng qúrylymyndaghy «Agrokonsalting-K» AQ-nyng basshysy Azamat Múqanovqa tapsyrdym. Arada birshama uaqyt ótkende A. Múqanov tapsyrmany oryndap, bolashaq jobanyng syzbasyn jasady».

Gh. Mataev A. Múqanov dayyndaghan materialdardy qarap shyqqannan keyin S. Ahmetovke «Agrokonsalting-K» AQ kóliktik-logistikalyq keshendi tanystyru ýlgisin әzirlegenin bayandaydy. S. Ahmetov jobanyng tanystyrylymy ótetin kýn men uaqytty belgileydi. Odan әridegi oqighalar tizbegin sottalushy bylay әngimelegen: «Sol kýni me әlde, basqa kýni me esimde joq, әkimdiktegi jinalystan keyin Ahmetov meni jәne qala әkimi Ábdishevti kabiynetine shaqyrdy. Sol jerde kóliktik-logistikalyq keshenning qúrylysyna júmsalatyn qarajat baryn aitty. Sonymen qatar Ahmetov Ábdishevke keshenning qúrylysyna jer telimderin bóludi, maghan onyng qúrylysyna jalpy baqylau jasaudy tapsyrdy. Aytarlyghy, kezdesude jәy ghana jer telimi emes, «Agrokonsalting-K» AQ-nyng kókónis qoymasynyng janynda ornalasqan jer telimi turaly әngime qozghaldy».

Kóp úzamay «Agrokonsalting-K» AQ jobany odan әri pysyqtaugha kirisip ketedi. Ahmetovting núsqauyn orynday otyryp, B. Ábdishev kóliktik-logistikalyq keshenning qúrylysyna «Agrokonsalting-K» AQ-nyng kókónis qoymasynyng janynan jer telimderin bóledi. Sottalushy Gh. Mataevtyng aituynsha, S. Ahmetov kóliktik-logistikalyq keshenning qúrylysyna aqsha salushy etip kórsetetin qanday da bir sheteldik investor tabudy tapsyrady. «Yaghny Ahmetovting osy keshenge salatyn aqshasy boldy. Biraq ol aqshany sheteldik investordyng qarajaty retinde saludy josparlady» deydi sottalushy tergeudegi týsiniginde. Sayyp kelgende әldebir tanysy Marat Isbaev ashqan «Standartex Project LLP» kompaniyasy investor retinde tandalady. Sóitip M. Isbaev «Agrokonsalting-K» AQ-men birlesip «Qaraghandy kóliktik-logistikalyq kesheni» JShS-in qúrady.  Jana firmany basqaru Gh. Mataevtyng úsynuymen A. Bilәlovqa tapsyrylady.

«2012 jyldyng aqpan aiynda S. Ahmetov maghan kәsipker D. Ydyrysovpen sóileskenin aitty. Biluimshe, Ydyrysovtyng kompaniyasy kommunaldyq mekemelerdi basqaratyn. S. Ahmetovting sózinen úqqanym, D. Ydyrysov sheteldik kompaniyanyng shotyna aqsha audarugha jәrdemdesuge kelisipti. Keyinirek ol qarajat investisiya esebinde «Qaraghandy kóliktik-logistikalyq kesheni» JShS-ning shotyna audarylatyn bolghan. Osydan keyin S. Ahmetovting núsqauymen «Standartex Project LLP»-ting shotyna audaryluy qajet aqshany mening ýiime ýsh ret әkeldi»,- delingen Gh. Mataevtyng tergeuge bergen týsinikterining birinde. Ol aqshany Gh. Raqymjanov, B. Ábdishev jәne B. Núrekina әkelip bergenin aitady.

S. Ahmetov әrkez «Standartex Project LLP» kompaniyasynyng shotyna audarylatyn aqshany әkeletinin eskertip otyrghan. Sottalushy Gh. Mataev kezdesulerding óz ýiinde bolghanyn rastaydy. Birinshi ret aqshany 2012 jyldyng aqpanynda, ekinshi ret 2012 jyldyng mausymynda jәne ýshinshi ret 2012 jyldyng qyrkýieginde jetkizgen. Búl oqighany: «Aqsha sporttyq sómkelerge salynghan. Men sómkelerdi ashyp, onda aqshanyng bar-joghyn tekserdim. Biraq aqshany sanaghan joqpyn. Óitkeni Gh. Raqymjanov, B. Ábdishev jәne B. Núrekinalar maghan aqshany bergende sómkelerde qanday soma baryn aityp otyrdy» dep týsindiredi tergeude sottalushy. Gh. Mataev aqshany alghannan keyin, birden S. Ahmetovke tikeley habarlaghan. Al qarjynyng audarymdary S. Ahmetovting qyzmettik bólmesinde kelisilgen kórinedi. Nәtiyjesinde sheteldik kompaniya arqyly «Kóliktik-logistikalyq keshen» JShS-ning shotyna 6 mln. dollargha juyq aqsha audarylghan.

Ámina BÁKIR

Abai.kz