LENINNING  eskertkishin ornatudy kózdegen KOMMUNISTER  endi ORTAQ VALUTANY JAQTAUDA!..

Osy qyzyl kommunisterge senip jýrgenderde de es joq. Áytpese, tórt jyl búryn  saylauda dauys berer me edi?!. Olar elimiz qyzyl kommunister basqarghan qyzyl imperiyanyng qandy shengelinen qútylyp, Tәuelsizdik alghanymyzgha  shiyrek ghasyr ótse de, ormangha qarap úluyn qoyar emes…

Ótkende ghana Qazaqstan halyqtyq ​kommunistik partiyasy (QHKP) bolishevikter kósemi  Leninning Astanadaghy «Gorkomhoz» mekemesinde jatqan eskertkishine Astanadan oryn berudi súrap, qala әkimine jylap-enirep hat jazdy.

QHKP Astana qalalyq bólimshesining hatshysy Marat Áubәkirovtin bar qayghysy –  «kommunister gýl shoghyn qoyatyn jer joq» eken…  Au, sonda, elordadaghy el ýshin ómirin qighan erlerimizding eskertkishteri olargha bóten be? Keshe ghana 550 jyldyghyn býkil elimiz bolyp toylaghan Qazaq memleketinin  negizin salushy Kerey men Jәnibek handardyng eskertkishi  she? Esilding jaghasynda erligin pash etip, qylyshy jaltyrap  túrghan qaharly Kenesaryny aitsaq, shoshyp keter, úly Abayymyzdyng eskertkishi she? Búlar qyzyl kommunisterge ógey túlghalar ma?..

“Ándijanda bir әpkem bar, búdan da ótken soraqy”-degendey, búlardyng qarsylastary,  taghy bir kommunister, ýsh ay búryn jabylyp qalghan oppozisiyalyq Qazaqstannyng Kommunistik partiyasynyng da (QKP), onyp túrghany shamaly eken. Azattyq radiosyna bergen jauabynda QKP Astana bólimshesining tóraghasy Núrlan Áuesbaev ta ózderining  Leninning eskertkishin Astanagha ornatu ýshin әkimdikke talay ret hat jazghanyn aitady.  Biraq  onyng bәrine teris jauap alghasyn, “teris qarap jatyp alghanyn” aityp zarlap otyr.

Kensesinde Leninning bir emes… ýsh bustin qúshaqtap, tәu etip jýrgen oppozisiyalyq kommunist Núrlan Áuesbaev ta,  Leninge elordadan oryn izdep jýrgen “halyqtyq” kommunist  Marat Áubәkirov te,  Alash kósemi Álihan Bókeyhan turaly bile me eken?!.

2012 jyly  qazan aiynda Alashtyng 95 jyldyghyn elimiz boyynsha atap ótken  “Aq jol” partiyasy   
Parlamentte Álihan Bókeyhan bastaghan Alash arystaryna eskertkish ornatu turaly bastama kóterip, Ýkimetke deputattyq saual joldaghan edi.  Al biylghy 14 qazanda   Ýkimetke Álihan Bókeyhannyng 150 jyldyghyn layyqty dengeyde ótkizu jónindegi Memlekettik komissiya qúru qajettigi turaly deputattyq saual joldaghany belgili.

Keshe ghana, 18 qarashada  Alty Alashqa  quanyshty habar – Alash kósemi Álihan Bókeyhannyng 150 jyldyghyn әlem toylaytyny  turaly YuNESKO-nyng  sheshimi shyqty!

Al osy býkil qazaq quanyp, bir-birin qúttyqtap jatqan sýiinishti habargha  Leninnen basqany bilmeytin bizding kommunister  quana qoydy ma eken?

Qazir  elding bәri “Aqjoldyn” Astanada Álihan Bókeyhannyng eskertkishin túrghyzu turaly  bastamasyn qoldauda.   Leninning eskertkishin emes!..

Bastauynda Lenin túrghan  qyzyl imperiya Kenes  Odaghynyng  ómir sýrgen 70 jylyndaghy  qandy qasiretter, 30 jyldardaghy qazaqtyng jartysyn әdeyi qaskóilikpen  úiymdastyrghan asharshylyqta qyrghyngha úshyratu, 37-jyldardaghy zúlmatta qazaqtyng bar asylynyng atyluyn tariyh  qalay úmytady!   20-jyldardaghy qyzyl qyrghynda qazaqtyng qynaday qyryluyndaghy  Leninning basty rólin basy barlar úmytpaydy, kommunister úmytqanmen…  Atamekenin tastap, jan saughalap, Qytaygha  josyla kóshken qalyng qazaqty Qyzyl Armiya qyzyl qangha bóktirgeni belgili. Óitkeni, bolishevikter kósemi Vladimir Leninning  “Shekaradan ótkizbender… biraq  qaytarmandar da” degen búiryq bergen haty kezinde baspasózde jariyalanghan.

Sondyqtan da, 2011 jyly “Aq jol” partiyasynyng tóraghasy Azat Peruashev   otyzynshy jyldardaghy zobalang ashtyq  pen zúlmat repressiyagha  kommunistik partiya jauap berui kerek dep mәlimdeme jasaghan bolatyn…

 Al endi keshe kommunisterden saylanghan Mәjilis deputaty, Leninning naghyz qyzyl jalauly qorghaushysy Ayqyn Oiratúly Qonyrov Resey Dumasynyng deputaty Leonid Sluskiyding “Ortaq valutagha kóshu kerek” degenine alaqaylap quanyp,  qos qolyn kóterip kosyla ketti.  “Ekonomikalyq odaqta bolghan song ortaq valutanyng boluy da jaman emes”-dep, bylq etpey, bylsh etkizdi. Tipti, әriptesteri, Mәjilis deputattary, “Aq jol” partiyasy tóraghasy Azat Peruashevtyn: “Tenge -Tәuelsizdigimizding basty belgisi! Tengeden airylu – Tәuelsizdikke qater! ” dep, bir-aq keskeni de, núrotandyq Mәulen Áshimbaevtyn: “Bizding biylik búl mәseleni eshbir qarastyryp otyrghan joq” – dep, eskertui de,  kommunist Qonyrovty oilandyra qoyghan joq.

Sonda Mәjiliste 4 jyl otyryp,  ne aitaryn bilmegesin “Nandy 300 tengege kótereyik” dep, atyn shygharghan kommunist Qonyrovtyng oiy nede?  Búl býgingidey dýrbeleni kýsheyip túrghan kezende keshegi Kenes Odaghyn ansaudan arylmaghandardyng otyna may qúy emes pe? 8 jyl boyy Astanada otyryp, Mәskeuding gazetin basyp shygharghan  kommunist deputattyn  sanasy әli reseylik basylymdardyng yqpalynan shygha almay jýr me? Áne, jat elding baspasózinin  jasap jatqan әseri…

Tәuelsizdikting basty tirekterining biri – tól tengemizdi tәrk etuge shaqyryp otyrghan Mәjilis deputatynyng qauipti әreketine qúziretti oryndarymyz ne demek?

“Ortaq valuta  kerek” dep, egemen el erkine qarsy shyghyp, teris oiyn  ayqyn bildirip otyrghan Ayqyn Qonyrovty sóiletip otyrghan  qanday kýsh?

Qazaq tengesine qarsy shyqqan  Ayqyn Qonyrov qazaqtyng betine qalay qaraydy?  Tәuelsiz Qazaqstannyng Parlamentinde otyryp, Resey Dumasy deputatynsha oilaytyn Ayqyn Oiratúlynyng aiqyn  oyrattyq  oyy jauapsyz qalmauy tiyis!

Bizden basqa elde bolsa, búnday Qonyrov siyaqty últtyq mýddege qarsy shyqqan deputattardy esekke teris mingizip, aidap shyghar edi…

Áli kýnge deyin týsinde Qyzyl Alandy kórip, Kremliding qonyrauymen oyanyp, monshagha da qyzyl galstukpen baratyn  qyzyl bolishevikter bizding Tәuelsizdik alghanymyzgha 24 jyl bolghanyn bile me eken?!.

Qazybek ISA, “QAZAQ ÝNI”  gazeti

Týpnúsqadaghy taqyryp: Qazaq tengesine qarsy Qonyrov qazaqtyng betine qalay qaraydy.