Jwma, 10 Şilde 2020
COVID-19 QAZAQSTANDA. Jwqtırğandar — 53021. Jazılğandar — 31277. Qaytıs bolğandar — 264
Bilik 4277 0 pikir 30 Qaraşa, 2015 sağat 17:59

OQO-DA JAÑA 13 ÄLEUMETTİK NISAN AŞILDI

1 jeltoqsan - QR Twñğış Prezidenti künin Oñtüstik Qazaqstan oblısınıñ twrğındarı ayrıqşa atap ötude. Mereke qarsañında oblıstağı audan, qalalarda jalpı sanı 13 äleumettik nısan aşılıp, el igiligine tapsırıldı. Bwl turalı abai.kz portalı habarlaydı.

Mäselen, Tülkibas audanında 4 äleumettik jäne käsipkerlik nısanı boy köterip, paydalanuğa berildi.  Elbasınıñ  2020 jılğa deyin balalardı balabaqşamen 100 payız qamtamasız etu josparına säykes, audandağı Intımaq auılında 100  orındıq balabaqşa el igiligi üşin jwmısın bastadı. Äleumettik nısan «Balapan» bağdarlaması ayasında memleket pen jekemenşik äriptestigi negizinde iske qosıldı. Ayta ötken jön, 2 mıñnan astam halqı bar eldimekende bwğan deyin balabaqşa bolmağan. Sonday-aq, mereke ayasında Tülkibastağı Kümisbastau eldi mekeni men M.Järimbetov auılında zaman talabına say qwral-jabdıqtarmen qamtamasız etilgen medicinalıq beket pen feld'şerlik akuşerlik tirek punkti aşıldı. Bwl audanda jalpı 53 medicinalıq mekeme halıqqa qızmet körsetedi. Sonımen qatar, jergilikti jerde otandıq önimdi damıtu, käsipkerlerge qoldau körsetu, halıqtı jwmıspen qamtu bağıtı ayasında Azattıq auılında mineraldı emdik-sauıqtıru as suın öndiretin «Kristal-su» JŞS-i iske qosıldı. Jılına 10 mıñ tonna önim öndiretin cehta susınnıñ 6 türi şığarıladı.

Twñğış Prezident küni qarsañında Sarıağaşta apattı mektepterdiñ sanı bireuge azaydı. YAğni audandağı Tegisşil eldi mekeninde aşılğan 300 orındıq №34 Ş.Uälihanov atındağı orta mektep jañadan aşıldı.

Sonımen qatar, Ordabası audanınıñ eki auılınıñ twrğındarı da quanışqa keneldi. Ondağı Aqsarı auılındağı «Aqsarı» bastauış mektebi men Jaña Twrmıs eldi mekenindegi «Jambıl» bastauış mektepteri jaña ğimaratqa qonıs audardı. Jalpı, jıl basınan beri Ordabasıda 4 bastauış mektepke ğimarat satıp alınıp, jaña qonısqa jayğasıp otır. Ol üşin audandıq byudjetten ärbir bilim mekemesine 13 million teñgeden qaralğan.

Sozaq audanında da jaña nısan boy köterdi. Audandağı Tastı auılınan aşılğan 50 orındıq balabaqşağa «Katko» qazaq-francuz birikken käsipornı JŞS-i demeuşilik etken.

Osı künderi tölebilikter de mektepke deyingi mekemelermen tolıqtı. Audandağı Aqqwm eldi mekeninde 80 büldirşinge şaqtalğan «Aqjwldız», Zertas auılında 100 balağa arnalğan «Aqbota böbekjay» balabaqşası esigin ayqara aştı. Sonday-aq, merekeni toylau barısında Tölebidegi Jambıl jäne Qaratöbe auıldarındağı mädeniet üyleri ağımdağı jöndeuden ötip, audan twrğındarına qoldanısqa berildi. İrgetası 50-60 jıl bwrın qalanğan öner şañıraqtarı audandıq byudjet esebinen jöndelip otır.

Sonday-aq, Qazığwrt audanında ardagerler üyiniñ lentası qiıldı. Audandıq mädeniet sarayına qarastı ğimarattı kürdeli jöndeuden ötkizip, qariyalardıñ igiligine berilgen nısan ardagerler bölmesi men demalıs bölmesi jäne äyelder keñesiniñ bölmelerinen twradı.

Oñtüstik Qazaqstanda QR Twñğış Prezidenti künine oray, «Älem moyındağan köşbasşı», «Elbası oqığan kitaptar», «Meniñ elim – Meniñ Prezidentim», «Elbası jäne Oñtüstik» t.b. taqırıptarda türli mädeni is-şaralar men kezdesuler, foto körmeler jäne sporttıq jarıstar ötkizilude. 

OQO äkiminiñ baspasöz qızmeti

0 pikir