Seysenbi, 31 Naurız 2020
Jañalıqtar 2429 0 pikir 5 Şilde, 2015 sağat 23:11

NAZARBAEV - TÜRİK BİRLİGİNİÑ WYITQISI

Bügin, Astana qalasında Türik Akademiyasınıñ kezekti kezdesui ötti. Kezdesuge Türik memleketterinen ğalımdar keldi. Astana küni qarsañında arnayı saparmen kelgen Türkiyanıñ eks-prezidenti Abdulla Gül de Akademiya jinalısına qatıstı. Ol öz sözinde osınday Akademiyanıñ qwrıluına wyıtqı bolğan Qazaqstan prezidentine alğısın bildirip:

«Nwrswltan Nazarbaev - türki integraciyası men birliginiñ wyıtqısı. Türki keñesiniñ qwrıluına, osı ideyalardıñ jüzege asırıluına, äsirese, Prezident Nwrswltan Nazarbaevtıñ siñirgen eñbegi zor boldı dep ayta alamın.», - dedi.

Bwl turalı Halıqaralıq Türki akademiyasınıñ baspasöz qızmeti habarladı.  

«Odan keyin Türki Keñesiniñ ayasında  TürkPA siyaqtı instituttardı qwrdıq. Sonıñ işinde Prezident Nwrswltan Nazarbaevtıñ ülken män bergen institutı  - Türki akademiyası. Onıñ bwl ideyasın men de qoldap, Astananıñ törinde, osınday ädemi ğimaratta Akademiyanı aştıq. Astanada ornalasqanımen bwl Akademiyanıñ jwmısı büginde külli türki düniesin qamtıp otır. Qısqa ğana uaqıtta köptegen mañızdı is-şaralar ötkizdiñizder», - dep atap ötti Abdulla Gül.

Onıñ aytuınşa, türik tekti halıqtar adamzattıñ damuına ölşeusiz üles qosıp, bağa jetpes mwralar qaldırğan. Olardı tügendeu, älem jwrtşılığına paş etu osı Akademiyanıñ jwmısı arqılı mümkin bolıp otır.

Astanağa saparlap kelgen Abdulla Gül mırza bügin Halıqaralıq Türki akademiyasına kelip, türki düniesindegi ğılım men bilim salasın üylestiruşi wyımnıñ jwmısımen tanıstı.

Kezdesuge belgili ğalımdar, memleket jäne qoğam qayratkerleri Mırzatay Joldasbekov, Ädil Ahmetov, Seyit Qasqabasov, Sauıtbek Abdrahmanov, Erlan Sıdıqov, Ğarifolla Esim, Şäkir Ibraev jäne basqa birqatar ziyalı qauım ökilderi qatısıp, öz pikirlerimen bölisti.

 

Abay-aqparat

0 pikir