Qúrmetti bauyrlar, qadirli jamaghat!

Qadir týnine barshamyzdy aman-esen jetkizgen Alla Taghalagha sheksiz shýkirler men madaqtar bolsyn!

«Qadir» sózi arab tilinen audarghanda «qasiyetti týn» degen maghynany bildiredi. Búl – Qúran týsken týn. Alla Taghala «Qadir» sýresinde: «Rasynda Biz Qúrandy qadir týni týsirdik. Qadir keshi myng aidan qayyrly», – dep bayandaghan.

Týnderding tóresi, myng aidan qayyrly, perishteler jerge týsip, jer betinde bereke ornaytyn Qadir keshi – sauaptar eselenip jazylatyn erekshe, qasiyetti týn.

Jaratushy IYemiz búl týni shynayy namaz oqyp, Ózine jalbaryna dúgha jasaghan pendening barlyq qayyrly amaldaryn qabyl etedi. Ótken qate-kemshilikteri men kýnәlary ýshin ókinip, Jaratqannan keshiriluin tilegen adamnyng tilegi de qabyl bolmaq. Sondyqtan osy keshte kóbirek dúgha jasaghan abzal.

  Aysha anamyz (Alla oghan razy bolsyn) payghambarymyz Múhammedten (Allanyng oghan salauaty men sәlemi bolsyn): «Ua, Allanyng elshisi! Eger Qadir týnine jetsem, qanday dúgha jasayyn?» – dep súraydy. Sonda eki dýnie sәruary: «Ua, Alla! Sen tym keshirimdisin, keshirudi jaqsy kóresin, meni de keshire gór!», – dep dúgha jasaudy ósiyet etken.

Payghambarymyz taghy bir hadiysinde: «Alla Taghala Qadir týnin mening ýmmetime syilyq etip bergen. Múnday nyghmet búrynghy ýmmetke búiyrmaghan», – dep Siz ben bizge sýiinshi habar aityp, shattyqqa bólegen.

Alla Taghala barshamyzdyng dúgha-tilekterimizdi, әrbir qayyrly amaldarymyzdy Qadir týnining qúrmeti ýshin qabyl etkey! Elimiz aman, júrtymyz tynysh bolghay! Birligimiz ben berekemiz artyp, Jaratushy IYemiz әrqashan halqymyzgha jar bolghay! Ámiyn!

 Erjan qajy MALGhAJYÚLY,

Qazaqstan músylmandary diniy

basqarmasynyng tóraghasy, Bas mýftiy