Reseylik LifeNews telearnasy Petr Poroshenkonyng әnúran aityp túrghany týsirilgen viydeogha atyshuly «Borat» filimindegi Qazaqstannyng «әnúranyn» salyp, jazylghan viydeorolik jariyalady.

Úlybritaniyalyq sayqymazaq Sasha Baron Koen jazyp, basty rolin somdaghan «Borat» jauapsyz qaldyrghan fiylimin biylik úmytsa da, qorlanghan qazaq әli úmytpaghan shyghar. Sol qazaqty keshe Reseyding auqymdy aimaqqa habar taratyp jýrgen arnasy taghy qorlady.

Búghan narazy qoghamdyq túlghalar qazirding ózinde óz payymdaryn jazyp, Qazaqstan aumaghynda LifeNews saytynyng taralymyna tyiym saludy talap etip jatyr.

Narazylyq bildirgen eks-ministr, «Órleu Últtyq ortalyghy» AQ diyrektorlar kenesining tóraghasy Ábenov Facebook әleumettik jelisinde memlekettik organdargha qarata:

«Qazaqstandy qorlaghan viydeony óshirtip, keshirim súraudy talap etu kerek. Bizde onday qúqyq bar ghoy. Bas prokuraturanyng elimizdi ashyq týrde Internet arqyly osylay qorlap jatqandargha nege jauap bermeytinin týsinbeymin. Elektrondy BAQ-ty baqylauy tiyis bizding sheneunikterdi jauapkershilikke tartyp, sharanyng qoldanyluyna bastamashylyq etu kerek. Bizding Zandy qalay búzyp otyrghandaryn kórip resmy týrde әreketsizdik dep tanu qajet. Biz búl erejelerdi ózimizdikilerdi jazalau ýshin ghana jetildirmeymiz ghoy. Nemese dostastyq eline qarsy kezekti ret ýndemey qalamyz ba. Ishten tynamyz... Men, mysaly, QR Azamaty retinde mening elimning abyroyyn saqtaudy talap etemin! Qajet bolsa resmy ýndeu jazugha dayynmyn», - dep zildi jazba jazdy.

Al, belgili ekonomist Múhtar Tayjan ózining jazbasynda:

«Keshe, reseylik telekompaniya Ukraina preziydenti Petr Poroshenkony «Borat» fiylimindegi Qazaqstan gimnin aityp túrghanday kórsetetin, Qazaqstandy qorlaghan tekstpen montaj kórsetti. Múndaghy әngime keshegi Kiyevte sәtti ótken Qazaqstan men Ukrainanyng Ýkimet aralyq komissiyanyng otyrysyna baylanysty. Mynau nadan arazdyq Ukraina men bizding elimizding arasyndaghy bauyrlastyqqa syzat týsiruge baghyttalghan. Jalghyz súraq:  bizding arnauly organdar taghy da mynqiyp qala ma? Bizding elde Lifenews-qa tiym salu kerek», - dedi.

Búl kýnde mazaqqa qazaqtyng eti ýirengen. Qúzyrly organdardyng ýndemestigi men qazaqtardyng kónbistigi qosylyp, ózgelerding egemendigimiz ben memlekettik qúndylyqtarymyzgha qol súghuyna jol berip keledi. Byltyr kóktemde Jirinovskiy qazaqqa qarata qanday shirik sóz aityp edi, al jaz aughanda Putin qazaqqa tarihy joq, memleketi bolmaghan el dedi.  Jyl ótpey Resey tarapynan taghy qorlau jýrdi. Qúzyrly organdar men Azamattyq qogham birigip, búnday soraqylyqqa der kezinde toqtau salmasa kýz kelgenge deyin taghy qanday jelkeleuge týsetinimizdi kim bilsin?!

Abai.kz