Últtyq Bank tóraghasy Qayrat Kelimbetov tenge baghamynyng erkine jiberilgenin eskerip, aqsha aiyrbastau punktterinen payda tabam deushilerdi sabasyna týsuge shaqyrdy. Onyng oiynsha, búl aqylgha syiymsyz.

Nur.kz jazuynsha, búl turaly Kelimbetov KTK arnasynyng «Slugy naroda» baghdarlamasynda mәlimdegen.

«Biz tengening qúbyluyn әli baqylaytyn bolamyz. Sondyqtan, aqsha aiyrbastau punktterine jýgirip, payda tauyp qalamyn deu әbestik. Biz Shyghys Europa elderin, sonyng ishinde, valuta kýn sayyn emes, saghat sayyn qúbylyp túratyn Reseydegi jaghdaydy zerttedik. Túrghyndar jinaqtaryn óz shyghyndaryna sәikes júmsaghan jón», – dep kenes berdi Últtyq bank tóraghasy.

Kelimbetovting aituynsha, múnay baghasy ósetin bolsa, tenge baghamy  nyghaya týsedi. Al múnay baghasy tómendeytin bolsa, tenge de qúldyramaq.

«Ázirge payyzdyq mólsherleme búrynghyday tenge salymdary ýshin - 10%, ózge valuta ýshin  -  3%. Sonymen qatar salymdar boyynsha shetel valutasynda 5 milliongha deyin, al tengede jinaqtasanyz, 10 million somagha deyin kepildik bar. Ár tútynushy ózi sheshim qabyldaydy. Ortasha merzimdi  perspektivada dollarsyzdandyru ýderisi bastalady dep sanaymyz», - dedi Últtyq bank basshysy.

Sonymen qatar, Últtyq bank tóraghasy Qazaqstanda dollarsyzdanu prosesi bastalatynyn da jetkizdi.

Abay-aqparat