Qogham belsendisi, Gh. Mýsirepov atyndaghy qordyng tóraghasy Ghabiyden Jәkey әleumettik jelidegi paraqshasynda: «Sankt- Peterburgten QASIYETTI KENESARY HANNYNG basyn tughan jerine qaytaru ýshin qúrylghan Qazaq - Resey qoghamdyq birlestigi býgin ýlken úiymdastyru sharalaryn jasauda! Jaqsy habar, Resey memleketining qúzyrly oryndary resmy hat arqyly kómek beretinin aitypty» dep jazdy.

Biz osy sózding mәn-jayyn bilmek bolyp, Sank-Peterborda júmys istep jatqan birlestikting mýshesi Ayjan Keneske habarlasqan edik. Ayjan birlestikting Han Kene basyn elge qaytaryp alu maqsatynda júmys jasap jatqandyghyn, aldaghy kýnderi besiktegi bala tebirenip quanatyn habardy elden sýiinshilep súrauymyz mýmkin degendi aitty.

«Hannyng basy júrtyna qaytsa, bahadýr hannyng ruhy da elge oralar degen ýmittemiz. Alayda, «babamyzdyng basyn elge әkelu onay emes» , - deydi jazushy Duman Ramazan.

Han babasynyng basyn izdep birneshe ret ekspedisiyalyq saparlargha shyqqan jazushy bas sýiekting Sankt-Peterbor qalasyndaghy Ermitajdan alynyp Mәskeudegi memlekettik qúpiya qoymagha qoyylghanyn aitady.

- Atalghan qoymagha kiru mýmkin be? – dep súrady Abai.kz saytynyng tilshisi jazushy Duman Ramazannan. - Mýmkin emes.

 – Nege?

- Óitkeni búl qoyma RF-nyng Qauipsizdik qyzmetining qúzyrynda. Ol qoymagha biz týgil reseylikterding ózi bas súgha almaydy.

- Resey Hannyng basyn nege qaytarmay otyr?

- Búl endi úzaq әngime. Qysqasynan qayyrghanda, býgin zaman basqa, zang basqa, zamanauy qoghamda ómir sýrip otyrmyz desek te Resey búrynghyny úmytpaydy. Kene hannyng basy olar ýshin «qazaqty shauyp aldyq, sol shauyp alghan elding rәmizdik belgisin qolymyzda ústap otyrmyz» degenge sayady. Hannyng basy eline qaytsa, qazaqtardyng ruhy kýsheyip kete me dep te seskenedi.

- Sonda bas sýiekti elge alyp kelu mýlde mýmkin emes pe?

- Mýmkin. Biraq ol eki elding basshylarynyng nemese premier-ministrlerining ózara kelisimderining dengeyinde ghana mýmkin boluy yqtimal.

Sonymen, Han Kenening bas sýiegi qaytyp kele me? Búl súraqty endi Sankt-Peterborda birlestik qúryp, júmys istep jýrgen Ayjan hanymnan da súrap kórmekpiz.

Abai.kz