Beysenbi, 6 Tamız 2020
COVID-19 QAZAQSTANDA. Jwqtırğandar — 94882. Jazılğandar — 67031. Qaytıs bolğandar — 1058
Mäyekti 6095 0 pikir 25 Tamız, 2015 sağat 10:57

HAN KENE QAYTIP KELE ME?

Qoğam belsendisi, Ğ. Müsirepov atındağı qordıñ törağası Ğabiden Jäkey äleumettik jelidegi paraqşasında: «Sankt- Peterburgten QASIETTİ KENESARI HANNIÑ basın tuğan jerine qaytaru üşin qwrılğan Qazaq - Resey qoğamdıq birlestigi bügin ülken wyımdastıru şaraların jasauda! Jaqsı habar, Resey memleketiniñ qwzırlı orındarı resmi hat arqılı kömek beretinin aytıptı» dep jazdı.

Biz osı sözdiñ män-jayın bilmek bolıp, Sank-Peterborda jwmıs istep jatqan birlestiktiñ müşesi Ayjan Keñeske habarlasqan edik. Ayjan birlestiktiñ Han Kene basın elge qaytarıp alu maqsatında jwmıs jasap jatqandığın, aldağı künderi besiktegi bala tebirenip quanatın habardı elden süyinşilep swrauımız mümkin degendi ayttı.

«Hannıñ bası jwrtına qaytsa, bahadür hannıñ ruhı da elge oralar degen ümittemiz. Alayda, «babamızdıñ basın elge äkelu oñay emes» , - deydi jazuşı Duman Ramazan.

Han babasınıñ basın izdep birneşe ret ekspediciyalıq saparlarğa şıqqan jazuşı bas süyektiñ Sankt-Peterbor qalasındağı Ermitajdan alınıp Mäskeudegi memlekettik qwpiya qoymağa qoyılğanın aytadı.

- Atalğan qoymağa kiru mümkin be? – dep swradı Abai.kz saytınıñ tilşisi jazuşı Duman Ramazannan. - Mümkin emes.

 – Nege?

- Öytkeni bwl qoyma RF-nıñ Qauipsizdik qızmetiniñ qwzırında. Ol qoymağa biz tügil reseylikterdiñ özi bas swğa almaydı.

- Resey Hannıñ basın nege qaytarmay otır?

- Bwl endi wzaq äñgime. Qısqasınan qayırğanda, bügin zaman basqa, zañ basqa, zamanaui qoğamda ömir sürip otırmız desek te Resey bwrınğını wmıtpaydı. Kene hannıñ bası olar üşin «qazaqtı şauıp aldıq, sol şauıp alğan eldiñ rämizdik belgisin qolımızda wstap otırmız» degenge sayadı. Hannıñ bası eline qaytsa, qazaqtardıñ ruhı küşeyip kete me dep te seskenedi.

- Sonda bas süyekti elge alıp kelu mülde mümkin emes pe?

- Mümkin. Biraq ol eki eldiñ basşılarınıñ nemese prem'er-ministrleriniñ özara kelisimderiniñ deñgeyinde ğana mümkin boluı ıqtimal.

Sonımen, Han Keneniñ bas süyegi qaytıp kele me? Bwl swraqtı endi Sankt-Peterborda birlestik qwrıp, jwmıs istep jürgen Ayjan hanımnan da swrap körmekpiz.

 

Abai.kz

0 pikir