Jeksenbi, 9 Tamız 2020
COVID-19 QAZAQSTANDA. Jwqtırğandar — 98701. Jazılğandar — 72273. Qaytıs bolğandar — 1058
Sayasat 7532 0 pikir 30 Qırküyek, 2014 sağat 17:28

Aymaqaralıq forum: EKİ EL AES SALUĞA KELİSTİ

Atırauda Qazaqstan men Resey arasındağı 11-nşi aymaqaralıq forum ötip jatır. Forumnıñ biılğı taqırıbı: «Kömirsutegi inovaciyaları».

Forum barısında eki el prezidentteri kezdesip, Qazaqstan men Resey arasındağı sauda-ekonomikalıq qarım-qatınastıñ odan äri damu barısı jäne 10-nşı qazanda Minskide kedendik odaq ayasında ötetin jan-jaqtı is-şaralarğa dayındıq jayın talqıladı.

Memleket basşılarınıñ kezdesuinen bölek aymaq basşılarınıñ özara kezdesuleri de ötude.

Forum soñında Qazaqstan men Resey birneşe kelisim-şartqa qol qoymaq. Onıñ işinde qazba baylıqtardı birlese igeru, birlesip Atom elektr stansasın salu turalı kelisim de bar.

Aymaqaralıq forum qarsañında Atırau qalasında qauırt dayındıq bolıp edi. Sol dayındıqtar barısı turalı bizdiñ tilşimiz bılay dep habarlaydı:

Şaharğa sän bergen saltanat sarayı

Atırauda Qazaqstan men Resey elderi basşılarınıñ qatısuımen ötetin Hİ öñiraralıq ıntımaqtastıq forumına dayındıq qızu jürgen edi.  Mwnaylı astana az ğana uaqıtta körkeyip, güldenip, sänine sän qostı.

Qalamızğa erekşe sän bergen säulet öneri tuındısınıñ biri – Saltanat sarayı. Qazaqstan men Reseydiñ Hİ öñiraralıq ıntımaqtastıq forumı ötetin ğimarat qwrılısı az uaqıtta tolıqtay ayaqtaldı. Sırtqı äsemdeu, jarıqtandıru, kögaldandıru jwmıstarı barınşa jedel türde jüzege astı.

- Biılğı jıldıñ qañtarında nısannıñ qwjattarı jasaqtalıp, 17 aqpan  küni naqtı qwrılısı bastalğan edi. Jwmıstar jeti ay boyı toqtausız jürgizildi. 350-ge juıq jwmısşı tartıldı. İşki jwmıstar boyınşa qwrılıs materialdarı Almatı, Aqtöbe, Oral, Taraz qalalarınan äkelindi. Jobalauşı – Oral qalasınıñ «Qazjobalau» kompaniyası. İşki jwmıstardı almatılıq firma jasadı. Ğimarattıñ işki körinisin qazirgi zamanğa say talaptarğa negizdeuge tırıstıq, - deydi merdiger kompaniya direktorınıñ qwrılıs öndirisi boyınşa orınbasarı Jalğas Äpenov.

Saraydıñ jalpı aumağı – 6 mıñ şarşı metr. Onda 300 orındıq meyramhana jwmıs isteydi. Forum ötkennen keyin ğimarat «Neke sarayı» retinde halıq igiligine berilmek.  Zamanaui jäne sapalı qwrılıs materialdarı paydalanğan, jañadan boy kötergen bwl nısan qala körkin odan äri aşa tüsetini anıq.

Wyımdastıruşılardıñ mälimetine süyensek, Hİ aymaqaralıq ıntımaqtastıq forumına dayındıq jwmıstarı üşin oblıs qazınasınan edäuir kölemde qarjı bölingen. Qonaqtardı tasımaldau üşin jaña  14 kölik satıp alınıptı.

Asa mañızdı sayasi, ekonomikalıq mäselelerdi talqılaytın bwl forumğa oblıs ortalığına keletin eki mıñday märtebeli meyman  qalamızda üş kün boladı. Soğan baylanıstı şahardağı qonaq üylerdiñ  dayındığı da erekşe nazarda.

 

Körme zalındağı keremetter

Atırauda öziniñ arhitekturalıq sänimen salınğan äsem de ädemi ğimarattar az emes. Solardıñ biri - biik te jarıq körme zalı. Ol bügin öziniñ alğaşqı meymandarın qabıldadı. Al, qonaqtar - Qazaqstan-Resey Hİ öñiraralıq ıntımaqtastıq forumınıñ asa qwrmetti qatısuşıları.

Qazirgi zamanğı audio-video apparaturalarmen, dıbıs küşeytkiş qwraldarmen jabdıqtalıp, türli tüsti bannerler ilingen zäulim zalda eki eldiñ belgili öndiristik kompaniyalarınıñ atauları, emblemaları men olar turalı anıqtama materialdar ilingen. Olardıñ qatarında «QazMwnayGaz», «TATNEFT», «Konsorcium EURASIA», «Alstron», «SONOGRAM», «VNIPI gazdobıça», «Samarskie gorizontı» JAQ, «Rossiyskie innovacionnıe tehnologii zaşitı truboprovodov», «ENGO Injiniring» AAQ, «MAERSK OIL», «Mir masel» JŞS, «Rauan Nalko» JŞS, «Çelyabinskiy zavod tehnologiçeskoy osnastki» JAQ, «Gazovıe seti» Sverdlovskoy oblasti» jäne basqaları bar.

Halıqaralıq kezdesuler men ekonomikalıq iskerlik baylanıs ornaytın iri jüzdesulerdiñ bası-qasında jüretin astanalıq «Success» («Sakcess») media agenttiginiñ qızmetkeri Läzzat Noğaydıñ aytuınşa, Körme zalına Resey men Qazaqstan elderiniñ eñ tañdaulı degen mwnay-gaz kompaniyaları turalı aqparattar beriledi. Olar jayında VIP-stendiler dayındalıp, tehnologiyalıq qwral-jabdıqtar qoyıladı. Al, ortadağı «Şou-rum» alañında taqırıptıq sessiyalar ötedi.

Öz tilşimiz.

Atırau

Abai.kz

0 pikir