Songhy kezderi Qostanay júrtshylyghy "Halimjan qargham tútyldy, odan qalay qútyldy?" degen saualgha jauap taba almay, әure-sarsangha týsip jýrgen jayy bar. Múnysyn týsinuge bolar. Óitkeni anau-mynau emes, atynan at ýrketin qarjy polisiyasynyng tergeushisine qolaqpanday 6 myng AQSh dollaryn úsynghan, ony ózi de moyyndaghan Halimjan Erjanov degen bir pende  alty jylgha ghana shartty týrde jazalanghan. Múndayda әure-sarsangha týsken bylay túrsyn esinnen tanyp qaluyng da kәdik.
     Jә, aldymen Halimjan degen kisige toqtalayyq. Jalpy, oghan kóp toqtalmaymyz da, óitkeni búl Halimjan Erjanov degen azamatty oblysymyz týgili, keng baytaq elimiz biledi desek artyq aitpaspyz.Bir kezderi oblysymyzdyng "Tobyl" futbol klubynyng tizginin ústap, kópishilkke keninen tanylghan jayy bar. Sosyn nany jýrip biraz uaqyt respublikalyq futbol federasiyasynyng bir qúlaghyn ústady. Sosyn elge kelip Qostanay qalalyq әkimdikting sport bólimin basqardy, kózge týsip әkimning orynbasary da boldy. Búdan song ony Pavlodardyng "Ertis" futbol klubyna shaqyrdy, Sol jerde әldekimderden tayaq jep, densaulyghyna baylanysty (óz sózimen aitqanda) at basyn elge búrdy. Tughan jerge tabany tiyer-tiymesten qarjy polisisyasy ony birden jaghasynan aldy. Sóitse, Halimjan batyrymyz sonau 2012-2013 jyldary Qostanaydyng sport bólimin basqarghanda 85 million tengeni orynsyz júmsap, budjetke edәuir ziyan keltiripti. Búl kisining túsynda osyndaghy  Akvapark degen újymgha "sport jarystaryn ótkizuge" dep janaghyday qomaqty qarjy audarghan. Al shyndyghynda ol sport sharalaryn ótkizuge emes, Akvaparkti ústap túrugha júmsalghan kórinedi. Qysqasy, әlgi qarjy bóten maqsatqa ketken.
    Qarjy polisiyasya osy mәseleni anyqtau masqatymen Halimjan batyrymyzdan jauap almay ma. Yaghny búl әdettegidey tergeu amaldary. Sóitse búl batyrymyz kezekti tergeu barysynda janaghy tergeushige 6 myng dollar para úsynady. Jәne de dәl sol qarjy polisiyasynyng ghimaratynda. Ne degen jýrek jútqandyq desenizshi. Tergeushimiz adal qyzmetker bolyp shyqty. Halimjan parasymen qosa sol jerde kisendeledi. "Batyrgha da jan kerek", ol kóp búltaqtamay, qylmysyn tolyq moyyndaydy. Sol sebepti tergeu amaldary jyldam jýrgizilip, is sotqa jiberiledi. Sotymyz da shiraq eken. Kóp úzamay isting aq-qarasyn anyqtaghan ýkim shygharyp-aq tastaydy.
     Qyzyq, mine, dәl osy jerde bastalady. Sotymyz qomaqty para bergen adamdy basynan sylap-sipap 6 jylgha sharty týrde ghana sottau turaly ýkim shygharady. Onda múnyng 3 jyly ghana eseptelinedi. Prokuratura qyzmetkerining múnday qylmeskerdi eng kemi 6 jyl bas bostandyghynan aiyryp, dýniye-mýlkin tәrkileu kerek degeni nazargha alynbaydy. Sonymen "is bitti, qu ketti" boldy da shyqty.
     Sonda búl qalay bolghany? Iri kólemde para bergen qylmysker jazadan nege onay qútylyp ketedi?  Bir qyzyghy, búghan sotymyzdyng keremettey óz uәji bar kórinedi. Sot prosesi barysynda búl azamattyng búryn-sondy sotty bolmaghany eskerilipti. Beyne bir bizde sottalatyndardyng barlyghy birdey  týrmeden shyqpaytyn alayaqtar sekildi.Ekinshiden, onyng óz qylmysyn týgelimen әri adaldyqpen moyyndaghany aitylypty. Oibay-au, qarjy polisisyasynyng ghimaratynda, sol qarjy polisisyasynyng tergeushisine para bergende ústalghan son, moyyndamaghanda qayda barady? Al eng bastysy sotty jýrgizgen sudiyanyng aituyna qaraghanda Halimjan Erjanov kezinde "Tobyl" komandasyn basqarghanda futbolshylar tamasha-tamasha jetistikterge jetipti. Demek, múnday erekshe enbek sinirgen ayauly adamdy sottau adamgershilikke jatpaytyn úyat is bolsa kerek.
     Biz bolsaq, sudiyanyng múnday tújyrymyna týsinbedik. Eger kim-kimning de elge sinirgen enbegin elep, auyr jazadan qútqara bersek, zan-zәkón qayda qalady. Al tipti sol enbegine keler bolsaq. kezinde týrmege toghytylghan ministr Dosqaliyevting enbegi kimnen kem edi. Stvoldyq jasushalar saluda múnday hirurugterdi býkil TMD elderinen taba alamasyng anyq. Anau tergeude jatqan Erlan Arynnyng ghalymdyghynyng ózi nege túrady? Tipti búlay kete bersek, Hrapunovtyng Almaty qalasyn órkendetudegi enbegi joq pa edi? Biznes salasyndagh Ábilәzovtyng úiymdastyrushylyq qabileti nege eskerilmegen? Endi búl saualdardyng sol sotymyzdyng ózi bermese, búghan bizdighng miymyz jetpedi.
     Taghy bir tan-tamasha qalatyn jayt, Halimjannyng ózining nege para bergendigin týsindiremin dep júrtqa kýlki bolghandyghy. Búl әreketin ol qorqyp ketkendigimen aqtaghysy keledi. Sóite túra, әlgindey 85 million tengege qatysy joq ekendigin, ózi tek qújatqa qol qoyyp otyrghandyghyn basa aitady. Sonda múny qalay týsindik? Eger qoly taza bolsa, neden qorqady? Qoryqqan nәrsesining bәrine aqsha bere bere me? Oghan qay baylyghy jetedi. Baylyq demekshi, 6 myng dollar, yaghny bir millionnan astam aqsha qaltasynda úsaq-týiek sekildi jýre beretin jandy kedey dep aitugha auyz barmaytyn shyghar
            Álde kez-kelgen nәrseni paramen sheshuge bolady degen qoghamymyzdyng keseli búl azamattyng da sanasyn jaulap aldy ma eken?
    
Múratbek Dәurenúly

Qostanay

Abai.kz