Särsenbi, 1 Säuir 2020
Jañalıqtar 4208 0 pikir 30 Säuir, 2010 sağat 05:26

QAZAQSTANNIÑ WLT BİRLİGİ DOKTRINASI

Qazaqstannıñ barşa azamatına teñ mümkindikter

men layıqtı tirşilik jağdayın tuğızuğa wmtılu,

Adam qwqıqtarınıñ jalpığa birdey Deklaraciyasın

moyındau, wlt tağdırına jauapkerşilikti sezinu,

Memlekettik egemendik turalı Deklaraciyada,

memlekettik Täuelsizdik turalı Konstituciyalıq zañda

jäne Qazaqstan Respublikası Konstituciyasında

körsetilgendey bayırğı qazaq jerinde

wlttıq memlekettilik qwru men nığaytu jäne de

basqa qağidattardı negizge ala otırıp,

qoğam men wltqa

Qazaqstannıñ Wlt Birligi Doktrinası wsınıladı

 

 

JALPI EREJELER

Qazaqstan Respublikası qazaq halqınıñ san ğasırlıq memlekettiliginiñ qwqıqtıq, tarihi jalğız dara mwrageri jäne onıñ sayasi, memlekettik qwrılımınıñ tabiği jalğası bolıp tabıladı. Qazaqstan Respublikası öz täuelsizdigin qorğau jäne wlttıq memlekettiligin küşeytu jolındağı barlıq şaralardı atqaradı.

Qazaqstannıñ barşa azamatına teñ mümkindikter

men layıqtı tirşilik jağdayın tuğızuğa wmtılu,

Adam qwqıqtarınıñ jalpığa birdey Deklaraciyasın

moyındau, wlt tağdırına jauapkerşilikti sezinu,

Memlekettik egemendik turalı Deklaraciyada,

memlekettik Täuelsizdik turalı Konstituciyalıq zañda

jäne Qazaqstan Respublikası Konstituciyasında

körsetilgendey bayırğı qazaq jerinde

wlttıq memlekettilik qwru men nığaytu jäne de

basqa qağidattardı negizge ala otırıp,

qoğam men wltqa

Qazaqstannıñ Wlt Birligi Doktrinası wsınıladı

 

 

JALPI EREJELER

Qazaqstan Respublikası qazaq halqınıñ san ğasırlıq memlekettiliginiñ qwqıqtıq, tarihi jalğız dara mwrageri jäne onıñ sayasi, memlekettik qwrılımınıñ tabiği jalğası bolıp tabıladı. Qazaqstan Respublikası öz täuelsizdigin qorğau jäne wlttıq memlekettiligin küşeytu jolındağı barlıq şaralardı atqaradı.

El tarihı - köptegen qayğılı oqiğalardıñ kuägeri. Halıqtıñ ömiri, onıñ tili men mädenieti joyıludıñ aldında twrğan da kezder bolğan. Qazaq halqı asa auır sınaqtan ötip, jay ğana aman qalğan joq, memleketin de qwrdı, täuelsizdigin de aldı.

«Qazaq KSR memlekettik egemendigi turalı» Deklaraciyada jäne «Qazaqstan Respublikasınıñ memlekettik Täuelsizdigi turalı» Konstituciyalıq zañda egemendi wlttıñ äri qaray wyısuınıñ negizderin ayqındağan eki qağidat jariya etildi: birinşiden - Qazaqstan memleketin qwrudıñ alğışartı bolıp tabılatın qazaq halqınıñ öz tağdırın özi tañdau qwqı; ekinşisi - eldiñ barlıq azamattarı üşin jasalatın teñ mümkindik.

Halıqtıñ danalığı, keñdigi men sıylastığı etnikalıq tegine, äleumettik, dini jäne de şığu tegine qaramay jaña memlekettiñ barşa azamatınıñ wyısuına negiz boldı.

Täuelsizdik ornığuınıñ eñ qiın jıldarında halıqtıñ kemeldigi men eldiñ Twñğış Prezidenti - Nwrswltan Äbişwlı Nazarbaevtıñ qayratkerligi nätijesinde Qazaqstanda etnosaralıq janjal men qoğamnıñ bölinuine jol berilgen joq.

Sol jıldarı, keñestik däuirden qalğan dağdarıstan ötu, jaña ekonomikalıq jäne sayasi qatınastardı qalıptastıru jağdayında, qoğamdı wyıstıru isi: işki sayasi twraqtılıq, azamattıq tatulıq jäne etnosaralıq kelisim qağidaları negizinde jüzege asqan edi.

Sodan beri Qazaqstannıñ jetistigine aynalğan qoğamdıq kelisimimiz eldiñ nätijeli äleumettik-ekonomikalıq, qoğamdıq-sayasi damuınıñ kepili jäne negizi bolıp tabıldı.

Alayda ömir bir orında twrmaydı. Ötken jıldarda köp närse özgerdi. Özimiz de özgerdik, bizdiñ sanamız totalitarlıq jüyeniñ qaldıqtarınan qwtıluda. Täuelsizdik alğan jılı tuğan wrpaq kämeletke toldı.

Bizdi qorşağan älemdegi jağday da özgerdi. Jahandanu ıqpalı arttı. Qazaqstan älemdik qauımdastıqtıñ belsendi müşesi ğana bolıp qalğan joq, ol türli geosayasi müddelerdiñ nısanına da aynaldı. Jaña ğasırdıñ ekinşi onjıldığında eldiñ aldında innovaciyalıq-öndiristik damuğa ötu jöninde jaña äleumettik-ekonomikalıq mindetter twr.

Osınıñ barlığı, jañarğan qoğamnan, özgergen älem aldında öziniñ birligin tereñ sezingen jaña tiptegi wyısudı talap etedi.

Eger memlekettiñ qalıptasu kezeñinde bastı mindet etnosaralıq tözimdilik pen qoğamdıq kelisim negizinde qoğamdı wyıstıru bolsa, el damuınıñ jaña kezeñinde, strategiyalıq basımdıq retinde, qoğamnıñ barlıq azamattarı moyındağan ortaq qwndılıqtar men qağidattar jüyesine negizdelgen Wlt Birligine jetu bolıp tabıladı.

Sondıqtan da däl qazir, azamattıq qoğam men memlekettik instituttardıñ, azamattardıñ sındarlı wsınıstarın jinaqtağan Qazaqstannıñ Wlt Birligi Doktrinasın qabıldau asa qajet.

Wlt Birligi Doktrinası - halıqtıñ, uaqıt talabına säykes, birigu qajettigin tüsinuine negiz. Bwl - bizdi qanday küş biriktiredi jäne birtwtas etedi - sonı tüsinudiñ täsili. Bwl - bolaşaqqa birigip wmtıludıñ serpini.

Doktrinanıñ qajettiligi ömirdiñ özinen, bizdiñ jalpı tağdırımızdan, tarih logikasınan tuındap otır. Öytkeni birliksiz - Wlt joq. Wltsız - memleket joq. Al, memleketsiz - bolaşaq joq.

Osılardı negizge ala otırıp, Qazaqstannıñ Wlt Birliginiñ tömendegidey qağidattarı jariya etiledi.


•I. «BİR EL - BİR TAĞDIR»

Wlt birligin negizdeytin birinşi qağidat - är azamattıñ öziniñ ortaq tağdırı men Otanınıñ - Qazaqstan Respublikasınıñ - ortaq ekenin wğınu.

Bizdiñ wlttıq birligimiz, etnikalıq şığu tegine qaramastan, ärbir adamnıñ joğarı deñgeyde Qazaqstanmen jäne onıñ bolaşağımen etene biriguine negizdelgen.

Qanday da bir eldiñ azamatı bolu - är adamnıñ tağdırı. Alayda, adamdar ärqaşan tañdau qwqığına ie - al biz öz tañdauımızdı jasadıq. Bizdiñ tañdauımız tereñ dara sipatta, osı tañdau - bizdiñ barlığımızdı otandastar etedi. Sebebi bizdiñ ortaq elimiz, ortaq otanımız bar, ol - Täuelsiz Qazaqstan. Tarihi tağdırımızdıñ ortaqtığın tüsinu jäne osı tañdaudı tüysine bilu - eldiñ barşa azamatın biriktiretin eñ bastı negiz.

Bir memlekette twrıp, özge eldiñ zañına bağınıp ömir süru, azamattıñ barlıq qwqığına ie bola otırıp, biraq onıñ mindetterin orındamau mümkin emes. Qwqıqtar men mindetterdiñ mwnday birligi bizdiñ tağdırımızdı da, bolaşağımızdı da bir arnağa qosadı.

Ortaq bolaşağımızdı birlese qalıptastırmay tağdırlasa ömir süru mümkin emes. Täuelsizdik alğannan soñ biz öz memleketimizdi birlesip qwruğa tarihi mümkindik aldıq. Sodan bergi jıldarda biz, bärimiz, küşti, quattı, zamanaui memleket qwru jolında birge eñbek ettik. Eldiñ egemendigi, onıñ territoriyalıq twtastığı, qauipsizdigi, ekonomikalıq damuı, qoğamdıq kelisimi - bizdiñ birlesken eñbegimizdiñ nätijesi.

Sondıqtan biz, bärimiz, bir Otannıñ wldarı men qızdarı ekendigimizdi, al bizdiñ Täuelsizdigimiz - san wrpaqtıñ orındalğan armanı, halqımızdıñ eren eñbeginiñ, erliginiñ jäne erik-jigeriniñ jemisi ekendigin ärqaysımız tüsinuge tiispiz. Täuelsizdik pen bayırğı qazaq jerinde qwrılğan memlekettiligimizdi damıtu - bizdiñ bastı qwndılığımız bolıp tabıladı.

Jaña tarihi kezeñde memleketimiz Qazaqstanğa öziniñ asqaq esimin bergen qazaq halqınıñ aldında wlttı wyıstırudıñ altın diñgegine aynalu jöninde jaña tarihi missiya twr. Jaña tarihi jağdayda qazaq halqınıñ aldında jaña tarihi parız twr.

Qazaqstan tağdırı üşin, ötken ata-babalar men bolaşaq wrpaq aldında, qazaq halqı - bastı jauapker. Sondıqtan da bizdiñ ilgeri örkendep, teñdes jäne damığan elderdiñ qauımdastığına qadam basamız ba, älde ötken dañqtı jolımızdan jwbanış tauıp, ökpe men ökinişke kömilip, tarih qaltarısında qalamız ba - ol qazaq halqınıñ parasatına baylanıstı.

Bizdiñ wlı maqsatımız - etnikalıq şığu tegimizge qaramay birigip, Dañqtı Wltqa aynalu jäne qolımızda twrğan eñ bağalı qwndılıq -

egemen, täuelsiz Qazaqstandı közimizdiñ qaraşığınday saqtap, bolaşaq wrpaqqa amanat etu. Ol üşin biz äli künge deyin ıntımağımızğa kedergi keltiretin bolımsız isterden jäne qoldan jasalğan kedergilerden arıluımız kerek.

Mwnan şığatın qorıtındı, ärbir azamat, qoğam jäne memleket, halıqtıñ, bolaşaq wrpaqtıñ aldında öz jauapkerşiligin sezinip, tömendegidey qajetti äri wtımdı şaralardı qamtamasız etui kerek:

  • elimizdiñ barlıq azamatınıñ öz tağdırın Otanı - Qazaqstan Respublikasınıñ tağdırımen birge äri tereñ tamırlas ekenin sezinui;
  • bizdi ıdıratuğa jäne ıntımağımızdı bwzuğa bağıttalğan kez kelgen ıqpalğa belsendi türde qarsı twru;
  • Respublika konstituciyalıq qwrılısınıñ, territoriyalıq twtastığı men unitarlıq qwrılımınıñ mızğımas beriktigin nığaytu;
  • wlttıq müddege negizdelgen eldiñ ekonomikalıq, sayasi, ruhani, aqparattıq qauipsizdigin odan äri nığaytu, basqa memleketter tarapınan bolatın aqparattıq täueldilik pen basqınşılıqqa nemese qısımğa jol bermeu;
  • eldiñ egemendigi men täuelsizdigin nığaytu üşin respublikanıñ barşa azamatın qazaq halqınıñ töñiregine wyıstıru;
  • el egemendiginiñ beriktigine negizdelgen halıqaralıq äriptestik salasında wlttıq müdde basımdığın wstanu;
  • bastı baylığımız - Täuelsizdikke, jerge, birlik pen ruhani qwndılıqtarğa tağzım etu;
  • azamattar men qoğam tarapınan memlekettilikti nığaytu, Täuelsizdik pen territoriyalıq twtastıqtı qorğauğa meylinşe järdemdesu.

•II.

•III. «TEGİ BASQA - TEÑDİGİ BİR»

Ekinşi bastı qağidat - etnikalıq, bolmasa basqa da şıqqan tegine, dini wstanımına jäne äleumettik jağdayına qaramay barlıq azamattarğa teñ mümkindik beru.

Birimizdiñ aldında birimizge aldın ala artıqşılıq berilmeydi. Bwl wstanım bizdiñ birlik ğimaratımızğa berik irgetas bolıp qalanğan. Ol Qazaqstan Respublikasınıñ Konstituciyasında jariya etilgen.

Bwl qağidat ärbir Qazaqstan azamatı öziniñ jeke artıqşılığı men şığu tegine qaramay, qabiletine qaray barlıq mümkindigin jüzege asırıp, jetistikterge jete alatının añğartadı. Otan men qoğamğa qızmet etuge bağıttalğan qabilet pen darın erkin damuı tiis, oğan eşqanday kedergi bolmaydı.

Bwl memleket pen qoğamnıñ damuına qolaylı jağday tuğızadı: qabileti men mümkindigi artqan adamdar sanı köbeygen sayın el egemendigi nığayıp, qoğamnıñ birtwtastığı artadı.

Memleket tarapınan barlıq adamğa birdey ädiletti jäne teñ mümkindik jasaladı. Menşik erkindigin damıtu - el örkendeui üşin qajetti şart. Ortaşa taptı jedel qalıptastırudıñ ekonomikalıq jäne qwqıqtıq negizderin jasau - Qazaqstannıñ bügini men bolaşağı üşin ömirlik qajettilik.

Teñdik qağidatı auıl men qala twrğındarınıñ, sonday-aq qayta oralğan otandastarımızdıñ ömir süru därejesin teñestiredi, qalağa keluşilerdiñ beyimdelui men urbanizaciya üderisin basqarudı retteydi.

Mümkindikterdiñ teñdigi, şığu tegi men dini wstanımına qaramay, ärkimniñ qoğam men memleket ömiriniñ barlıq salasına qatısu qwqığına ie bola alatının körsetedi.

Bizdiñ bastı baylığımız - äraluandıqtıñ birligi. Sondıqtan memleket öz halqınıñ mädeni, ruhani dästürleriniñ wlttıq igilik retinde saqtaluına qamqorlıq jasaydı. Osı qamqorlıqtıñ bir tetigi retinde mädenietaralıq swhbattıñ ayrıqşa institutı - Qazaqstan halqı Assambleyasınıñ qızmeti osığan bağıttaladı.

Biz mümkindikter teñdigi qağidatın saqtay otırıp köp närsege qol jetkizdik, keleşekte bwdan da zor nätijege qol jetkizemiz. Ol üşin azamattar, qoğam jäne memleket jauapkerşilikti teñ bölisui jäne mınaday qajetti şaralardı pärmendi qoldanuı qajet:

  • etnikalıq şığu tegine, näsiline, tiline, dini senimine, sonday-aq qanday da äleumetik topqa nemese qoğamdıq wyımdar men partiyalarğa jatatınına qaramastan, adam men azamattıñ qwqığı men bostandığı teñdigin qamtamasız etu;
  • qoğamdağı etnosaralıq jäne dinaralıq alauızdıqtıñ aldın-alu jäne jolın kesu;
  • etnikalıq jäne dini qağidattar boyınşa qwrılğan sayasi wyımdarğa zañmen tıyım salu;
  • wltaralıq qatınas mäselelerin bwqaralıq aqparat qwraldarında jalpı qabıldanğan ädep normaları men qağidattarın saqtay otırıp şınayı türde jariyalau;
  • azamattıq teñdikti jüzege asıru tetikterin odan äri jetildiru;
  • wlttıq birlikti nığaytatın äleumettik negiz retinde ortaşa taptıñ qalıptasuın jedeldetu;
  • ärbir adamnıñ azamattıq qwqığın jäne barlıq azamattıñ zañ aldındağı birdey jauapkerşiligin saqtau;
  • auıldıq jerlerdi äleumettik-ekonomikalıq jäne mädeni jağınan damıtu, migraciya jäne urbanizaciya üderisterin retteu.

İİİ. «WLT RUHINIÑ DAMUI»

Wlt birliginiñ üşinşi negizgi qağidatı - biriktiruşi jäne bekituşi bastau retinde Wlt Ruhın nığaytu jäne damıtu.

Ruhani bastau - Wlttı bir twtastıqqa biriktiretin küş. Halıqtıñ ruhı küşti bolğan sayın, onıñ memlekettiliginiñ de bolaşağı zor. Bwl - tarihtıñ jäne tağdırımızdıñ bastı qozğauşı küşi. Tap osı Wlttıq Ruh kez kelgen eldiñ bet-beynesin ayqındaydı, bağıt-bağdarın nwsqap, damuına serpin beredi.

Bizdiñ Wlttıq Ruhımızdı köteru üşin negizgi basımdıqtar mınalar: dästür men otansüygiştik ruhı, jañaru ruhı, jarıs pen jeñis ruhı.

Wlttıñ ruhı halıqtıñ özindik sanasınıñ bir böligi bolıp tabılatın mıñdağan jıldıq dästürge, qwndılıqtar men mädenietke, tilge süyenedi. Osı til, dästürli qwndılıqtar men qaytalanbas töl mädenietimiz halıqqa jüzdegen jıldar boyı demeu bolıp, onı tarih jolında tarap ketuden saqtap qaldı. Bwlar büginde de bizdi özgelerden ayırıp, erekşeleydi. Äri qaytalanbas bir twtas ruhaniyatımızdıñ irgetası bolıp tabıladı. Sondıqtan da mädenietti, dästür men tildi jañğırtu men damıtu, wlttıq qadir-qasietti nığaytu - memlekettiñ eñ mañızdı mindetteriniñ biri.

Bwl, eñ aldımen, qazaq tiliniñ memlekettik til retinde qoldanıs ayasın keñeytuge qatıstı. Onı meñgeru ärkimniñ parızı men mindeti, jeke bäsekege qabilettiligi men qoğamdıq ömirge atsalısudağı belsendiligin ayqındaytın wmtılısı men ıntalanuına aynaluı qajet. Bwl - şeşuşi basımdıq, ruhani jäne wlttıq birliktiñ negizgi faktorı.

Sonımen qatar memleket tarapınan Qazaqstanda twrıp jatqan barlıq etnostıñ mädeni, ruhani jäne tildik qajettilikterin qanağattandıruğa qamqorlıq körsetilui tiis.

Qoğamnıñ ruhani negizi bolıp tabılatın dästürli qwndılıqtardı arqau etu (til men mädenietke qwrmet, imandılıq, otbası, wrpaqtar sabaqtastığı, otansüygiştik jäne sıylastıq) qazirgi älemde bizdiñ birligimiz ben özindik erekşeligimizdi nığayta tüsudiñ süyenişine aynaluda.

Qazirgi älem kün ötken sayın elder men wlttarğa qatal talap qoyıp otır. Olardıñ işinde tüpki dästürleri men qwndılıqtarın joğaltpağan, ünemi jañaruğa, modernizaciyağa, bäsekelik basımdıqtarın küşeytuge wmtılatındardıñ ğana derbes bolaşaqtan ümiti bar. Bwl - uaqıt talabı, oğan endi biz layıqtı boluımız şart. Dästürge süyengen modernizaciya men bäsekege qabilettilik bizdiñ wlttıq ruhımızdıñ HHİ ğasırdağı örkendeuine negiz boladı.

Tek qana ğalamdıq deñgeydegi asqaralı mindetterge wmtılğan wlttar ğana jeñiske jetedi. Sondıqtan bäsekege qabilettilikke bet tüzeu Wlt Ruhınıñ eñ mañızdı böligine aynaluı şart. Bwl - Wlttıñ alğa qarıştap qadam basuınıñ, serpilip jaña kökjiekterge wmtıluınıñ negizi men kepili. Qazaqstannıñ ärbir azamatı mwnı jaqsılıqqa, baylıqqa, aqıldılıqqa wmtılıs dep tanıp, tuğan eliniñ güldenuine qoldan kelgenniñ bärin isteu qajet dep sezinui kerek. Ärbir adam öz boyındağı osı qasietterdi damıtuı şart, olar jeñis Ruhınıñ öz ğwmırınıñ, qoğam men memleket ömiriniñ bir bölşegine aynaluına bar küş-jigerin sarp etui tiis.

Qoğamnıñ barlıq salaların modernizaciyalau arqılı ğana bäsekege qabilettilikke qol jetkizuge boladı. Al, eñ bastısı, modernizaciya, ünemi jañaruğa degen wmtılıs retinde bizdiñ sanamızdıñ ajıramas bölşegine, jalpı wlt Ruhınıñ böligine aynaluı tiis. Bwl - bizdiñ uaqıt dabılına qaytarğan jauabımız, öytkeni damuğa wmtılmağan Wlttıñ küni sanaulı.

Bizge wlt äleuetin oyatatın intellektualdıq serpilis qajet. Bilimge, ğılımğa jäne innovaciyalarğa közqarastı özgertudiñ ömirlik mañızı zor. HHİ ğasırda tek intellektualdı wlt qana jeñis twğırınan körinu mümkindigine ie bola aladı.

Tek osınday jolmen ğana, dästürlerge süyenip ünemi jetilu arqılı, biik maqsattar qoya otırıp wlttıñ biriguine, Wlt Ruhınıñ nığayuına qol jetkize alamız.

Bwğan jetu üşin memleket, ärqaysımız, bütin qoğam jauapkerşilikti bölisui tiis jäne qajetti äri wtımdı mınaday şaralardı qamtamasız etui kerek:

  • - Wlt Ruhın damıtu jäne nığaytu, osını elimizdegi ärbir azamattıñ ömirlik bağdarına aynaldıru;
  • - memlekettik tildi damıtuğa jäne onıñ ayasın keñeytuge wlt birligin nığaytatın faktor retinde basımdıq beru;
  • - Qazaqstanda twratın etnos ökilderiniñ mädenietin, dästürin, saltın, tilin damıtuğa jağday jasau;
  • - wlttıñ, memlekettiñ, qoğam jäne otbasınıñ mızğımastığına bağıttalğan ruhani dästürlerdi, adamgerşilik qwndılıqtardı, dünietanımdıq wstanımdardı saqtau jäne nığaytu;
  • - wlttıq qwndılıqtar men igilikterge qamqorlıq jasau;
  • - jas wrpaqtı sıylastıq, otanşıldıq, Eline jäne halqına adal qızmet etu qwndılıqtarı ruhında tärbieleu;
  • - ärbir adam öziniñ bilimin, qabiletin, käsibiligin jäne bäsekege qabilettiligin ünemi jetildirip otıru;
  • - qoğamnıñ ömirlik mañızdı barlıq salasın odan äri modernizaciyalauğa baylanıstı birlesken däyekti jwmıstar jürgizu;
  • - Qazaqstannıñ bäsekege qabilettiliginiñ kepili retinde intellektualdı wlt qalıptastıru.

QORITINDI EREJELER

Osı Doktrina halıq birligin nığaytuğa, demokratiyanı, mädenietter jäne örkenietter swhbatın damıtuğa bağıttalğan qwqıqtıq, äleumettik-ekonomikalıq, sayasi, memlekettik basqaru şaralarınıñ birtwtas jüyesin jasaudıñ negizi boladı.

Doktrinanı jüzege asıru Qazaqstannıñ jedel damuı üşin, ärqaysımızdıñ layıqtı ömir süruimiz üşin eldiñ adami, intellektualdıq äleuetin jandandıru men jwmıldıruğa, azamattardıñ Qazaqstan Respublikasınıñ Konstituciyasında kepildik berilgen qwqığı men bostandığın saqtau jäne qorğauğa bağıttalğan.

Qazaqstan Respublikasınıñ 2020 jılğa deyingi Strategiyalıq damu josparına säykes, Doktrina qazaqstandıq qoğamdı wyıstıru üderisiniñ bastı qwralı bolmaq.

Wlt birligin qamtamasız etu - demokratiyalıq, zayırlı, qwqıqtıq jäne äleumettik memleketti qwrudıñ mañızdı şartı. Memlekettiñ ekonomikalıq ösui, äleumettik ilgerileui, demokratiyalıq damuı qoğam birligi wyısqan jäne saqtalğan jağdayda ğana jüzege asuı mümkin. Bwl mindetti şeşu üşin täuelsiz, egemen, barlıq älem moyındağan memleket retinde Qazaqstanda sayasi erik jäne qajetti ekonomikalıq, äleumettik resurstıñ bäri bar.

Täuelsizdikti saqtau jäne memlekettilikti nığaytu, mümkindikter teñdigin jäne azamattar qwqığı men bostandığın qorğau, intellektualdı wlt qwru jäne wlttıq ruhtı damıtu - bizdiñ wlttıq birligimizdiñ bastı wstanımı äri ärbirimizdiñ ömirlik qağidattarımız boluı şart.

Osınıñ bäri aldımızdağı jıldarda elimizdiñ qarqındı damuınıñ negizin qalaydı.

 

 

http://inform.kz/kaz/article/2263392

0 pikir