Seysenbi, 7 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Bilik 5407 0 pikir 16 Qırküyek, 2014 sağat 14:26

OL SÖZDER – İŞTEN ŞIQ¬QAN ŞIN SÖZ

Elbası Nwrswltan Äbişwlı Nazar­baevtıñ qasietti qazaq jeriniñ bir kiesi Wlıtau törinde aytqan wlağattı oyların kögildir ekrannan tıñdap, gazetten oqığanda meniñ oyıma Stiv Djobstıñ: «Men özimniñ barlıq tehnologiyalarımdı Sokratpen kezdesuge ayırbas­tar edim» degen sözi oraldı. Sözdiñ de sözi bar. Jürekten şıqqan söz jürekke jetedi. Elbasınıñ Wlıtau törindegi tolğanısı da bwdan bwrınğı sözderi siyaqtı jürekten şığıp, jü­rekke jetti. Sebebi, ol sözder – işten şıq­qan şın söz. Mwhammed payğambar aytqanday: «Şın söz – qwdiretti söz». Kisige qarap söz alma, sözine qarap kisini al» degen hakim Abay oyın eske salğan Wlıtau törindegi wlı tolğanıs elimizdiñ bügini bekem, keleşegi büginnen de jarqın ekenin, Elbasınıñ kemel oylılığın tağı bir märte däleldedi.

El tarihınan bastap til tağ­dırı, dinniñ jay-japsarı, ekonomika men sayasattıñ özekti de ötkir mäseleleri töñireginde örbigen öreli äñgime alşı tüser asıqqa qwyılğan qorğasınday kökeyge qona ketti.

Älemdegi bes mıñnan astam wlt pen wlıstıñ bar bolğanı jüz toqsan ekisi ğana memlekettik deñgeyge jetti. Sol biikke köteril­genderdiñ qatarında täuel­siz Qazaqstan älemdik qauımdas­tıq­tan öz ornın oyıp twrıp aldı. Alla tağala qazaqqa aq adal niet, keñ peyiline oray Täuel­siz­dikpen birge özi – dara, sözi – sara Nwrswltan sındı Prezident te sıyladı. Täuelsizdikke jetu qanday qiın bolsa, onı saqtap twru odan da qiın. Qwdayğa şükir, qiınşılıqta qayıspaytın eñbeksüygiş halqımızdıñ, dara tuğan Elbasımızdıñ arqasında Täuel­siz­digimizdiñ bügini bekem, keleşegi kemel.

Wlttıq sananı qalıptastıru, wlt­tıq ruhtı asqaqtatu, qazaq­stan­dıq patriotizm – Täuelsizdikti saqtap, nı­­ğayta berudiñ bastı şarttarınıñ biri. Prezident osığan oray är jıldarı qadau-qadau parasattı oylar aytıp keledi. Wlıtau törinde aytılğan wlağattı oylar sonıñ zañdı jalğası.

Swhbatta keñinen äñgimelengen ötkir problemanıñ biri – dinniñ qazirgi ahua­lı. Bwl özekti mäsele töñiregindegi Elbası köregendigin bükil älem körip, moyındap otır. Özgesin aytpağannıñ özinde ärqilı közqarastağı ärtürli din ökilderin Astanağa jinap, bir üsteldiñ basında toqaylastıruınıñ özi dara tuğan danalıqtıñ bir belgisi emes pe?! Dinniñ jeke twlğanıñ ğana emes, qoğam, memleket ömirindegi mañızı, jastardıñ ärtürli teris ağımdarğa erip, adaspau joldarı jaylı Elbası aytqan wlağattı oyları – aqiqattıñ adastırmas aq jolı dep bağalauğa layıq. San salalı dinniñ jolı – san tarau. Sol köp jolda adaspay dwrıs bağıtpen jüru asa mañızdı.

Keniya memleketiniñ twñğış pre­zi­denti Djomo Keniata (1894-1978) bılay depti: «Batıstıñ adamdarı kelgende qoldarında injil, al bizdiñ qolımızda jerimiz bolatın. Bizdiñ közimizdi baylap şoqınudı üyretti. Közimizdi aşqanda ala­qanımızda injil, al olardıñ qolın­da bizdiñ jerimiz twrdı». Bwl ärkez är­qay­sımızdıñ jadımızda bolatın söz emes pe?! Osı twsta Çerçill'diñ: «Aqı­­maq­tar öz qatesinen, aqıldılar özgelerdiñ qatesinen üyrenedi» degen sözi oyğa oraladı.

Mına döñbekşigen dünie qısqa künin­de qırıq qwbılğan almağayıp, alasa­pıran uaqıtta adaspaudıñ bağıtın belgi­lep bergen bağdarşam boldı. Elba­sınıñ din jaylı tolğanısı. «Alaşqa atı şıqqan adamdar! Kösemdikteriñdi adaspay tüzu isteñder! Sender adas­pañdar – arttarıñnan alaş adasadı: art­tarıñnan ergenderdiñ obal-sauabına sizder qalasızdar» dep edi-au aqılman Ahañ – Ahmet Baytwrsınov. Prezident N.Ä.Nazarbaevtıñ sözi men isinen ğa­sır basında aytılğan osı qa­siet­ti söz­di qasterleytini anıq añğarı­ladı. So­nıñ ayqın bir ayğağı Wlıtau törinde aytılğan wlağattı oylar.

Til men din ğana emes, el tarihı, qazirgi ekonomika mäseleleri, Uk­rai­­nadağı şielenis tudırğan prob­le­ma­lar, tağı basqa da ömirdiñ özekti mäse­lelerin jan-jaqtı qamtıp, keñinen tolğağan wlt wyası – Wlıtau­dağı tolımdı tolğanısınan N.Ä.Na­zar­baevtıñ ğalamdıq deñgeydegi wlağattı oyşıl ekenin tağı bir märte tanıdıq.

Elbasınıñ bilik­tiñ biiginde jürgen bilimdi kadr­larğa qarata aytqan sözi Älihan Bökeyhanovtıñ: «Är wrpaq özine artılğan jükti jeter jerine aparıp tastağanı dwrıs, äytpegende, bolaşaq wrpağımızğa asa köp jük qaldırıp ketemiz. Keyingi wrpaq ne alğıs, ne qarğıs bere­tin aldımızda zor şarttar bar» degen sözimen ündes. Wlt­tıñ wlağattı wstazdarınıñ biri Jüsipbek Aymauıtov 1918 jılı qazan ayınıñ ekinşi jwl­dı­zında «Abay» jurnalında jariyalanğan «Wlttı süyu» attı maqalasında: «Oqığandar! Bwl uaqıt jan tınıştığın izdeytin, qızıq quatın uaqıt emes, qızmet qılatın, eñbek siñiretin uaqıt. Oylañızdar: halıq biz üşin emes, biz halıq üşin tuğanbız, olay bolsa, moynımızda halıqtıñ zor borışı, auır jügi jatır» – dep jazdı. Wlıtau törinde aytılğan wlağattı oylardıñ bir parası osı parasattı pikirdi jañaşa jañğırtıp twr.

Wlıtau törinde aytılğan wlağattı swhbat – täuelsiz Qazaqstannıñ älemniñ damığan otız elinen öz ornın aluğa bettegen qasietti jolın nwrlandırıp twrğan şamşıraq!

Säbit DOSANOV,

jazuşı, Memlekettik sıylıqtıñ laureatı.

"Egemen Qazaqstan" gazeti

0 pikir