Senbi, 4 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Jön-aq 2937 0 pikir 31 Naurız, 2014 sağat 09:24

Kadrmen qamtımay – qajetti nätijege jetu qiın

-  Auılşaruaşılığın damıtudıñ negizgi amaldarınıñ biri – oğan maman kadrlardı twraqtandıru, -  deydi Mäjilis deputatı Talğat Erğaliev.

-  Qazirgi auılşaruaşılığı qwrılımdarınıñ köbi, asa ülken bolmağandıqtan, özdiginen maman tartudıñ şığınan kötere almaydı. Mäselen, bwrınğı keñşardıñ ornında jwmıs isteytin 5-6 fermerdiñ ärqaysısı bir-bir agronom, injener, ekonomist, zootehnik wstauğa qauqarsız. Tipti, quattı degen fermerlerdiñ özi mwnday mamandardı mausımdıq uaqıtqa ğana wstap, qıstıñ 4-5 ayında «aqısız demalısqa» jiberedi. Bwl fermerge jaqsı bolğanımen mamannıñ özi men bala-şağasına qiın... Öytkeni, ol osı uaqıtta tamaq işpey otıra almaydı ğoy.  

Bwrınğı keñşardıñ ornındağı äkimşilik-territoriyalıq böliniste qazir auıldıq okrugter otır. Olardıñ ştatında tek vettehnik wstau ğana közdelgen. Basqa mamandardıñ şığını auıldıq okrugtıñ şığındarında qarastırılmağan. Sondıqtan... 5 mıñ gektardan artıq jer öñdeytin 4-5 (nemese odan da köp) fermerleri bar auıldıq okrugke kem degende bir-bir agronom, injener jäne ekonomist wstau şığını byudjette qarastırıluı kerek dep sanaymın. Sonday-aq 5 mıñnan artıq gektar jer öñdeytin jeke, iri şaruaşılıqtar osı mamandardı öz esebinen jıl 12 ay wstaudı zañdı türde mindetterine aluları kerek. Sonımen birge 1 mıñnan artıq mal ösiretin auıldıq okrugterdiñ byudjetinde vettehnikten basqa bir zootehniktiñ şığını da qarastırılğanı jön. Al osınşalıq maldı jeke şaruaşılığında ösiretin iri fermerler bwl mamannıñ şığının öz esebinen 12 ay boyı köterui kerek. Sonımen birge sırttan kelgen mamandardıñ bäri de twrğın üymen qamtamasız etiletini zañmen mindettelsin.

Bwl is – Prezident talap etken, auılşaruaşılığın damıtudıñ ğılımi jolın qamtamasız etuge mümkindik beredi. Maman bolmasa eşqanday ğılımi jol auılşaruaşılığına kelmeydi. Sonday-aq, bwl amal jıl sayın oqu bitiretin jüzdegen sala mamandarınıñ basqa sektordan jwmıs izdemey, öz mamandığı boyınşa kepildi türde jwmıs tabuına mümkinşilik beredi, - deydi T.Erğaliev.

Joğarıdağı wsınıstarın jalğastıra kelip, deputat Talğat Erğaliev auıl şaruaşılığına barğan mamandardı ıntalandıru joldarın da ayttı. Sonıñ işinde, deydi ol, elimizdiñ BAQ qwraldarı  sala mamandarınıñ äleumettik mañızın arttıratın, bedelin köteretin memlekettik sayasattıñ tapsırmasın jürgizuleri kerek. Nasihatsız, ideologiyalıq qoldausız salağa jaqsı mamandardı twraqtandıru qiın. Auılşaruaşılığı mamandarına BAQ köbirek köñil bölip, ozattarın jii körsetip otırsa, adamnıñ qwlşınısı da artadı. Olarğa memlekettik nagradalar beru isi de nazardan tıs qalmağanı jön. Sonday-aq, auılşaruaşılığına barğan mamandarğa kezekten tıs qızmet körsetu siyaqtı ıntalandıru jüyesin engizu qajet. Mısalı, medicinalıq kömek körsetude auıl şaruaşılığı mamanı audan, oblıstardağı emhanalarda kezekten tıs qabıldanğanı jön. Sonımen birge olardıñ balaların JOO qabıldauda jeñildikter berilui kerek.

Osınday jeñildiktermen qatar mamandardı auılda twraqtandırudıñ tağı bir täsili – olardıñ qızmet baspaldaqtarımen ösuine jağday jasau. Bwrın auılşaruaşılığı mamandarı qızmetterin jaqsı atqarıp, jaqsı nätijelerge jetse, özderiniñ qızmet baspaldağımen ösetindikterine, iri mansapqa qol jetkizetinine  senimdi bolatın. Kadr sayasatı sonı közdeytin. Al qazir onday mümkindik mülde joq. Audan äkimderi men onıñ orınbasarları,  oblıstıq mekemelerdiñ basşı qızmetkerleri, oblıs äkimderi men orınbasarları auılşaruaşılığı qızmetinen öspeydi. Olardıñ negizi tek biznestiñ öndiristik emes, kommerciyalıq salasınan nemese qwqıq qorğau jağınan şıqqandar. Sondıqtan auılşaruaşılığı mamanı öziniñ eşqaşan kar'era jasay almaytının biledi. Mine, osı qayşılıqtı da joyıp, auıldıq audandar men salanıñ oblıstıq, tipti respublikalıq basşılıqtarına mindetti türde auılda maman bolıp istegen jandardıñ ğana köteriletinine kepildik beretin zañnama kerek. Sonda mamannıñ ıntalanuı arta tüser edi. Mine, biz Ükimettiñ qarauına osı tärizdes naqtı wsınıstar dayındamaqpız, dedi deputat söziniñ soñında.

Jaqsılıq Quandıq

Abai.kz

 

0 pikir