Jwma, 25 Qırküyek 2020
COVID-19 QAZAQSTANDA. Jwqtırğandar — 107590. Jazılğandar — 102360. Qaytıs bolğandar — 1699
Qoğam 3921 0 pikir 25 Säuir, 2014 sağat 10:55

ŞEŞENSTAN REFERENDUMDİ TALAP ETPEYDİ

Euraziyalıq media-forumda alıs-jaqınnan kelgen sayasatkerler men jurnalister köp boldı. Tüsten bwrınğı jinalısta  AQŞ, Rossiya, Izrailya, Iran qatarlı elderdiñ ökilderi arasındağı söz talası qızu ötti. Taldau taqırıbı köbinese ukrainadağı sayasi kriziske tirelip otırdı. Tipten Resey dumasınıñ deputatı, sayasatker Konstantin Zatulinge jurnalister tüydektete swraq qoyğan edi, sonıñ biri:

«Sizder Qırımda ötkizilgen referendumdı ädildik dep qaraysızdar, alayda nege Resey qwramınan şıqqısı keletin respublikalardıñ referendumın qoldamaysızdar? Mısalı, Şeşenstandı aytuğa boladı»

Konstantin Zatulin: «Bwl eskirgen is. Şeşenstanda qazir tınıştıq, jağday oñalğan. Olar qazir referendum ötkizudi talap etip otırğan joq. Onıñ üstine referendum ötken jağdayda Şeşen halqınıñ basım köpşiligi bölinudi qalamaytınına senimdimin» - dedi.

Mwstafa JEMILEV nege kelmey qaldı?

 

Biz Ukraina, Qırım turalı pikirtalasqa baylanıstı Mwstafa Djemilevti izdegen bolatınbız. Qırımnıñ bastı sayasatkeri äzirşe qatısuşılar arasınan körinbedi. Forum bağdarlamasında Mwstafa Djemilevtiñ bayandaması erteñ, 25 säuirde 09:30 da boladı dep körsetilgen. Ökiniştisi qazirge deyin ol kisiniñ Qazaqstanğa kelgen-kelmegeni belgisiz. Tipten, Reseydiñ sayasi qısımı men Euraziya Ekonomikalıq Odağınıñ qwrıluınıñ aldında qoğamdıq tolqu tuıluınan saqtanu üşin qatıstırılmağan boluı da mümkin.

Şının aytqanda, eger Mwstafa ağamız osı forumda bolğanda qazaq jurnalisterdiñ sol kisiniñ qasınan tabılğıları keletini belgili. Bwl ülken aqparattıq tolqın tudırarı da haq. Mine osı jağdaylardı eskergen forumğa ol kisiniñ kelui şektelgen boluı kerek.

Dese de,  biz ol kisiniñ keluin kütemiz!

Mwstafa JEMILEV - Qırım Respublikası Medjlisiniñ basşısı, Ukraina parlamentiniñ deputatı

ALTAY BWQARBAY

Abai.kz

0 pikir