Qúqyq qorghaushy, qogham belsendisi Aygerim Qúsayynova Informburo portalyna bergen súhbatynda ýy sharuasyndaghy әielderding enbegine aqy tólenui kerek ekenin aitty. Búl turaly Abai.kz habarlaydy.

Genderlik tendik jәne genderlik ekonomika boyynsha sarapshynyng aituynsha, qazaqstandyq әielder orta eseppen kýnine 4 saghat 13 minut tegin júmys isteydi. Búl key oblystarda alty-jeti saghatqa deyin jetedi.

"Júmys istemeysiz, biraq ta ýy sharuasyndaghy әiel bolsanyz da sizding kórinbeytin júmysynyz bar. Ony ghasyrlar boyy kelindik mindetiniz dep qarap keldi. Búl dúrys emes, sebebi kelindik qyzmet túrmystaghy qúldyq dep atalady. Álbette, búl qazaq qoghamyna jat estiledi. Ydys juu, kir juu, tamaq jasau tek qana әielding mindeti emes, ony bólip isteu kerek. 21-ghasyrda әielder de erkekter siyaqty júmys isteydi, sharshaydy. Biraq ta nelikten әli de ýy sharuasyn tek әielding mindeti dep esepteymiz? Búl baryp túrghan әdiletsizdik qoy", – dedi sarapshy.

Qúqyq qorghaushy búl mәseleni memleket esebinen aqy tólep sheshuge bolatynyn aitty.

"Dýniyejýzilik bankting eseptep qoyghan formulasy, algoritmi dayyn, ghylymy bazasy bar. Memleket júmys istegen uaqytyn ýstemeaqy retinde tólep berip otyrady. Ol aqshany әiel sandyqtyng týbine tyghyp qoymaydy, aqsha makroekonomikalyq ainalymda jýredi. Áyelderge ýy júmysyndaghy enbegine aqy tólemegendikten býkil memleket 8 trln AQSh dollaryn joghaltyp otyr. Ekonomikada aqsha kóp bolghan sayyn memleket damidy. Sol ýshin búdan memleket te, әiel de, erkek te útady. Segiz saghat júmystan ýige kelip, tórt saghat júmys istegen әiel qajidy, emosionaldy sharshaydy. Ol karierasyn ósirudi oilamaydy, sebebi ýy júmysy elenbeydi, mindet bolyp sanalady. Múnyng әdiletsizdik ekenin moyyndap, memleket retinde talap etuimiz kerek. Ýy júmysyn kelin jasaugha mindetti emes dep aituymyz kerek", – dedi Aygerim Qúsayynqyzy.

Abai.kz