Sherzod Kudrathujaev – Ózbekstandaghy tanymal adamdardyng biri. Ol ‑ Jurnalistika jәne búqaralyq kommunikasiyalar uniyversiytetining rektory, Ózbekstannyng búqaralyq elektrondy jәne kommunikasiyalary últtyq qauymdastyghynyng basqarma tóraghasy.

Sol Sherzod aka kesheli-beri K.Marks aitty degen: «Ózi túryp jatqan elding tilin eki adam bilmeydi: biri – okkupant, ekinshisi – aqymaq», - degen sózdi aitamyn dep basy daugha qalyp otyr.

Onyng osy sózin Resey ýkimeti óte auyr qabyldady. Resey Syrtqy Ister Ministrligi shúghyl týrde: «Sh.Kudrathodjaev  óte jaghymsyz sózderimen eki halyqtyng arasyna ot jaghugha úmtyldy», - dep mәlimdeme jasady.

Odan әri RF SIM bylay dep mәlimdedi:

«KSRO qúramynda bolghan Ózbekstan óndirisi men auyl sharuashylyghyn, ghylymy men mәdeniyetin qarqyndy damyta aldy. Býgin de Ózbekstan tәuelsiz memleket retinde Reseymen ózara teng dәrejede, ózara qúrmetke negizdelgen qatynas ornatty. Sondyqtan, biz Sh.Kudrathodjaevtyng sózin Ózbekstan halqy qoldamaydy jәne ol sóz ózbekstandyqtardyng jalpy kónil kýiin bildirmeydi dep senemiz», - dep, 14 aqpanda Ózbekstannyng Reseydegi elshisi Botirjan Asadovty SIM‑ge shaqyryp alyp, qolyna arnayy NOTA tapsyrdy.

Odan әri Resey SIM Ministrligi: «Eger ol jerge «okupanttar» barghan bolsa, Ózbekstan múnday jetistikterge jete almas edi», - dep nyghyzdap qoydy.

Oghan Sh.Kudratkojaev bylay dep jauap berdi:

«IYә, 1966 j. jer silkinisinde Tashkent qatty qirady. Oghan «kómekke» Resseyden, Belorussiyadan, Ukrainadan óte kóp sottalghandar keldi. Olardyng basym bóligi so kýii Ózbekstanda qalyp qoydy. Mysaly, so kezde Tashkent qalasynda túrghyn sany jer silkingenge deyin 300−400 myng adam shamasynda edi. Sodan keyin onyng sany kýrt ósip, million adamgha jetti. Sodan beri 60 jylday uaqyt ótti. Al sol kezderi kelgender әli de ózbek tilin ýirene almady», ‑ dedi.

Oghan Rossotrudnichestvo tóraghasy Evgeny Primakov bylay dep jauap qatty:

«Sh.Kudrathodjaev «Ol rusofob, ata‑anadan dúrys tәrbie almaghan jәy bir sózquar». Ol bizden bas iyip keshirim súramayynsha, biz onymen jәne ol basqaratyn ortalyqtarmen birge júmys atqarudan bas tartamyz», - dedi...

Alayda, ótkende ghana, 2023 j. qarasha aiynda Ózbekstan SIM‑gi Reseyding Ózbekstandaghy elshisi Oleg Maliginovty ózine shaqyryp alyp, eskertu jasaghan bolatyn. Onda «Spravedlivaya Rossiya» partiyasynyng ókili, jazushy Zahar Priylepin «Reseyge jana territoriyalardy qosyp alu kerek. Sonyng ishinde, әsirese, bizge óbirek kelip jatqan gastarbayterler elining jerin» degen sózi daudyng basy bolghan bolatyn.

Ol kezde Resey SIM‑gi: «Oy, sol da sóz be eken, Priylepinning aitqany onyng «jeke pikiri, memleketting emes», - dep syrghyta salghan edi.

Endi, mine,Reseylikterge «Sherzodtyng sózi sóz‑aq eken» degendey bolyp qapty...

Abai.kz