Qazaqstanda turistik bizneske memlekettik qoldau sharalary kórsetiledi. Turizm jәne sport ministrligining dereginshe, 2023 jyldyng basynan beri turizm salasyn qoldaudyng әrtýrli sharalaryna jalpy somasy 760 million tengeni qúraytyn ótinimder maqúldandy. Búl 2022 jylghy pilottyq kórsetkishten 7 ese kóp. Byltyr qoldau sharalarynyng jalpy somasy 104,4 million tengeni qúraghan bolatyn.

Memleket sheteldik turister ýshin turoperatorlardyng shyghynyn subsidiyalap keledi. Turoperatorgha beriletin subsidiya kólemi әr sheteldik turistke 15 myng tengeni qúraydy. 2023 jyly 3600 sheteldik turist ýshin jalpy somasy 54 million tengening ótinimi maqúldandy. Byltyr 6,3 mln tengeni (421 sheteldik turist) qúraghan bolatyn.  Bir jylda subsidiya kólemining 8 ese óskenin kóre alamyz.

Tabysty jýzege asyp jatqan memlekettik qoldau sharalarynyng biri – Kids go Free baghdarlamasy. 2023 jyly 13 turistik kompaniya Kids go Free boyynsha 920 turdy jýzege asyrdy. Satylghan turlardyng qúny balalar әue biyletterining qúnyn qospaghanda 458 mln tengeni qúrady. 2 myngha juyq bala ýshin jalpy somasy 89,4 mln tengeni qúraytyn 920 ótinim maqúldandy. Osynshama bala el ishinde tegin úshty. 2022 jyly búl baghdaralma ayasynda 1,5 myng bala tegin úshyp, memleket 76,2 mln tenge subsidiyalaghan bolatyn.

Kids go Free ayasynda qazaqstandyqtar Alakól, Almaty jәne Manghystau baghytynda kóp sayahattaghan. Baghdarlamany keneytu maqsatynda tarihiy-mәdeny oryndargha tanymdyq turlar, ónirlerdegi qolóner sheberlerimen sheberlik sabaqtar jәne joghary synyp oqushylaryna toptyq turlar, sonday-aq balalar men jasóspirimder sportyn damytu ýshin balalar men olardyng bapkerlerine saparlar úiymdastyru úsynylady.

Memleket tau-shanghy kurorttaryna satyp alynghan qúral-jabdyqtar men tehnikalar qúnynyng 25 payyzyn óteydi.  Byltyr eshqanday ótinim týspegenimen, 2023 jyly 2,8 mln tenge somasynda eki ótinim maqúldandy. Búl da tau-shanghy turizmin damytugha ong yqpal etpek.

Biyl turistik avtobustar alu shyghyndaryn óteu somasy da aitarlyqtay ósken. Elimizde keminde segiz adamdyq turisterge arnalghan kólikter qúnynyng 25 payyzy memleket esebinen óteledi. Byltyr 10,6 mln tenge somasynda eki ótinim ghana maqúldansa, biyl alty ótinim (50 mln tenge) maqúldandy. Búl byltyrghy kórsetkishten bes ese kóp.

Qazaqstanda jol boyyndaghy qyzmet kórsetu nysandarynyng qúrylysyna ketken shyghynnyng 10 payyzy óteledi. Byltyr múnday birde-bir ótinim kelip týspegen. Al 2023 jyly jergilikti atqarushy organdar jalpy somasy 355 mln tengeni qúraytyn 10 ótinimdi maqúldady.

Jol boyyndaghy dәrethanalardy ústap túrugha beriletin ay sayynghy subsidiya kólemi 83 300 myng tengeni qúraydy. Biyl sanitarlyq beketter sany 4 ese artty. 2023 jyly 86 ótinim maqúldansa, 2022 jyly 20 nysandy qúraghan bolatyn.

Sonday-aq, turistik nysandar qúrylysy men qayta qúru shyghyndarynyng 10 payyzy óteledi. Byltyr respublikalyq budjetten bir ghana ótinim maqúldansa, biyl jalpy somasy 181,6 mln tengeni qúraytyn 11 ótinim maqúldanghan.

Qazaqstanda 2029 jylgha qaray ishki turister sanyn 11 mln adamgha, al sheteldik turister sanyn 4 mln adamgha jetkizu josparlanghan. Búl kórsetkishke jetu ýshin turizm industriyasyn damytugha baghyttalghan memlekettik qoldau sharalary jalghasyn taba beredi.

Abai.kz