Qytaylyq investorlar kiyik etin óndeuge qyzyghushylyq tanytyp otyr. Olar jabayy januardy qolgha ýiretip, etin óndep shygharatyn zauyt salugha BQO-dan jer súraghan.

Búl turaly oblys әkimi Nariman Tóreghaliyevtyng Astanada ortalyq kommunikasiyalar qyzmetine bergen aqparatynan belgili boldy.

«Biz qazir investor izdep jatyrmyz. Qytay bola ma, basqa bola ma, bizge investor jaqsy shartpen kelse qabyldaymyz. Eki ay búryn Qytaydan azamattar keldi, óz oiyn aitty. Jer tauyp bersenizder, kiyikterdi qolgha ýiretip, bolashaqta ýlken zauyt salyp, kiyik etin óndeuge, jalpy mal etin óndeuge qatysty tereng óndeu júmysyn qamtityn jospar baryn aitty. Biz olargha óz shartymyzdy qoydyq. Jer tapqan jaghdayda birinshiden kompaniya bizding oblysqa tirkelui kerek, yaghny salyq bizge týsui kerek. Júmys isteuge jergilikti halyq alynuy kerek jәne óz moynyna alghan sharttaryn oryndauy kerek. Búlar oryndalmasa, jerdi keri qaytaru jóninde aldyn ala uaghdalastyq boldy. Eger olar biz aitqan shartqa kelisse, júmys qolgha alynady. Onyng qarjy jaghy da әli sheshilmegen», - dedi N. Tóreghaliyev.

Oblys әkimi investor qay elden kelse de, eng bastysy paydany kóretin óz halqymyz ekenin aitty. Sonymen qatar, әkim jada januarynyng etin, terisin óz kýshimizben óndeytin mýmkindik joq.

«Qazir iri qara jәne jәne basqa maldy soyyp jatyrmyz. Onyng terisin qayda jiberip jatyrmyz? Sýiegi qayda jatyr? Eshqaysysyn óndey almaymyz, paydagha asyra almay otyrmyz. Keshe kelgen investorlarmen sóileskende «Qany, terisi, siraghynan bastap mýiizine deyin sýiekteri qayta ketedi? Osynyng bәrin óndeysizder me?» dep súraq qoydym. Olar bәrin óndeuge dayyn, yaghny sonday tehnologiya bar. Bizde ýlken zauyttar salynsa, óte paydaly bolady. Tipti maldyng qanynan mal azyghyn dayyndaugha bolady eken. Sýiekti óndep, ún jasap, mal azyghyna jiberuge bolady. Mine, osy mýmkindikterdi nege paydalanbasqa?!», - deydi BQO әkimi.

Abai.kz