Býgin segizinshi saylanghan Parlamentting birinshi sessiyasy resmy týrde jabyldy.

Deputattar biylghy 1 qyrkýiekke deyin parlamenttik kanikul dep jariyalanatyny turaly arnayy qauly qabyldady. Parlament palatalarynyng birlesken otyrysynda Mәjilis piykeri Qazaqstan superpreziydenttik jýieden preziydenttik respublika ýlgisine kóshkenin atap ótti.

«Mәjiliske alghash ret 6 sayasy partiya saylandy. Osyghan deyin úzaq uaqyt boyy oppozisiyada bolghan partiya Parlamentke ótti. Búl jolghy saylanym Qazaqstan tarihyndaghy eng kóp partiyaly Parlament bolyp otyr. Mәjilis týrli kózqarastar men sayasy kýshter toghysqan alangha ainaldy. Halyq qalaulylarynyng jana tolqyny keldi. Mәjilis qúramy úzaq jyldan beri alghash ret birmandatty okrugten saylanghan, shynayy әri tartysty bәsekede ozyp shyqqan deputattarmen tolyqty. Sonymen qatar әielder men erekshe qajettiligi bar adamdardyng jәne jastardyng qatary kóbeydi. Segizinshi saylanymdy basqa shaqyrylymdargha qaraghanda «eng jas Parlament» dep ataugha bolady. Jasy әli 35-ke tolmaghan 13 deputat Qazaqstan jastary atynan ókildik etude», - dedi Erlan Qoshanov.

E.Qoshanovtyng aituynsha, birinshi sessiya nebәri 100 kýnge sozylghanymen, atqarylghan mindetter boyynsha búl sessiyanyng júmysy “óte manyzdy әri mazmúndy boldy”.

«Búl sessiya barysynda palatalardyng 3 birlesken otyrysy boldy. Senattyng 12 jәne Mәjilisting 15 jalpy otyrysy ótti. Onda 120-dan astam mәsele qaraldy. Parlamentting qarauynda 82 zang jobasy boldy, sonyng ishinde 25 zang qabyldanyp, 13 zangha Preziydent qol qoydy. Qazirgi saylanymnyng basty ereksheligi – kóptegen manyzdy zang jobalarynyng deputattardyng bastamasymen әzirlenui», - dedi Mәjilis tóraghasy.

Ayta keteyik, búdan búryn Qoshanov Parlamentke dayyndyqsyz keletin sheneunikterdi syngha alghan bolatyn.

Abai.kz