Almaty oblysy Polisiya departamentining búrynghy basshysy Serik Kýdebaev 10 jylgha sottaldy. Ol jazasyn qylmystyq atqaru jýiesining ortasha qauipsiz mekemesinde óteytin bolady.

Sot ýkimine say, Kýdebaev qúqyq qorghau organdary men memlekettik mekemelerde 10 jyl júmys isteu qúqyghynan aiyryldy. Búghan qosa, sot ony general mayor sheninen aiyru ýshin preziydent Qasym-Jomart Toqaevqa qayyryldy.

Oghan biylik pen lauazymdyq ókilettigin asyra paydalanu jәne azaptau baptary boyynsha aiyp taghyldy.

Sotta songhy sózin aitqan Kýdebaev taghylghan aiyppen kelispedi.

«Men kinәli emespin. Taghylghan aiyppen kelispeymin. Halqyma oq atpadym. Sot aldyndaghy prosesterde jasaghan әreketterimning barlyghy zandy ekenin aitqanmyn. Eshqanday azaptau bolghan joq. Jәbirlenushilerding ózderi ony joqqa shyghardy»,- dedi Serik Kýdebaev.

Ayta keteyik, 27 sәuirde Serik Kýdebaev Stambulda jýrgen jerinen ústaldy.

3 sәuirde qantar oqighasyna kýdikti dep tanylghan Kýdebaevtyng elden qashyp ketuine baylanysty halyqaralyq izdeu jariyalanghan bolatyn.

Kýdebaev 23 nauryz kýni Bishkek qalasyndaghy Manas halyqaralyq әuejayynan Týrkiyanyng Ystambúl qalasyna úshyp ketken.

ÚQK tóraghasynyng orynbasary – Shekara qyzmetining diyrektory Erlan Aldajúmanov Serik Kýdebaevtyng memlekettik shekarany resmy ótkizu punktteri arqyly emes, taular arasymen qashuy mýmkin degen joramal aitqan jәne búl iske Qyrghyz Respublikasynyng memlekettik organdary da kiriskenin aitty.

Kýdebaevtyng soty biylghy jyldyng qantarynda bastaldy. Prokuror ony 9 jylgha bas bostandyghynan aiyrudy súrady.

10 nauryzda Serik Kýdebaev auruhanagha týskeni, sot otyrysy keyinge shegerilgeni habarlandy. Sodan keyin sot prosesi birneshe ret keyinge qaldy. Ol kezekti sot otyrysyna kelmegendikten, sudiya Serik Kýdebaevty sotqa mәjbýrli týrde jetkizu jóninde qauly shyghardy.

Abai.kz