Býgin Parlament palatalarynyng birlesken otyrysynda Memleket basshysy Qasym-Jomart Toqaev biyl alghash ret 45 audan jәne oblystyq manyzy bar qalalar әkimderin tikeley saylau ótetinin aitty. Preziydentting osy sózinen keyin bizding Shudaghy әkim saylauy eske týsti.

Ózderiniz bilesizder, songhy jyldary audandyq manyzy bar qalalar, auyldar, kentter men auyldyq okrugterde әkimdi túrghyndardyng ózi saylap jýr. Sonday saylau 2021 jyly Shu qalasynda ótti. Jambyl oblysyndaghy audandyq manyzy bar temirjolshylar qalasynda 45 mynnan astam halyq túrady (biyl halyq sany 50 myndyq mejeni baghyndyrsa, oblystyq manyzy bar qalagha ainalady).

Yaghni, shaghyn qalada myndaghan elektorat (30 mynday) bar bolghandyqtan, әkim saylauy tartysty ótti. Ózin-ózi úsynghan kandidat Erjan Estiyar biylik partiyasynyng atynan saylaugha týsken qarsylasynyng aldyn orap ketti. Júrt tandanysyn jasyrmady. Búl búghan deyin әkimderining kim ekenin bilmey kelgen shulyqtardyng saylaugha belsene qatysqanynyng arqasynda mýmkin boldy. Bastysy, jergilikti túrghyndar saylaugha nemqúrayly qaramauy kerek. Al, әkimderding saylanuy ózining tiyimdiligin kórsetkenin Shudyng mysalynan kóremiz. Ýgit-nasihat kezinde kandidattar túrghyndarmen tildesti. Olardyng janayqayyn estidi. Áriyne, kishkentay qaladaghy ýlken mәselelerdi birden sheshu mýmkin emes. Sol sebepti jergilikti jerler qarjylyq resurstardy qajet etedi. Ony Erjan Serikúlynyng ózi de «qala budjeti shaghyn, al sheshimin tabuy tiyis mәsele kóp» dep aitqan bolatyn.

Preziydent aldaghy uaqytta elimizdegi barlyq audan әkimderi saylanatynyn, sóitip biylikting barlyq instituttary janaryp, tyng qarqynmen júmys istey bastaytynyn da aitty. Óitkeni, saylanghan әkim men taghayyndalghan әkimning arasy jer men kóktey bolatynyn uaqyttyng ózi kórsetti. Saylanghan әkim aldymen saylaushylardyng aldynda jauap beredi. Órkeniyetti elderde de solay. Mysaly, 38 mln halqy bar Polishanyng kәri qúrlyqtyng 27 elining basyn qosqan Europalyq Odaqtaghy altynshy ekonomikasy jәne әlem elderi arasynda jiyrmasynshy ekonomikasy boluyna kóbine sәtti jýrgizilgen jergilikti ózin-ózi basqaru reformalarynyng arqasynda mýmkin bolghanyn sarapshylar da aityp jýr. Býgin «Biz azamattardyng memleketti basqaru isine qatysu mýmkindigin keneyte beremiz» dep aitqan Preziydent te osy oidy menzeydi.

Jasúlan Mәulenúly

Abai.kz