Jyl basynan beri qazaqstandyqtargha 549,3 mlrd tenge somasynda zeynetaqy tólendi, dep habarlaydy BAQ.KZ.

QR Enbek jәne halyqty әleumettik qorghau ministrligi baspasóz qyzmeti derekterine sýiensek, 2023 jylghy qantarda respublikalyq budjetten 549,3 mlrd tenge somasyna zeynetaqy tólendi, onyng ishinde bazalyq zeynetaqy – 168,7 mlrd tenge, yntymaqty zeynetaqy – 380,6 mlrd tenge.

2023 jylghy 1 nauryzdaghy jaghday boyynsha zeynetkerler sany – 2 mln 292 myng adam.

2023 jylghy 1 nauryzdaghy jaghday boyynsha jiyntyq zeynetaqynyng ortasha mólsheri 120 992 tengeni qúrady, onyng ishinde yntymaqty zeynetaqy mólsheri – 83 089 tenge, bazalyq zeynetaqy – 37 903 tenge.

2018 jylghy 1 shildeden bastap memlekettik bazalyq zeynetaqy tólemi zeynetaqy jýiesindegi ótilin eskere otyryp, әr alushygha jeke taghayyndalatynyn eske salamyz.

Búl rette 1998 jylghy 1 qantardaghy jaghday boyynsha yntymaqty jýiede júmys istegen uaqyty, sonday-aq mindetti zeynetaqy jarnalary (búdan әri – MZJ) tólengen kezender zeynetaqy jýiesindegi enbek ótiline qosylady.

Eger azamattyng zeynetaqy jýiesindegi ótili 10 jyl nemese odan az bolsa, sonday-aq mýlde joq bolsa, bazalyq zeynetaqy eng tómengi kýnkóris dengeyining 60%-na teng bolsa, sodan keyin 10 jyldan asqan әr jyl ýshin onyng mólsheri 2 %-gha artady. Al eger sizding ótiliniz 20 jyl bolsa, bazalyq zeynetaqy tómengi kýnkóris dengeyining 80 %-yn qúraydy. Enbek ótili 30 jyl nemese odan kóp bolsa, kýnkóris dengeyining eng jogharghy mólsherinde yaghny 100% belgilenedi, - delingen vedomstvo habarlamasynda.

Eger bir ay ishinde mindetti zeynetaqy jarnalary Birynghay jinaqtaushy zeynetaqy qoryna birneshe ret audarylsa, jinaqtaushy jýiege qatysu merzimi bir aidy qúraydy.

Osylaysha mindetti zeynetaqy jarnalary neghúrlym túraqty jәne tolyq kólemde audarylatyn bolsa, zeynet jasyna jetkende bazalyq zeynetaqy tólemderining mólsheri soghúrlym kóp bolady.

Óz kezeginde azamattyng jasyna baylanysty zeynetaqy tólemderining mólsheri 1998 jylghy 1 qantardaghy júmys ótiline (kem degende 6 ay qajet) jәne zeynetkerlikke deyingi kezendegi ortasha ailyq tabysyna baylanysty bolady.

Abai.kz