Sayasatker Dos Kóshim «Qasqa jol» YouTube arnasyna bergen súbatynda alda ótetin Mәjilis jәne maslihat saylauyna «Baqyla» qoghamdyq qozghalysynyng atynan bayqaushylyq jasaytyn azamattargha seminar-treningter ótkizip jatqany turaly aitty.

«Songhy bir-eki jylda baqylaushylardyng toptary bir-birimen birige bastady. Búl óte jaqsy nәrse. Óitkeni myna jaqta jýz adam, ana jaqta jýz adam bolyp bólinbey, bir topqa jinala bastady. Mysaly meni «Baqyla» degen qoghamdyq qozghalys shaqyrdy. Osydan ýsh ay búrynghy preziydenttik saylauda olar 3000 adam qoyamyz dedi, nәtiyjesinde 2500 adamdy qoydy. Qazir Mәjilis saylauyna 5000-gha juyq adamdy dayyndap jatyr. Men baqylaushylardy oqytumen ainalysyp jatyrmyn», - dedi sayasatker.

Jýrgizushining «Diyrektorlar, múghalimder t.b. dauys beru kezinde zansyzdyqpen ainalyspauy ýshin ne isteuimiz kerek?» degen súraghyna «Saylau komissiyasyna kirgende adam ant berui kerek» dep jauap berdi.

«Berilgen ant biraz nәrseni ústaydy eken. Mysaly: Amerikada polisiyada, prokuraturada isteytinder ant beredi. Bizde tek әskerge barghandar «Otandy qorghaymyn» dep ant beredi ghoy. Ant degenimiz jauapkershilik jýkteydi. Ant bergen uaqytta qanday dengeyde bolar edi? Meyli bireu Qúrangha, bireu Konstitusiyagha qolyn qoysyn deymiz. Biraq saylau komissiyasynyng tóraghalary múny estigende týrleri búzylyp ketedi... Jalpy ar-úyaty bar adamnyng anttan attauy qiyn bolady. Men múny joghary jaqqa úsyndym. Eng qúryghanda ant bersin», - dedi Dos Kóshim.

Sayasatker osy kýnge deyin elimizde ótken saylaularda dauys sanau kezinde zansyzdyqqa jol bergen adamdar ýshin qoldanylatyn jazanyng óte jenil ekenin aitady.

«Bizde saylau komissiyasy mýsheleri zang búzghan jaghdayda 4 jylgha sottalady. Búl zanda bar. Biraq sottamalmaq týgili, bir ret aiyppúl salynghanyn kórmeppin. Qanshasyn ústadyq. Óz qolymen «men falsifikasiya jasadym» dep jazyp bergen adam, ertenine tek saylau komissiyasynyng tóraghalyghynan týsti», - dedi Dos Kóshim.

Sayasatkerding oiynsha, osylay adam qúqyghyna qarsy qylmys jasaghan adamdy 25 jylgha deyin sottau kerek.

«Adam qúqyghyna qarsy jasalghan qylmys - eng auyr qylmys. Eger zang búzghan diyrektorlardy, uchaskelik saylau komissiyalarynyng basshylaryn sottap jiberse, zansyzdyq birden tyiylar edi», - deydi ol.

Dos Kóshim súhbat barysynda Qazaqstanda 1999 Tәuelsiz baqylaushylar úiymyn qúrghanyn aitty.

«Sol ýshin Amerikadan bir baqylaushylar institutyn alyp keldim. Alty jyl boyyna eldegi saylaudy baqyladyq. Osylaysha Qazaqstanda baqylaushylar instituty qalyptasty», - dedi spiyker.

Abai.kz