Bolgariya Ukrainagha snaryadtar jetkizip túru ýshin 35 jyldan beri júmys istemey toqtap túrghan zauytyn qaytadan iske qosatyn bolady, dep jazady Halyq-uni.

Kostens qalasynda ornalasqan «Terem» zauyty 1988 jyly әlemde qyrghiy-qabaq soghys ayaqtalghannan keyin óz óndirisin toqtatqan edi. Endi Bolgariya Ukrainagha soghysqa qajetti snaryadtardy der kezinde molynan jetkizip berip túru ýshin sol zauytty qayta iske qosugha mýddeli bolyp otyr.

«Terem» zauytynda kezinde, 1989 jyly songhy snaryad shyqqansha 122 milliymetrlik oq-dәriler dayyndalyp túrghan eken.

The New York Times gazetining habarlauynsha, Kostens qalasy túrghyndary búl janalyqty jaqsy qabyldaghan. Múnyng ózi, birinshiden, onsyz da túrmystary auyr bolgar júrtynyng qosymsha júmys ornyn tabularyna jol ashsa, ekinshiden, Ukraina armiyasynyng tezirek basqynshy jaudy el territoriyasynan quyp shyghuyna jәrdemdesedi.

Sonymen bir mezgilde Sopot qalasyndaghy snaryadtar óndiretin zauyt ukrain armiyasynyng múqtajdyqtaryn óteu ýshin alty kýndik júmys kestesine kóship ketti.

Bolgariya Ýkimeti ótken jyldyng jeltoqsan aiynda Ukrainagha atys qarulary men oq-dәrilerding birqatar týrlerin jetkizip túrugha niyetti ekenderin mәlimdegen bolatyn.

Sol aralyqta respublikashyl Maykl Makkol AQSh Kongresinde Kiyevke alysqa atylatyn snaryadtar berudi bastau jónindegi peyilding kýn sayyn osy tarapqa qaray búrylyp kele jatqanyn, búl kýnning tym alysta emes ekenin aitty.

Abai.kz