Qazaqstan azamattyghyn alghan Maskeulik «Sary qyz» Elena Rybakinanyng aghylshyndardyng «Uimbldon-2022» kubogin jenip aluy, әlemdik jarysta top jaruy, Keniyalyq «Qara marjan» Nora Djerutonyng Amerikada ótken әlem chempionatynda 3000 metrge kedergiden qarghyp jýgiruden chempion atanuy júrt arasynda qyzu talqygha týsti.

Tegi sheteldik sanlaqtardyng jenisin óz jenisine balap balasha quanghandar da, tosyrqap, qazaq sportynyng jat júrttanyp, kóp qúrlyqtanyp bara jatqanyna alandaushylyq bildirgender de kóp boldy. Qazaq sportynyng kóp últtanghanyna kóz ýirengeli qashan. Auyr atletikadan Qazaqstannyng eks bapkeri Aleksey Niyding Qytaydan topyrlatyp auyrlyq kóterushilerdi әkelgeni belgili. «Bayterek» últtyq holdingi qarjylandyratyn «Astana» velokomandasy, «Barys» hokkey kluby, jergilikti futbol komandalary da qalyspaydy. Qazaq jerine alty qúrlyqtan sportshylardyng jinaluy – qazaq sportynyng kәsiby dengeyining jogharylyghynan, naryqtyq tartymdylyghynan emes ekeni әu bastan týsinikti jәit.

Qantar oqighasynan keyin jasaghan alghashqy joldauynda Toqaev túnghysh preziydent Núrsúltan Nazarbaevtyng biyligi kezinde elimizde әlemdik dengeydegi at tóbelindey olligarh toptardyng payda bolghanyn tilge tiyek etti. Nazarbaev jaqyndary men jaqtastaryna tәuelsiz elding jer asty-ýsti baylyghyn ghana emes, sayasi, mәdeny tetikterdi de basqarugha berdi. Sport ta sonyng ishinde. El biletin senimdi serikteri Núrtay Ábiqaev, Ádilbek Jaqsybekov, Asqar Mәmiyn, Kәrim Mәsimovtar golf, hokkey, boks federasiyalaryn qadaghalady. Qazirgi Qazaqstan tennis fedarasiyasynyng preziydenti Bolat Ótemúratov kezinde Nazarbaevtyng kómekshisi, is jýrgizushisi bolsa, Qazaqstan últtyq olimpiada komiytetining tóraghasy Timur Qúlybaev kýieu balasy. Imanghaly Tasmaghanbetovtyng kýieu balasy Kenes Raqyshov ta Qazaqstan boks federasiyasynyng preziydenti. Osydan-aq qazaq sportynyng 30 jyl naryqtyq bәsekening qazanynda emes, biylikting nazarynda bolghanyn bayqau qiyn emes. Naqtylap aitqanda Nazarbaev sportty da monopoliyalap, memleket qarjysyna SAMIYT, EKSPO men qatar әlemdik sport dodalaryn da ótkizip, ózining el ishi-syrtyndaghy imidjyn kóteruge qyzmet ettirdi. 2011 jyly ótken qysqy Aziyada oiyndary da, 2017 jyly ótken Uniyversiada oiyndary da el ekonomikasyna salmaq salghannan basqa, últ densaulyghyna, sportyna eshqanday payda, serpin әkelmedi. Qyruar qarjy jemqorlardyng júmyryna ketti. Arty bayandy bolghan bireui joq. Tokioda ótken jazghy olimpiadan sportshylarymyz altynsyz, Qytayda ótken qysqy olimpiadan jýldesiz qaytty. Sport salasynan ósken boksshy Serik Sapiyev, Baqtiyar Artaevtar júmystan bosatylyp, Timur bastaghan oligarhtar oryndarynda qaldy.

Sportty monopoliyalap alghan olligarh sheneunikterding attay qalap sheteldik sportshylardy elge tartuyn, Elena Rybakinanyng Reseydegi bapkerining sózimen aitqanda «Dayyn asqa tik qasyq boluyn» últ sportyna bolghan janashyrlyqtan tughan әreket dep baghalau orynsyz bolar edi. Sayasy maqsatty kózdegeni, memleket qarjysyn talan-tarajgha saludyng jymysqy joly etkeni – soqyrgha tayaq ústatqanday anyq kórinip túr.

Eski tәsil, kәnigi jýie – býgingi jana uaqyt talabyna endigary jauap bere almaydy. Sportty jeke ambisiyanyn, iydeologiyanyng qolbalasy etip ústaytyn dәuren ótti. Bizdegidey Mәdeniyet pen Sport ministrligi bolmasa da erkin naryqtyq bәsekening arqasynda әlemdik sport derjavasyna ainalghan AQSh-tyng tәjirbesin engizip, sportty el budjetin sýliktey soratyn masyl saladan, salyq qorjynyn qampaytatyn, basshynyng emes, memlekettin, elding mereyin ósiretin әleuetti salagha ainaldyratyn kez keldi.

Abai.kz