Býgin Semey qalasynda Qazaqstan músylmandary diny basqarmasynyng úiymdastyruymen Abay, Shyghys Qazaqstan jәne Pavlodar oblystary aqsaqaldarynyng «Qazynaly qariya – danalyq pen parasat iyesi» aimaqtyq forumy ótti.

Forumgha QMDB Tóraghasy, Bas mýfty Nauryzbay qajy Taghanúly, Abay oblysynyng әkimi Núrlan Úranhaev, Diny basqarma janyndaghy Aqsaqaldar kenesining mýsheleri men jergilikti imamdar qatysty.

Aytuly jiyn Qasiyetti Qúran ayattaryn oqumen bastalyp, keyin QMDB-nyng jyl basynan beri atqarghan negizgi júmystary beynerolik týrinde kórsetildi.

Jiyndy ashqan oblys әkimi Núrlan Telmanúly qariyalarymyzdyng qoghamdaghy orny men tәrbiyening tiregi turaly aita kele forum júmysyna tabys tiledi. QMDB Tóraghasy óz sózinde últtyng últ bop saqtaluy, bala tәrbiyesindegi babalar joly, úlaghatty úrpaqqa aqsaqaldyng kórseter keremet obrazy jayly bayandamasynda atap ótti.

«Qazaq «Kóp jasaghannan emes, kópti kórgennen súra» deydi. Onda qarttyq jaspen ólshenbeydi, kórgen-bilgen, týigenmen ólshenedi. Al Sizderding osy jastaghy kórgen-týigenderiniz talay jasqa jyldar boyy azyq bolary sózsiz.

Ardaqty Payghambarymyz Múhammed (Allanyng oghan salauaty men sәlemi bolsyn) bir hadiysinde: «Eng jaqsy adam – qoghamgha, elge paydasy tiygen adam», – degen bolatyn. Hәkim Abay da «Sen de bir kirpish dýniyege, ketigin tap ta, bar qalan» deydi. Sondyqtan әr azamat «Qazaqstan» atty alyp ghimaratqa bir kirpish bolyp qalanyp, sol orynda óz mindetin úqypty, múqiyat, tiyanaqty, adal atqaruy lәzim. Osy rette biz qazaq halqynda ejelden qalyptasqan Atalar institutyn qayta janghyrtuymyz qajet dep bilemin. Búl institut qazirgi qalyptasyp kele jatqan Jana Qazaqstandy kóteru túrghysynan paydaly bolady dep senemiz.

Ómir mektebining san týrli satysynan ótken, kópti kórgen, kórgenin kókeyge týigen aqsaqaldardyng kenesi auaday qajet.Sebebi biz bolmysymyzdan bir sózben erding qúnyn keshirgen, qay zamanda da jýieli sózge toqtaghan halyqpyz. Sol sebepti sizderdi el mýddesi ýshin birigip qyzmet etuge shaqyramyn.

Ózderiniz jaqsy bilesizder, memleketimiz damudyng jana kezenine qadam basty. El azamattarynyng basym kópshiligining qoldauymen Ata zanymyzgha ózgerister engizildi.Endi memlekettigimizding túghyrnamasy týbegeyli ózgermek.

Býgingi alqaly jiyn da elimizdi, eldigimizdi damytu jolynda serpin beredi dep bilemin. Árdayym birligimiz bekem bolyp, Jana Qazaqstandy birge órkendetudi Alla nәsip etsin» dedi Bas mýftiy.

Sonymen qatar forumda el aghalary Jabal Erghaliyev, Abdulla qajy Joldas, Manarbek Múhametjanov, Asan Omarov, Rashid Bektemirov, Zeynolla Toqaev syndy elge belgili aqsaqaldarymyz sóz sóilep, forumnyng mәnin asha týsti.

Jiyn sonynda qatysushylar bir auyzdan aqsaqaldar mektebin janghyrtugha kýsh salatynyn jetkizdi.

Abai.kz