Energetika ministri Bolat Aqsholaqov Qazaqstan Reseydi ainalyp ótetin Baku – Tbilisy – Jeyhan múnay qúbyry arqyly 1,5 mln tonna múnay eksporttaudy josparlap otyr degen aqparatty joqqa shyghardy. Ministr búl sózin 12 tamyzda keshke Atyraudaghy brifing kezinde aitty.

Júma kýni kýndiz Reuters agenttigi últtyq "QazMúnayGaz" kompaniyasy kýzden bastap Baku arqyly Jerorta tenizindegi Jeyhan portyna tәuligine 30 myng barreli múnay jiberip otyru ýshin Ázerbayjannyng memlekettik SOCAR kompaniyasymen kelissóz jýrgizip jatqanyn habarlaghan.

Agenttikting habarlauynsha, Qazaqstan 2023 jyly Ázerbayjannyng ózge qúbyry arqyly Gruziyanyng Qara tenizindegi Supsa portyna 3,5 mln tonna múnay eksporttaudy da josparlap otyr.

"Men de sol janalyqty oqydym. (Baku – Tbilisy – Jeyhan qúbyry arqyly) múnay tasymaldau jayly qanday da bir kelisimge qol qoyamyz dep oilamaymyn. Múnday mәseleler últtyq kompaniyalar dengeyinde qaralady, tehnikalyq jaghy talqylanady. Sebebi osynday mindet túr. Biraq aitylghanday kelisimge qol qoy, qyrkýiekten bastap múnay tieu jayly әngime bolyp otyrghan joq", - dedi Bolat Aqsholaqov.

Ol sonymen birge Reuters aitqan Ázerbayjan arqyly tasymaldanady dep aitylghan múnay kólemi aitarlyqtay kóp emes ekenin de jetkizdi.

"Búl bizding eksport baghyty mәselesin sheshuge kómektese alady dep sanaudyng ózi kýlkili. Birinshiden, ol bizdi qútqara almaydy, ómirimizdi jenildetpeydi, ekinshiden ministrlikte múnday kelisimge qol qoy jospar joq",- dedi ministr.

Júma kýni "Qazmúnaygazdyn" baspasóz qyzmeti Reuters aqparatyn rastaghan da joq, teristemegen de edi. SOCAR ministrlikke týsinikteme beruden bas tartqan.

Aqsholaqov júma kýni jurnalisterge bergen jauabynda "basty maqsat" – Kaspiy qúbyr jelisi konsorsiumynyng (KQK) ýzdiksiz júmys isteuine kýsh salu. Ol KQK-ny múnay tasymaldaytyn negizgi jәne óte tiyimdi baghyt dep ataghan. Qazaqstan múnayynyng 80 payyzyn tasymaldaytyn Kaspiy qúbyr jelisi konsorsiumy jyl basynan beri birneshe ret júmysyn toqtatqan.