Keshe «alash.online» saytyna Qazaqstannyng Qorghanys ministri Ruslan Jaqsylyqovty ornynan bosatudy talap etken petisiya jariyalandy.

«Qasym-Jomart Toqaev Qaskelenning tumasy Ruslan Jaqsylyqovty Qazaqstan Respublikasynyng Qorghanys ministri qyzmetine taghayyndau turaly Jarlyqqa 2022 jylghy 19 qantarda qol qoydy. 2022 jyly 6 mamyrda oghan «General-polkovniyk» ataghy berildi.

Sodan beri búqaralyq aqparat qúraldarynda jariyalanatyn jas sarbazdardyng ólimi turaly derekter tolastaghan emes. Qazaqstan әskerinde súmdyq tәrtipsizdik ornaghan. Ata-analar balalaryn әskerge jibergisi kelmeydi. Jastardy úrlap, olardy eriksiz әskerge jóneltken jaghdaylar da boldy. Biz, petisiyagha qol qoyghan azamattar, el Preziydentinen Qazaqstan Respublikasynyng Qorghanys ministri Ruslan Jaqsylyqovty otstavkagha jiberudi tabandy týrde talap etemiz», - delingen petisiyada.

Keyingi uaqytta әskerge ketken sarbazdar ólimining jiyilep ketkeni ras.

Birinshi nauryzda Jambyl oblysy «Andas batyr» әskery bólimining joghalyp ketken sarbazy Úlyqbek Berdeshevting óli denesi  Qyrghyzstannan tabyldy. 18 jastaghy jigitting әkesi «úlynyng songhy kezde jii habarlasyp, aqsha súraghanyn» aitqan.

22 sәuir kýni Manghystau oblysynyng tumasy qatardaghy jauynger Álibek Qalbay qaytys boldy. Onyng Jambyl oblysy Gvardeyskiy kentindegi әskery bólimge shaqyrylghanyna tórt kýn ghana bolghan edi. Marqúmnyng tuystary, Álibekting soqqygha jylghylghanyn, onyng denesining kógerip ketkenin aitqan.

Mausym aiynda Manghystau oblysynyn Beyneu shekara qyzmetinde merzimdi әskeri  qyzmet atqarghan 19 jastaghy Teshebaev Edil qaytys boldy. Onyng ólimi turaly әskery qyzmetkerler birese «ayaq kiyimining bauyna asylyp qaldy» dese, birese « belbeuine asylyp qaldy» degen. Onyng hat jazyp ketkeni turaly da әrtýrli aqparat bergen.

Shildede Núr-Súltan qalasy manyndaghy «Kishi Maylan» oqu-jattyghu alanynda әskery jattyghu kezinde sarbaz Darhan Mәlik kóz júmdy. Ol «Aybyn» preziydenttik polkynda әskery boryshyn atqarghan. Polk basshylyghy «Sarbazdar ózara әzildesip, oinap, Darhandy әriptesi qauipsizdikti saqtamay tapanshamen atyp jibergen», dep týsinik berdi. Marqúmnyng tuystary búghan senbeydi.

Tayauda últtyq úlannyng eki sarbazy ózin-ózi óltirdi. Stepnogorsk qalasyndaghy әskery bólimning qyzmetkeri Orazbay avtoparktegi qoymada asylyp túrghan kýiinde tabylghan. Ol 1995 jyly tughan, Jetisu oblysy Qorghanys isteri jónindegi Panfilov basqarmasynan 2021 jyldyng kýzinde shaqyrylghan eken. Al, Agha serjant Merghaliyev Abylay 30 shildede Aqtaudaghy ýiinde dәrethanada asylyp ólgen. Ol 1990 jyly tughan, últtyq úlanda 2015 jyldan bastap qyzmet etken.

Jurnalister Qorghanys ministrinen «әskerdegi sarbazdar ólimi nege jiiylep ketkenin súraghanda», ministr: «Birinshi kezekte jastar óz ómirin ne sebepti qiyp jatqanyn týsinu kerek. Búghan tek әsker ghana kinәli emes. Áskerge kelgen jigitting ómiri ýshin jauapkershilik komandirge jýkteledi. Degenmen olar әskerge azamattyq qoghamnan keledi jәne búl jastardyng ózderining problemalary da bolady. Áskerding maqsaty – bizge aqyl-oyy jetilip kelgen adamnyng problemalaryn sheshuge jәrdem jasau», - dep jauap bergen Jaqsylyqov әskerdegi zansyzdyqtyng naqty sebebin aitudan jaltardy.

Ruslan Jaqsylyqov Qantar qyrghynynan keyin Qorghanys ministri qyzmetine keldi. Ol 1966 jyly 4 nauryzda Almaty oblysynyng Qaskelen qalasynda qyzmetshiler otbasynda dýniyege kelgen. Últy – qazaq. Pedagogika ghylymdarynyng kandidaty, әskery sheni - general-leytenant, Reseyde bilim alghan.

Búghan deyin, 2007 jәne 2008 jyldar aralyghynda Qazaqstan Respublikasy IIM Ishki әskerleri Qolbasshysynyng birinshi orynbasary – Qazaqstan Respublikasy IIM Ishki әskerler Bas shtabynyng bastyghy,  2008 jylghy 4 qyrkýiekten bastap Qazaqstan Respublikasy IIM Ishki әskerlerining Qolbasshysy,  2013 jylghy 22 qantardan bastap Qazaqstan Respublikasy IIM Ishki әskerlerining Bas qolbasshysy, 2014 jylghy 24 sәuirinen bastap Qazaqstan Respublikasy Últtyq úlanynynyng Bas qolbasshysy, 2021 jylghy 29 qyrkýiekten bastap Qazaqstan Respublikasy Ishki ister Ministrining orynbasary – Últtyq úlanynyng Bas qolbasshysy bolyp joghary dәrejeli qyzmetter atqarghan.

Preziydent Qasym-Jomart Toqaev búrynghy Qorghanys ministri Múrat Bektanovty 2022 jyly 19 qantarda «qantar oqighalary kezinde komandirlik qabiletin kórsete almady» dep kinә taghyp, ornynan bosatqan bolatyn.  Al, 19 aqpanda bas prokuratura Múrat Bektanovtyng ýstinen qylmystyq is qozghap, eki aigha qamaugha aldy.

Abai.kz