16-nshy jeltoqsan - Tәuelsizdik kýni. Ras, Qazaqstannyng azattyghy da, egemendik alghany da, eshbir elge kiriptar emestigin tәuelsiz memleket bolghanyn jer jahangha jariya etkeni de - zor quanysh, aituly mereke. At shaptyryp, asta tók etip toylaugha túrarlyq mereke. Biraq...men toylamaymyn. Nege?

16-nshy jeltoqsan - Tәuelsizdik kýni. Ras, Qazaqstannyng azattyghy da, egemendik alghany da, eshbir elge kiriptar emestigin tәuelsiz memleket bolghanyn jer jahangha jariya etkeni de - zor quanysh, aituly mereke. At shaptyryp, asta tók etip toylaugha túrarlyq mereke. Biraq...men toylamaymyn. Nege?

Sebebi, býgin - 16-jeltoqsan. 86-nyng aq qar, kók múzynda jer qúshyp tәuelsizdik jolynda qúrban bolghan bauyrlarymyzdyng qany bar búl kýnde. Bauyrlarymyzdyng qany suday aqqan kýni biz nege toylauymyz kerek? Tәuelsizdikti úlyqtaugha jyl 12 ai, 365 kýnning basqa kýni jaramay qalyp pa? Álde biz osy kýni tәuelsizdigimizdi jariyaladyq dep baylanyp otyramyz ba? Toylaghannyng ornyna el bolyp, memleket bolyp nege qaraly kýn jariyalap, aza tútpaymyz? Qazaqta «óli razy bolmay, tiri bayymaydy» degen tanymy teren, ataly sóz bar. Memlekettik dәrejede tuymyzdy týsirip, qaraly kýn jariyalaytyn kýn 16-shy jeltoqsan. 86-nyng yzghary etinen ótip sýiegine tiygen tughanynan, dosynan, qúbysynan, bauyrynan airylyp, airylmasa da janyn qaritynday yzbarly  iz qaldyrghan  qaybir sanaly jan toylaydy deysiz. Onyng ýstine tәuelsizdik merekesi jana jyldyq merekening kólenkesinde qalyp qoyatyny taghy bar.  Memleket merekelik kýn dep jariyalap demalys bergesin demalghannyng artyghy joq degen niyette qabyldaydy. Siz kórdiniz be, dәl sol 16 -shy jeltoqsan kýni shyn niyetimen, shynayy merekelep jýrgen jandy?! Men kórmedim. Memleket bas bolyp 1 -shi jeltoqsanda jana jyldyq shyrshany úlyqtap jaryghyn jaghyp bergesin ne súraysyz. Memleket búl qylyghynyng ózi 16-jeltoqsan - tәuelsizdik kýnine kólenke týsirip otyrghany emes pe? Elding bar nazaryn jana jyldyq merekege audaryp, qala kósheleri, dýkender, jarnamalyq bilbordtar, ne kerek ainaladaghynyng bәri «úly» merekeni jarnamalap ketedi. Al búl adamnyng sanasyna әser etedi, adamnyng sanasy qoghamgha әser etedi.

Ekinshi sebep, byltyrghy 16 - jeltoqsandaghy Janaózen, Shetpe oqighasy. 16-jeltoqsan kýni bir emes, ekinshi ret qan tógildi. Dym bolmaghanday esh dýnie búzylmaghanday bәz-bayaghy qalyppen toylata beremiz be? Adamzattyq ar qayda, namys qayda, qúdayshylyq qayda?

Mening payymymsha, Tәuelsizdik merekesining kýnin auystyru kerek. Eki ret qan tógilgen kýndi qalaysha merekeleuge bolady?! 16 jeltoqsandy QARALY KÝN retinde belgileu kerek. Al tәuelsizdik kýnin jaz mezgiline auystyrsa bolady. Jeltoqsan aiynda - aq qar, kók múzda jalpy halyqtyq mereke bolyp toylanyp jatqany da shamaly. Mektep oqushylaryn, studentterdi, múghalimderdi, dәrgerlerdi, ne kerek, memlekettik budjetke kýni týsken bar mekemening adamdaryna tu berip, sary shúnaq ayazgha qaramay ortalyq alangha alyp shyqqannan basqa toy nyshanyn kórgemiz joq. Eldi jasandylyq jalyqtyrdy.

El merekeni aq niyet, shyn kónilmen toylauy kerek. Ásirese eng úlyq mereke - Tәuelsizdik merekesin. Qazaqstan Respublikasynda tariyhqa qatysty jaz mezgilinde toylanatyn memlekettik mereke joq.  Jaz mezgili adam kónilin marqaytyp әser etse6 merekeni de jazday jaydary kónilmen jyly qabyldaytyn edi.

Abai.kz