Qazaqstan ýkimetining viyse-premieri Eraly Toghjanov koronaviruspen auyrghandar kýrt kóbeyse, maska taghu tәrtibi qayta oraluy mýmkin ekenin aitty.

"Ázirge ushyghyp túrghan joq, biraq auyrghandar әri qaray da kóbeye berse, maska tәrtibi qayta qolgha alynuy mýmkin. Qazir tәuligine 100 adamgha deyin auyryp jatyr", — dedi Toghjanov.

Onyng sózinshe, karantin sharalaryn kýsheytu mәselesi koronaviruspen kýres jóninde vedomstvo aralyq komissiyasynyng otyrysynda qaralady, onda tek maska mәselesi emes, ózge de sharalar talqylanady.

Keyingi kýnderi Qazaqstanda koronavirus júqtyrghandar kóbeye bastaghan. 30 mausymnyng tanyndaghy resmy mәlimetke qaraghanda, bir tәulikte Qazaqstanda 137 adamgha júqqan. Onyng 77-si Almatyda, 26-sy Núr-Súltanda. Qazaqstannyng bas sanitar dәrigeri Ayjan Esmaghambetovanyng sózinshe, Núr-Súltan men Almaty koronavirus ekpini boyynsha "sary" aimaqqa jaqyndap keledi.

29 mausymda densaulyq saqtau ministrligi bir tәulik búryn (28 mausymda) Qazaqstanda 110 adamnan koronavirus shyqqanyn, múnyng 27 mausymdaghy kórsetkishten eki ese kóp ekenin aitqan. Biyl nauryzda songhy ret tәuligine 100-den astam adamgha koronavirus júqqan edi.

Býginge deyin Qazaqstanda barlyghy 1 306 608 adam koronaviruspen auyrghan. 30 mausymdaghy mәlimetke qaraghanda, Qazaqstanda koronaviruske qarsy vaksiyanynyng alghashqy komponentin 9 524 362 adam alghan, 9 307 360 adam ekinshi ret vaksinalanghan.

Abai.kz