Qantar qyrghynynda tútqyndalghandardyng biri – ÚQK búrynghy basshysy Kәrim Mәsimov. Oghan memlekettik tónkeris jasamaq boldy, biylikti kýshpen tartyp aludy josparlady degen aiyp taghyldy. Býginde onyng isi asa qúpiya sanatynda tergelude. 

Kәrim Mәsimovting isi boyynsha prokuratura birneshe mәrte mәlimdeme jasady. Onyng Qazaqstandaghy dýniye-mýlki tәrkilendi, al sheteldegi zansyz shygharylghan qarajatyn keri qaytaru júmystary jýrgizilude.

Kýni keshe ghana Kәrim Mәsimovke qatysty taghy bir aqparat shyqty. Onyng «densaulyghy syr berdi» degen aqparatty «karimmassimov.com» sayty jariyalady.

«Kәrim Mәsimov kóptegen sozylmaly aurularmen auyrady, onyng ishinde 2021 jyldyng kókteminde anyqtalghan auyr sozylmaly jýrekting iyshemiyalyq auruy bar. Onyng densaulyghyna baylanysty diagnoz gumanitarlyq negizde qamaudan dereu bosatudy talap etedi.

Kәrim Mәsimovting dәrigerleri Mәsimovti jýrekting auyr sozylmaly iyshemiyalyq auruyna, sonday-aq, ólimge qauip tóndiretin basqa da aurulargha baylanysty dereu bosatu qajettigin jazbasha rastady. Dәrigerler búl mәsele boyynsha tolyq aqparat beruge dayyn.

Barlyq qújattar tiyisti tәrtipte memlekettik organdargha tapsyryldy. Sonymen qatar, búl mәsele boyynsha halyqaralyq organdar men shetel ýkimetteri habardar etildi», - delingen aqparatta. Búl aqparat jayly resmy organdar әli mәlimdeme jasamady.

Mәsimovke birneshe aiyp taghylyp otyr. Tergeu-jedel toby qylmystyq isti kelesi baptar boyynsha tergep jatqanyn týsindirgen edi.

366-baptyng 4-bóligi – Para alu (12 jylgha deyin bas bostandyghynan aiyru jazasyn qarastyrady).

362-baptyng 4-bóligining 3-tarmaghy – Biylikti nemese qyzmettik ókilettikterdi asyra paydalanu (10 jylgha deyin bas bostandyghynan aiyrudy kózdeydi).

175-baptyng 1-bóligi – Memleketke opasyzdyq jasau (Qazaqstan Respublikasynyng azamattyghynan aiyru mýmkindigimen 15 jylgha deyin bas bostandyghynan aiyrudy kózdeydi).

179-baptyng 3-bóligi – Biylikti basyp alugha nemese ústap qalugha ne Qazaqstan Respublikasynyng konstitusiyalyq qúrylysyn kýshtep ózgertuge ýgit-nasihat jasau nemese jariya týrde shaqyru (Qazaqstan Respublikasy azamattyghynan aiyru mýmkindigimen 17 jylgha deyin bas bostandyghynan aiyrudy kózdeydi).

218-baptyng 3-bóligining 3-tarmaghy – Qylmystyq jolmen alynghan aqshany jәne ózge de mýlikti zandastyru (jeti jylgha deyin bas bostandyghynan aiyru jazasyn qarastyrady).

Abai.kz