Býgin әleumettik jelide Qazaqstannyng búrynghy Qorghanys ministri Múrat Bektanovtyng tútqyndalghany turaly aqparat tarady.

Belgili sayasatker Erbol Ediloevting Telegram-daghy paraqshasynda: «Keybir derekkózderding mәlimetinshe, Qazaqstannyng eks-Qorghanys ministri Múrat Bektanov tútqyndalyp, uaqytsha ústau izolyatoryna qamalghan. 19 aqpan kýni atalghan faktige qatysty, QR Qylmystyq Kodeksining 452 baby boyynsha QR Bas prokuraturasy sotqa deyingi tergeudi bastaghan», - dep jazylghan.

QR Qylmystyq Kodeksining 452 baby – «Biylikting әreketsizdigi» dep atalatyn bap. Onda:

«1. Biylikting әreketsizdigi, yaghny bastyqtyng nemese lauazymdy adamnyng ózi nemese basqa adamdar nemese úiymdar ýshin payda men artyqshylyqtar alu ne basqa adamdargha nemese úiymdargha ziyan keltiru maqsatynda ózining qyzmettik mindetterin oryndamauy, eger búl azamattardyng nemese úiymdardyng qúqyqtary men zandy mýddelerin ne qoghamnyng nemese memleketting zanmen qorghalatyn mýddelerin eleuli týrde búzugha әkep soqsa, – mýlki tәrkilenip, belgili bir lauazymdardy atqaru nemese belgili bir qyzmetpen ainalysu qúqyghynan ómir boyyna aiyra otyryp, ýsh myng ailyq eseptik kórsetkishke deyingi mólsherde aiyppúl salugha ne sol mólsherde týzeu júmystaryna ne ýsh jylgha deyingi merzimge bas bostandyghyn shekteuge ne sol merzimge bas bostandyghynan aiyrugha jazalanady.

2. Auyr zardaptargha әkep soqqan dәl sol is-әreket – mýlki tәrkilenip, belgili bir lauazymdardy atqaru nemese belgili bir qyzmetpen ainalysu qúqyghynan ómir boyyna aiyra otyryp, tórt jyldan segiz jylgha deyingi merzimge bas bostandyghynan aiyrugha jazalanady.

3. Osy baptyng birinshi nemese ekinshi bólikterinde kózdelgen, úrys jaghdayynda jasalghan is-әreketter – mýlki tәrkilenip, belgili bir lauazymdardy atqaru nemese belgili bir qyzmetpen ainalysu qúqyghynan ómir boyyna aiyra otyryp, bes jyldan on jylgha deyingi merzimge bas bostandyghynan aiyrugha jazalanady.

4. Osy baptyng birinshi nemese ekinshi bólikterinde kózdelgen, soghys uaqytynda jasalghan is-әreketter – mýlki tәrkilenip, belgili bir lauazymdardy atqaru nemese belgili bir qyzmetpen ainalysu qúqyghynan ómir boyyna aiyra otyryp, on jyldan jiyrma jylgha deyingi merzimge bas bostandyghynan aiyrugha jazalanady», - dep jazylghan.

Múrat Bektanov qazir 56 jasta. Soltýstik Qazaqstan oblysynyng tumasy. Áskery sheni – General-leytenant (2020 jyly alghan).

2021 jyly 31 tamyzda preziydent Toqaevtyng Jarlyghymen QR Qorghanys ministri lauazymyna taghayyndalghan. Keyin 2022 jyldyng 11 qantarynda preziydent Toqaev ministr Bektanovty óz qyzmetine qayta taghayyndau turaly búiryq shygharghan.

Al «qantar kóterilisinen» keyin, preziydent Toqaev ministr Bektanovtyng qyzmetin qatang synap, 19 qantar kýni qyzmetinen alghan. Sol kezde preziydent Toqaev eks-ministr Bektanov turaly:

«Armiya – bizding Tәuelsizdigimizding qorghany boluy jәne Memleketting mýddesi ýshin sapta túruy kerek. Qantar oqighasy kezinde Qaruly kýshter ózderine senimsiz hәm bastamashyl basshylyqtyng bolmauy sebepti ózderine artylghan mindetti atqara alghan joq. Ministr Bektanov komandirlik qasiyetterin kórsete almady. Qaramaghynda komandalyq-shtabtyq oqu-jattyghularda jaqsy nәtiyje kórsetip jýrgen armiya bola túra, biz onyng potensialyn dәl osynday kýrdeli kezende qoldana almay, syrttan kómek súraugha mәjbýr boldyq», - dep sóilegen edi.

Abai.kz