Särsenbi, 8 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Jañalıqtar 1596 0 pikir 21 Qırküyek, 2012 sağat 08:09

Erlan Qarin: «EURAZIYALIQ PARLAMENT BOLMAYDI, BOLUI MÜMKİN DE EMES»

Ötken aptada reseylik bwqaralıq aqparat qwraldarı Euraziyalıq odaqtıñ derbes parlamenti qwrılatını turalı habar tarattı. Körşi eldiñ baspasözin şulatqan bwl taqırıptı bizdiñ aqparat qwraldarı eleusiz qaldırdı. Reseylik äriptesterimizdiñ jazuına qarağanda, RF Memlekettik dumasınıñ spikeri Sergey Narışkin märtebesi wlttıq parlamentten joğarı Euraziyalıq odaqtıñ zañ şığaruşı organı qwrılatını şeşilip qoyğan mäsele ekenin aytqan. Resey, Qazaqstan jäne Belarus' parlamentariyleriniñ üşjaqtı kezdesuinde osı organnıñ twjırımdaması talqılanğan. Jiında söz alğan S.Narışkin, sonday-aq, juıq arada mwnday memleketaralıq parlamenttiñ saylanbalı bolatının nıq senimmen aytqan.

Integraciyanı belsene qoldap otırğan Qazaqstan jağı köbine-köp ekonomikalıq salağa köñil bölip otır. Al memleketaralıq qwrılımdar qwru, üş eldiñ ortaq valyutasın şığaru siyaqtı sayasi integraciya eldiñ qauipsizdigine qater töndirui mümkin öte kürdeli mäsele. Osı twrğıdan alğanda, Resey jağınıñ älgindey mälimdemeleri köñildi küpti etetini de zañdılıq. Biz kökeydi tesken köp swraqtıñ birazın sol kezdesuge qatısqan sayasattanuşı Erlan Qaringe qoyğan edik.

Ötken aptada reseylik bwqaralıq aqparat qwraldarı Euraziyalıq odaqtıñ derbes parlamenti qwrılatını turalı habar tarattı. Körşi eldiñ baspasözin şulatqan bwl taqırıptı bizdiñ aqparat qwraldarı eleusiz qaldırdı. Reseylik äriptesterimizdiñ jazuına qarağanda, RF Memlekettik dumasınıñ spikeri Sergey Narışkin märtebesi wlttıq parlamentten joğarı Euraziyalıq odaqtıñ zañ şığaruşı organı qwrılatını şeşilip qoyğan mäsele ekenin aytqan. Resey, Qazaqstan jäne Belarus' parlamentariyleriniñ üşjaqtı kezdesuinde osı organnıñ twjırımdaması talqılanğan. Jiında söz alğan S.Narışkin, sonday-aq, juıq arada mwnday memleketaralıq parlamenttiñ saylanbalı bolatının nıq senimmen aytqan.

Integraciyanı belsene qoldap otırğan Qazaqstan jağı köbine-köp ekonomikalıq salağa köñil bölip otır. Al memleketaralıq qwrılımdar qwru, üş eldiñ ortaq valyutasın şığaru siyaqtı sayasi integraciya eldiñ qauipsizdigine qater töndirui mümkin öte kürdeli mäsele. Osı twrğıdan alğanda, Resey jağınıñ älgindey mälimdemeleri köñildi küpti etetini de zañdılıq. Biz kökeydi tesken köp swraqtıñ birazın sol kezdesuge qatısqan sayasattanuşı Erlan Qaringe qoyğan edik.

-Erlan, ötken beysenbide bwqaralıq aqparat qwraldarı Mäskeude ötken üşjaqtı kezdesude memleketaralıq parlament qwru turalı mäsele talqılanğanı jöninde aqpar tarattı. Bwğan qosa, sol aqparat qwraldarında RF Memlekettik dumasınıñ spikeri Narışkin mırza Euraziyalıq odaq şeñberinde qwrılatın memleketaralıq parlamenttiñ twjırımdaması talqılanğanın aytqan. Üş eldiñ deputattarı bas qosqan jiında bwl taqırıptıñ talqığa tüsuin qalay tüsinuge boladı?

-Iä, rasında da, ötken beysenbide elimizdiñ parlament deputattarınan twratın delegaciya Qazaqstan, Resey jäne Belarus' parlamentariyleri bas qosqan kezdesuge qatıstı. Biraq, ol jerde negizinen qazirgi integraciyalıq qwrılımdar şeñberinde parlamentaralıq äriptestikti odan äri damıtu turalı äñgime boldı. Dälirek aytqanda, Euraziyalıq ekonomikalıq qauımdastıq şeñberindegi Parlamentaralıq assambleyanıñ mümkindikterin paydalanu joldarı talqılandı. Bwdan özge äñgime bolğan joq.

-Al Narışkin mırzanıñ mälimdemesi şe? Spiker Euraziyalıq parlamentti qwru mehanizmderin oylastıru qajettigin ayttı. Qwddı şeşilip qoyğan mäsele siyaqtı söyledi. Nelikten?

-Duma spikeri öziniñ kirispe sözinde taqırıptan auıtqıp, Euraziyalıq integraciyanıñ bolaşağı turalı öziniñ oyımen bölisken edi. Bwqaralıq aqparat qwraldarı taratqan äñgime de osı jöninde. Narışkin mırzağa sol jerde jauap berilgen. Qazaqstan jağınan qatısuşılar onıñ ideyasın tübirimen teristep, mwnday bastamanıñ talqılanuı tipti de mümkin emes ekenin aytqan.

-YAğni, äzirge Euraziyalıq parlamentti qwru tetikteri turalı äñgime joq. Eger tübinde osı mäsele köterile qalatın bolsa, Qazaqstan jağınıñ wstanımı qanday bolmaq?

-Euraziyalıq parlament qwru turalı äñgimege Reseydiñ qalauı dep qana qarağan jön. Oqtın-oqtın Euraziyalıq parlament qwru jönindegi kelisimder bolıptı-mıs degen twrğıda äñgime taratılıp jürgenimen, şın mäninde onday eşteñe de joq. Euraziyalıq parlament jäne özge de osı siyaqtı ideyalar integraciyalıq proceske qatısuşı basqa taraptardıñ strategiyalıq maqsattarında tübirimen joq. Sonıñ işinde, bizdiñ elimiz mwnday maqsattı közdemeydi.

-Sizdiñşe, Euraziyalıq parlamenttiñ jaqın bolaşaqta qwrıluı nelikten mümkin emes?

-Jaqın uaqıtta da, orta merzimdi perspektivada da, tipti bolaşaqta da onday parlament qwrılmaydı. Resey tarapınan memleketaralıq sayasi qwrılımdardı qwruğa degen talpınıs bayqalatını ras. Biraq, şın mäninde kün tärtibinde mwnday mäseleler joq jäne boluı mümkin de emes. Wlttıq organdardan märtebesi joğarı memleketaralıq sayasi qwrılımdardıñ qwrıluına biz tübegeyli qarsımız, öytkeni ol bizdiñ elimizdiñ egemendigine tikeley qatısı bar mäsele. Al egemendik principteri Konstituciyada egjey-tegjeyli körsetilgen, äri bizdiñ zañdarımızğa säykes, mwnday mäselelerdiñ jalpıhalıqtıñ referendumğa wsınıluına jol joq! Qazirgi kezde küşine ie parlamentaralıq äriptestik instituttarınıñ mümkindikterin paydalanu, ekijaqtı äriptestikti damıtu turalı ğana talqılauğa boladı, äri sol töñirektegi äñgimeni ğana talqılauımız kerek. Biz äli olardıñ mümkindigin tolıqqandı paydalanğan joqpız.

-Olay bolsa, Qazaqstan jağınıñ Euraziyalıq odaqqa qatıstı orta merzimji josparlarımen bölisseñiz...

-Birinşiden, integraciyalıq procesterge qatıstı bizdiñ negizgi wstanımdarımız ötken jılı üş eldiñ basşıları qol qoyğan Euraziyalıq ekonomikalıq integraciya turalı Deklaraciyada körinis tapqan. Asa mañızdı qwjattıñ atınan körinip twrğanday, äñgime tek qana ekonomikalıq integraciya töñireginde bolıp otır. Ekinşiden, bwl qwjatta qanday da bir memleketaralıq sayasi qwrılım qwru turalı äñgime tübirimen joq. Seriktesterimiz bwğan tüsinistikpen qaraytın şığar dep ümittenemin.

Zarina Ahmatova, Almatı

«Vremya» gazeti, 19.09.2012

Redakciyadan:

Bwl ileude bir kezdesetin jağday. KSRO qwlağannan beri qaray resmi Astana mäskeulik äriptesterine birinşi ret azuın körsetti. Reseylikterdiñ «aldıñğı arba» boluğa degen wmtılısı soñğı kezderi tım jii bayqalatın bolıp jür. Bwl «pisip-jetilu» Qazaqstannıñ wlttıq müddesin tabandap qorğaudıñ bastaması ğana bolar degen ümit bar. Strategiyalıq äriptesterimizge azuımızdı körsetken ekenbiz, endi onıñ sebebi men saldarın da däyekti türde tüsindiruge tura keler.

0 pikir