«Qasiretti qantar» oqighasyna tura bir ay toldy. Áleumettik jәne sayasy talaptarmen bastalyp, sony qantógispen ayaqtalyp, býginde azaptaumen jalghasyn tauyp jatqan oqighalar tizbegi 2 qantar kýni Janaózen qalasynda bastalghan edi.

Qantardyng basynda Janaózen halqy súiytylghan gazdyng baghasy birden eki ese qymbattaghanyna narazylyq bildirip, qalanyng ortalyq kóshelerin jauyp tastady. Olar gazdyng negizsiz kóteriluin týsindirudi talap etti jәne gaz baghasynyng 50 tenge boluy súrady.

Janaózen ýshin gaz baghasynyng tiyimdi boluy manyzdy. Sebebi atalmysh ónirdegi halyqtyng basym bóligi kólikterine gazdy qoldanady. Arzan әri qoljetimdi. Al gaz baghasynyng ósui qarapayym halyqtyng qaltasyna aitarlyqtay soqqy bolghan. Sarapshylar tapqan tabysynyng 20 payyzyn gazgha júmsaytyndar sany kóp deydi. Osylaysha gaz baghasynyng ósui Manghystau ónirining halqyn alangha shyghardy.

2-4 qantarda narazylyq aksiyalary Manghystau, Aqtau ónirlerinde beybit sipatta ótti. Memleket tarapy gaz baghasyn túraqtandyru ýshin arnayy komissiya qúryp, Manghystaugha attandyratynyn aitty. Viyse-premier komissya qúramyn basqaratyny belgili boldy. Komissiya qúramynda Memleket hatshysy Erlan Qarin de boldy.

4 qantar kýni Janaózen halqyn qoldaushy ónirler sany artty. Olar «Janaózendi qoldaymyz, qymbatshylyq toqtatylsyn» degen úranmen qala ortalyqtaryna jinalyp, úrandady. «Gaz 50» úrany әleumettik jelide basty talapqa ainaldy jәne mitingterding qozghaushy úrany boldy.

4 qantar kýni Almaty qalasyndaghy «Alatau» teatrynyng janyna keshke halyq jinala bastady. Bastapqyda birneshe jýz adam bolghan edi, artynsha olardyng sany artyp, birneshe mynnan asty. Jinalghan halyq Tóle by kóshesimen kóterilip, ortalyq alangha attandy. Polisiya qyzmetkerleri olardy toqtatu jәne taratu maqsatynda kózden jas aghyzar gaz qoldandy. 5 qantargha qaraghan týni polisiya men alangha shyqqandar arasynda alghashqy qaqtyghystar bolyp, polisiya kólikteri órtendi.

5 qantar kýni preziydent Toqaev eldegi jaghdaydy alandatarlyq dep atap, Manghystau oblysy men Almatyda tótenshe jaghdaylar engizdi. 5 qantar kýni Qazaqstan Ýkimeti otstavkagha ketti. Dәl sol kýni «Altyn Orda» bazarynyng manyna myndaghan adam toptasa bastady, polisiya olardy kózden jas aghyzar gaz qoldanyp, taratugha tyrysty. Al týsten keyin Almaty qalasynyng biyligi qalany baqylaudan shygharyp aldy. Narazy top qala әkimdigin basyp alyp, órtep jiberdi. Ózge de memlekettik ghimarattar otqa orandy. Qala ishinde atys bastaldy. Internet baylanysy ýzildi, alayda týrli aqparat kózderi arnayy proksiyler arqyly janalyq taratugha tyrysty. Qala ortalyghyndaghy qaqtyghysta qaza tapqandar jayly aqparattar saghat sanap arta týsti.

5 qantarda preziydent memleket boyynsha tótenshe jaghday jariyalady. Búl el biyligi el boyynsha baqylaudy qoldan shyghara bastaghanynyng aiqyn dәleli bolatyn. Mysaly Taldyqorghan qalasynda narazy top ókilderi Núrsúltan Nazarbaevtyng eskertkishin qúlatty. Qyzylorda, Shymkent, Taraz qalalarynda qaqtyghystan qaza tapqandardyng bar ekeni aityldy.

Toqaev 5 qantar kýni el astanasynda qalatynyn mәlimdep, Qauipsizdik Kenesin óz qolyna alghanyn jariyalady. Artynsha preziydent eldegi jaghdaydy túraqtandyru maqsatynda ÚQShÚ elderine ótinish aityp, әsker kirgizudi súrady. 5-nen 6-na qaraghan týni Almaty qalasynda jappay tonau boldy. Qaraqshylar qala kóshelerimen jýrip, bankter men dýkenderdi, sauda oryndaryn qiratty.

6 qantarda Almaty qalasy men ózge de aimaqtarda antiyterror operasiyasy bastaldy. Toqaev elge «20 myng lankes shabuyl jasady» dep mәlimdeme jasady. Alayda halyqaralyq qauymdastyq búl mәlimdemege ýlken kýmәnmen qarauda. Europa elderi «Qasiretti qantar» oqighasynda jәne oqighany tergeu barysynda adam qúqyghy óreskel búzyluda dep sanaydy.

Preziydent 10 qantardy «Aza tútu kýni» dep jariyalady. Jalpy qaqtyghys saldarynan resmy 227 adam qaza tapqan, al tәuelsiz sarapshylar olardyng sany әldeqayda kóp deydi.

11 qantarda preziydent el ýkimetin basqarugha qabiletti dep Álihan Smailovty premierlikke úsyndy. Artynsha Smailov jana ýkimet qúramyn jasaqtady.

13 qantar kýni preziydent ÚQShÚ әskeri óz mindetin sәtti oryndaghanyn aityp, elden shygharylatynyn mәlimdedi. Eng songhy bolyp Resey әskeri 19 qantarda elden ketti. Jalpy jiyntyghy ÚQShÚ tarapynan 2600 sarbaz kelgen bolatyn.

«Qasiretti qantar» oqighasynan keyin elding sayasy jýiesinde birshama ózgerister oryn aldy. ÚQK basshysy Kәrim Mәsimov pen onyng jaqtastary tútqyndaldy. Olargha «el biyligin basyp almaq boldy» degen aiyp taghyluda. Eldegi býlikti úiymdastyrdy degen jeleumen «Yakyn Inkar» radikaldyq tobynyng mýsheleri ústaluda.

Qazirgu uaqytta elde ýlken ekonomikalyq reformalar jasalatyny aityluda. Alayda «Qasiretti qantar» oqighasyna qatysy bar degen jandardyng tergeude azap shegip, soqqygha jyghylyp jatqany da belgili boldy.

Abai.kz