Aqyn, qogham qayratkeri Oljas Sýleymenov Almaty atauyn «Alma-Ata» dep ózgertu qajet degen ústanymda. Ol 1992 jyldan bastap elimizde ýzdiksiz eldimeken, kóshe, qala ataulary ózgertilip jatqanyn aitady.

«Jana ataulardy qúrastyrghandar ghalymdar emes, uaqyt qysyp bara jatqan әkimdik qyzmetkerleri edi. Kommunistik partiya qayratkerleri men kenestik kezenning terminderinen qútylu kerek boldy. Olardyng ataularyn etnikalyq tarihpen auystyrdy, al ataudy qarastyru sәtinde jonghar shapqynshylyghy bolghan XVIII ghasyrdan ary barmady. Búl payym bizding qala ataularynda da kórinis tapty.

Aldymen danghyldar men kósheler әigili batyrlardyng atymen ataldy. Al esimder tausylghan sәtte XIX-XX ghasyrdaghy aqyn, jazushy, qogham qayratkerlerining esimderi qoyyla bastady. Bizding zamandastarymyzdyng da esimderi kóshelerge berilip jatty. Mening oiymsha Luy Paster kóshesin auystyrudyng qajeti joq edi, ol milliardtaghan adamdy qútqaryp qalghan jan ghoy. Kosmonavty kóshesinen de bas tartpau qajet edi. Búny bekitken әkim alghashqy adam gharyshqa qazaq jerinen, Bayqonyrdan úshqany, búl bolashaq gharyshkerlerge ýlgi ekeni esine týspegen synayly. Al Internasional kóshesin nege auystyrdyq, biz ol terminnen de, týsinikten de bas tartpaymyz ghoy. Biz TMD aumaghyndaghy eng internasionali elmiz, sóz boyynsha da, is boyynsha da»,  - deydi Oljas Sýleymenov.

Aqyn búrynghy ataulardyng birazyn qaytaru kerektigin algha tartyp otyr. Ol tek qana kóshe attaryn emes, sonymen qatar Almaty qalasynyng atauyn da ózgertudi úsynuda.

«Ortalyq Aziyada HH ghasyrda ýsh qana qalanyng atauyn aitu oghay, әdemi әri yrghaqty edi, olar Samarqand, Ashhabad jәne Alma-Ata. Qonaqjaylylyq pen turizmnyng nyshany osylar bolatyn. Al endi solardyng ishindegi eng әdemisi ashyq eki dauysty dybystan aiyrylyp, әlemning kóptegen tilderinde aitugha qiyn renkke endi. Búdan tek qana biz emes, aimaq tútas iygilikterdi joghaltty. Men múny alma-atalyq retinde aityp otyrmyn, almatylyq retinde emes. Ózimizding naghyz atauymyzdy qaytarayyq!» - deydi ol.

Búl Oljas Sýleymenovtyng alghashqy mәlimdemesi emes. Búghan deyin tanymal aqyn «tolyq tәuelsizdik qauipti», dep mәlimdep, basy daugha qalghan edi.

Abai.kz