26 qyrkýiek Jambyl oblysynyng Bayzaq audanynda әskery bólimshening qoymasy jarylyp, el esengirep qaldy. Jarylystyng quatty bolghany sonshalyq, 14 adam qaza tauyp, 90-nan astam adam jaraqat aldy. Preziydent qayghyly oqighagha baylanysty 29 tamyzdy Jalpyúlttyq Aza tútu kýni dep jariyalady.

Búl Qazaqstanda bolyp túrghan alghashqy әskery qoymanyng jarylysy emes. Eki jyl búryn Arys qalasynyng manyndaghy әskery qoyma otqa oranyp, alapat jarylys bolghan edi. Jarylystyng naqty sebebi aitylghan joq. Tergeu-tekseru júmystary jýrip jatyr. Núsqalardyng ishinde tehnika qauipsizdigin saqtamau, ózdiginen tútanu, tipti diyversiya núsqasy da bar. Diyversiya dese qazirgi uaqytta әlem elderi Reseydi birden eske alady. Onyng sebebi de joq emes. Sonymen, songhy jyldary Resey әlem elderinde qanday diyversiyalar jasaghan?

2014 jyly Chehiyanyng Vrbetiyse qalasynda eki әri әskery qoyma aragha 1 ay salyp jarylyp ketti. Onda zymyrandar men týrli atys qarulary bolghan. Chehiya biyligi búl oqighany jeti jyl boyy zerttep, isti mayshammen qarady. Sóitse jarylys ózdiginen tútanu әserinen emes, diyversiyadan bolghan eken. Jarylysty jasaghan Mәskeu bolyp shyqty. Áskery qoymady Bolgariyagha arnalghan qarular saqtalghan, al keybir qaru týri Ukrainagha arnalghan. Resey biyligi Kiyev qarudy iyemdenbeui ýshin, qasaqana jarghan degen aqaparat bar. Cheh arnayy bólimsheleri 2021 jyldyng kókteminde jarylysqa Reseyding arnayy agentteri Aleksandr Mishkin men Anatoliy Chepiganyng qatysy baryn anyqtady. Olar elge Aleksandr Petrov pen Ruslan Boshirov atty pasportpen kirgen. Artynsha 2014 jyldyng 11-16 qazanynda Chehiyada bolyp, әskery qoyma manynda jýrgen suretteri de tabylghan.Búl eki agentting keyinnen Úlybritaniyada ulau operasiyalaryna qatysy bary da anyqtalghan.

Chehiya biyligi Reseyding kinәsin tolyq dәleldegendikten, Mәskeu 47 mln dollar ótemaqy tóleui tiyis dep otyr. Chehiyanyng qarjy ministri Alena Shillerova ótemaqy tóleu dúrys jol deydi.

«Eng dúrys jol ol halyqaralyq qújattar men zannamalargha sәikes ótemaqy tóleu joly», - dedi ol. Áriyne, kinәsin moyyndamaytyn, bireuding jerin tartyp alyp, olar óz erkimen qosyldy dep sayraytyn Kremli búl joly da ótemaqy tóleuden bas tartyp, Praganyng ózin kinәlap shygha keldi.

Chehiya jarylghan qoymagha baylanysty Mәskeumen diplomatiyalyq qaqtyghysqa týsip, elden 18 Resey diplomatyn shyghardy. Resey de qarymtasyn qaytaryp, 20 cheh diplomatyn Reseyden ketirdi. Chehiyany qoldap, Slovakiya, Estoniya, Litva, Latviya elderi de reseylik birneshe diplomattardy óz elderinen shyghardy. Praga Reseyding atom salasyndaghy qatysuyn toqtatyp, birneshe ekonomikalyq jobadan shettetti. Búl da diyversiya ýshin qarymta jauap bolatyn.

Reseyding qoymalardy jaruyna qatysty aiyptaulardy Ukraina biyligi de taghyp otyr. Osy uaqytqa deyin Ukrainada asa iri 4 әskery qoyma jarylghan. 2014 jyldan bastap Reseymen soghys jaghdayyndaghy Ukraina ýshin diyversiya qaupining orasan ekenin de esten shygharmaghan jón. Oghan Mәskeuding tikeley qatysy baryna Kiyevting esh kýmәni joq.

Resey biyligi tek qana qoymalardy jarmay, sonymen qatar halyqaralyq qauymdastyq dengeyinde tyiym salynghan qaru týrlerin ózge aimaqta diyversiyalyq maqsatta qoldanudan da bas tartpaydy. 2018 jyldyng 4 nauryzynda Úlybritaniyanyng Solsbery qalasynda GRU-dyng búrynghy ofiyseri Sergey Skripali men onyng qyzy Mәskeuden әkesine qonaqqa kelgen Yuliya es-týssiz jatqan jerinen tabyldy. Olardyng belgisiz umen ulanghany anyqtaldy. Dereu arada auruhanagha jetkizilip, em kórsetu sharalary bastalady. Skripalidyng ýiin birinshi bolyp teksergen kriminaldyq polisiya serjanty Nik Beyly de ulanugha baylanysty auruhanagha jatqyzylady. 18 mamyrda Sergey Skripali auruhanadan shygharylady. 2018 jyldyng 4 shildesinde «Novichok» klasyndaghy zatpen ulanudyng taghy bir jaghdayy belgili boldy. Búl joly Solsberiyden 11 shaqyrym jerdegi Amesbery qalasynyng túrghyndary ulanghan edi. Búl ulanudyng artynda Reseyding arnayy kýshteri túrghany belgili boldy. Olar Úlybritaniya qyzmetine júmys isteydi degen kýdikpen Skripalidy ulaghan bolyp shyqty. Áriyne, halyqaralyq konvensiyagha say tyiym salynghan himiyalyq qaru týrin qoldanghan Reseyge sanksiyalar salu jaghy órkeniyetti elderde kóterile bastady. 2018 jyldyng 22 tamyzynda AQSh Reseyge atalmysh әreketi ýshin sanksiya saldy. 2019 jyldyng 2 tamyzynda «Skripali isi» ýshin salynghan sanksiyalar kýsheytildi. Úlybritaniya, Germaniya, Fransiya elderi de sanksiyalar paketin engizdi.

Reseyding diyversiyalyq әreketi talay elde oryn alyp, aragha uaqyt salyp, anyqtalyp jatyr.

Ka Myrza

Abai.kz