Qazaqstanda qos biylik bar degen pikir kýsheygen tústa elding Konstitusiyalyq kenesining tóraghasy Qayrat Mәmy joldau jasap, “Elbasy men preziydent institutynyng birigip әreket etui tiyimdiligin kórsetti, búl әsirese koronavirus indeti kezinde qatty bayqaldy” dedi, - dep jazady centralasian.org.

"2019 jyly preziydenttik ókilettikterding kóshuinen keyingi kezeng Qazaqstan ýshin Elbasy men el preziydenti instituttarynyng birge әreket etui preziydenttik basqaru nysanynyng tiyimdiligin, oryndylyghyn jәne ornyqtylyghyn kórsetip otyr. Osy yntymaqtastyq COVID-19 pandemiyasynyng qiyn kezeninde jәne onyng saldarynan ekonomikalyq jýiening barlyq sektorynda jәne azamattyq qoghamnyng әleumettik blogynda tuyndaghan qiyndyqtar, halyqaralyq kýn tәrtibi kólemining artuy jaghdayynda erekshe ózekti boldy", - dedi Mәmy 21 mausymda parlament palatalarynyng birlesken otyrysynda.

Qazaqstannyng eks-preziydenti Núrsúltan Nazarbaevtyng "Elbasy" statusy bar. Búl statustyng arqasynda onyng ózine jәne otbasyna qylmystyq is qozghalmaydy.

Mәmy preziydent Toqaev "Elbasy" Nazarbaev aiqyndap bergen baghytyn oidaghyday jalghastyryp jatyr degendi menzedi.

"Memleket basshysynyng is-qimyldarymen Elbasynyng memlekettilikti odan әri ýdemeli damytu jónindegi strategiyalary men dәstýrleri jalghasyp jatqany aqiqat. Olar strategiyalyq josparlaudyng negizgi qújattarynda qamtylghan", - dedi ol.

Mәmy joldauda biyl qantarda epiydemiologiyalyq jaghdaydyng kýrdeli ekenine qaramastan mәjilis jәne mәslihat deputattarynyng saylauy "qoldanystaghy janartylghan zannamagha sәikes ótkenin" atap ótti. (Halyqaralyq baqylaushylar saylauda zansyzdyqtar kóp boldy dep baghalaghan - red.).

Auyl sharuashylyghy jerlerin jeke menshikke beruge jәne sheteldikterge beruge tyiym salatyn zan, "Advokat qyzmeti" turaly zandardyng qabyldanghanyn aitty.

Qúramynda jeti mýshesi bar Konstitusiyalyq kenes elde preziydent, parlament saylauy, referendumnyng zandy ótuin qadaghalaydy. Qabyldanghan zandardyn, ratifikasiyalanghan halyqaralyq kelisimderding Konstitusiyagha sәikestigin tekseredi. Zandargha týsinikteme beredi. Kenesting ózge de mindetteri bar.

2019 jyly eldi otyz jylgha juyq basqarghan Núrsúltan Nazarbaevtyng otstavkagha ketkennen keyin de sayasy kenistikte yqpalyn saqtap qaluy elde "qos biylik ornady" degen tújyrymnyng tarauyna týrtki bolghan. Degenmen key sarapshylar "qos biylik ornady degennen góri biylik Nazarbaevtyng qolynda qaldy" degen tújyrym shyndyqqa kóbirek sәikes keledi dep sanaydy.

Abai.kz