QR Aqparat jәne qoghamdyq damu ministri Aida Balaeva jastar arasyndaghy ózekti 3 mәseleni atady, dep habarlaydy QazAqparatqa silteme jasap Abai.kz cayty.

«Kelesi auqymdy baghyty – jastar jәne otbasy sayasaty. Resmy statistika boyynsha qazir elimizde 3 million 765 myng jastar ókili bar. Búl halyqtyng 20,4 payyzy. 500-den astam jastar úiymy qyzmet etedi. Ókinishke oray, byltyrghy pandemiya shekteulerine baylanysty birqatar joba toqtatylghan bolatyn. Birazy onlayn formatqa auystyryldy. Dese de, negizgi josparly júmys saqtalyp 22 әleumettik joba iske asty. Onyng ayasynda 300 mynnan astam adamdy qamtyghan, 200-den astam is-shara úiymdastyryldy», - dedi ol halyqqa esep beru kezdesuinde.

Ministrding atap ótuinshe, búl kezendegi júmysta negizinen aqparattyq-kenes beruge basymdyq berildi. Jastardy qoldaugha arnalghan týrli memlekettik baghdarlamalar, jobalar men bastamalar boyynsha 11 million adamgha keshendi aqparattyq-týsindiru júmystary jýrgizildi. Qazirgi tanda jastar jәne otbasy sayasaty baghytynda 12 grant jobasy oryndaluda. Jyl ayaghyna deyin taghy 12 joba iske qosylady. Sonymen qatar, biyl «Tәuelsizdik úrpaqtary» týrli saladaghy talantty jastardy qoldaugha arnalghan 30 grant jobasyn úsynu josparlanyp otyr.

«2020 jyly Jastar jylynyng jol kartasy ayasynda Núr-Súltan, Almaty, Shymkent qalalaryndaghy júmysshy jastar 1 mynnan jaldamaly pәterge qol jetkizdi. 2021 jyly taghy 3 myng pәter beriledi. Byltyrghy eseptik kezdesude «Jastardy qoldaudyng 2025 jylgha deyingi keshendi jospary» әzirlenip jatqany aitylghan bolatyn. Sapaly bilim, túrghyn ýi, júmyspen qamtu, mәdeniy-ruhany qoldau syndy 10 negizgi baghyttan túratyn jospar býginde tolyq qabyldanyp, naqty iske asyp jatyr», - dedi Aida Balaeva.

Sonymen qatar ol jastar sayasaty saladaghy mәselelerge de toqtaldy.

«Songhy zertteuler nәtiyjesi – jastar arasynda ýsh negizgi mәselening ózektiligin anyqtady. Atap aitqanda: sapaly bilim, júmyspen qamtu jәne túrghyn ýi. Yaghni, jýieli týrde sheshudi talap etetin súraqtar. Al búl óz kezeginde strategiyalyq qújattar keshenin qabyldaudy kózdeydi. Birinshi - «Memlekettik jastar sayasaty mәseleleri boyynsha keybir zannamalyq aktilerge ózgerister engizu turaly» zang jobasy. Onyng ayasynda «Jastar damuynyng indeksi», «NEET» jastar kategoriyasy» siyaqty jana úghymdar zanmen bekitiletin bolady. Ekinshi - «Tәuelsizdik úrpaqtary» últtyq jobasy. El tәuelsizdigining 30 jyldyghy ayasynda Memleket Basshysy jastar sayasaty salasyndaghy barlyq baghdarlamany tútas bir últtyq jobagha biriktirudi tapsyrghan bolatyn. Býginge deyin barlyq ónirde qoghamdyq tyndaular ótip, 100 den astam úsynys jobagha engizildi», - dedi ministr.

Aida Balaeva atalghan qújat jastar sayasaty salasynda barlyq memlekettik organdardyng júmysyn bir jýiege keltirip, iydeologiyalyq baghyttan – bazalyq qajettilikke deyingi mәselelerdi qamtitynyn basa aitty.

«Sonday-aq, «NEET» jastar kategoriyasymen júmys jóninde Respublikalyq jobalyq kense júmysyn bastady. Onyng ayasynda, osy kategoriyadaghy jastardyng birynghay mәlimet bazasyn qúru, aqparattyq-týsindiru júmystaryn kýsheytu, naqty úsynystar әzirleu jәne adrestik júmys bólimderin ashu kózdelip otyr», - dedi ol.

Abai.kz