Almatyda Qytaydyng Shynjandaghy sayasatyn synap, tuystaryna bostandyq súraghan narazylyq aksiyasy 50-kýni de jalghasty,- dep habarlaydy Centralasian.

Qar aralas jauyn jauyp túrghan aua-rayynda Baytasov kóshesinde ornalasqan diplomatiyalyq ókildik manyna 10 shaqty әiel jinaldy. Taghy eki adam olardy qoldaugha keldi.

Qarsylyq aksiyasyna ýzdiksiz shyghyp kele jatqan Farida Qabylbek «kónil-kýiimiz týsinki, biraq betimizden qaytpaymyz» deydi. Onyng sózinshe, Qytayda qamalghan kýieui Rahyjan Zeynollany Ýrimji qalasyna әkelgen.

- 50 kýndik júmystan biraz nәtiyje shyqty dep oilaymyn. Óitkeni joldasym kelesi júmada qolyna pasportyn alady deydi. Viza alugha ótinish berdi. Ary qaray úshaqqa mingize me, shekaradan ótkize me, joq pa, endigi mәsele – sol, - deydi ol.

Biraq aksiyagha qatysushy ózge әielder әzirge Qytaydaghy tuystarymyzdan habar joq deydi. 70 jastaghy anasyna súrau salghan Gýlpiya Qazybek «konsuldyq aldyna piyketke shyqqanym ýshin Qytaydaghy inime eskertu jasalypty» deydi. Ol múny Wechat әleumettik jelisi arqyly bilgenin aitady.

Qar men jauyngha qaramay aksiyagha kelgender Qytay konsuldyghyna 50-60 metr jerde túryp, «Bostandyq», «Qytay tuystarymyzdy jibersin» dep aiqaylady.

Toqtausyz narazylyqqa shyghyp jýrgenderdi qoldap taghy eki adam keldi. Olar «Qytay genosiydi toqtasyn» degen plakat ústap túrdy. Olardyng biri Mayra Moldabekova Qazaqstanda Qytaydyng 56 zauyty salynbasyn degendi aitty. Ekinshisi Nazira Músaeva Taraz qalasynan arnayy kelgen.

- Osy adamdardy qoldap kelip túrmyn. Qytayda ne bolyp jatqanyn, qandastarymyzgha ne jasalyp jatqanyn bәri jaqsy biledi ghoy. Genosid jasap jatyr. Qazaqtardy jibersin. Olardy ústaugha qúqyghy joq, - deydi Músaeva.

Narazylardy polisiya konsuldyq aldyna ótkizbeydi. Syrttan baqylap, konsuldyqqa bettegenderding jolyn jabady.

- Barlyq súraqqa baspasóz qyzmeti jauap beredi. Ol kisiler joldy jauyp tastamas ýshin, tәrtipti baqylap túrmyz, - dedi poliyseyding biri.

Narazylyq bastalghan 8 aqpannan beri joldy jabu faktisi tirkelmegen. Aksiya jol shetinde, konsuldyq esigining aldynda ótken.

Qytayda týrki tildes músylman últtardy qughyndau bastalghany 2017 jyly habarlanghan. Sodan beri tuysyn izdegender, keyin Shynjanda sayasy lagerige qamaldym degender kóbeydi. Batys elderi men adam qúqyghyn qorghaytyn úiymdar qughyn-sýrgindi aiyptaydy. Pekin sayasy lageridi oqu ortalyghy dep ataydy, aiyptaulardy joqqa shygharady.

Abai.kz