Jurnalist Erbol Mәndibek Facebook paraqshasynda Ýkimet mýsheleri budjetting qyruar qarjysyna úshaq jaldaytyny jayly jazghan bolatyn. Onyng jazghanyn resmy biylik joqqa shyghardy. 

«Premier-ministr Asqar Maminning úshaghyna artyq adam otyrmaydy. Mәselen, ónirlerge júmys sapary kezinde viyse-premierlerge bólek biznes-úshaq qarastyrylghan. Oghan ministrlerding mingesuine rúqsat. Biznes sanattaghy úshaqtyng 1 saghaty kemi 5000 evrodan bastalady. 10 saghat jaldasanyz 50 000 evro. Últtyq valutamen esepteseniz shamamen 25 million tenge. Búl-bir baghyttyng ghana shyghyny. Al, halyqaralyq úshular qúny 40 000 evrodan bastalady. Jylyna keminde ishki jәne syrtqy 30-40 júmys sapary josparlanady. Onyng shyghynyn esepshotqa sogha beriniz. Somasy milliardtardy qúraydy.

Premier-ministrdi, 4 viyse-premierdi jәne ministrlerdi, Senat pen Mәjilis tóraghalaryn «tuda-suda» tasymaldaugha jyl sayyn Respublikalyq budjetten 15 000 000 000-20 000 000 000 (on bes-jiyrma milliard tenge) qarastyrylady»,- degen edi jurnalist Mәndibek.

Alayda Mәminning baspasóz qyzmeti búl aqparattardy tolyqtay joqqa shyghardy. Baspasóz qyzmeti:

«2021 jylgha QR Premier-Ministri men Premier-Ministrding orynbasarlary bastaghan qazaqstandyq delegasiyalardyng asa manyzdy úshu saparlaryn (liyterlik reysterdi) jýzege asyrugha 578 mln tenge mólsherinde shyghys qarajaty qarastyrylghan.

Kórsetilgen soma 2021 jyly kólik qyzmetterin qamtamasyz etuge eseptelgen. Búl rette tólem qazaqstandyq delegasiyalardyng oryndalghan naqty ónirlik jәne halyqaralyq úshu jaghdaylary boyynsha tólenedi. Mysaly, 2020 jyly osy maqsatqa 578 mln tenge qarastyrylsa, is jýzinde 275,6 mln tengege júmsaldy.

Premier-Ministr men Premier-Ministrding orynbasarlarynda tek olargha bekitilgen jeke úshaqtar joq.

Úshaq arqyly jýzege asyrylatyn saparlar elimizding әleumettik-ekonomikalyq damu mәselelerin sheshu ýshin QR ónirleri ishinde, sonday-aq Memleket basshysynyng shet eldermen, onyng ishinde Euraziyalyq ekonomikalyq odaq jәne basqa da birlestikter ayasynda ekonomikalyq yntymaqtastyqty damytu jónindegi tapsyrmalaryn oryndau maqsatynda tayau jәne alys shetel memleketterine tek qyzmettik maqsattarda oryndalady.

«Kestesiz jolaushylardy tasymaldau boyynsha әue kóligi qyzmetterin (ishki jәne halyqaralyq)» QR PIB «Býrkit» memlekettik әue kompaniyasy» ShJQ RMK kórsetedi. Ministrler bastaghan qazaqstandyq delegasiyalardyng úshu saparlaryn kommersiyalyq әue kompaniyalarynyng reystik jolaushylar úshaqtary jýzege asyrady.

Qazaqstandyq memlekettik BAQ-tyng búrynghy jurnalisti úshaqta qyzmet kórsetuge qyzyl jәne qara uyldyryq, araq pen viski, ekzotikalyq jemister kiretinin jazdy, búl da shyndyqqa janaspaydy.

Úshu úzaqtyghy 1 saghatqa deyin bolghan jaghdayda jolaushylargha alkogolisiz salqyn susyndar men snekter, úzaqtyghy 1-3 saghat bolghan kezde ystyq tamaq pen ystyq susyndar (shay, kofe) beriledi. Bortta tamaqtandyru әreket etip túrghan zannamagha – «Qazaqstan Respublikasynyng әue kenistigin paydalanu jәne aviasiya qyzmeti turaly» QR Zanyna, jolaushylardy, bagajdy jәne jýkterdi әue kóligimen tasymaldau qaghidalaryna jәne basqa da normativtik qúqyqtyq aktilerge sәikes úsynylady»,- dedi.

Jurnalist Mәndibekting aitqany men Mәmin baspasózining maghlúmaty bir-birine kereghar bolyp túr. Qaysysy ótirik, qaysysy shyn? Ony patsha kónilinizding tarazysyna salynyz.

Abai.kz