Tәuelsizdik kýni merekesi qarsanynda Qazaqstan Respublikasy Preziydentining Jarlyghymen belgili ghalymdar, mәdeniyet jәne әdebiyet qayratkerleri, óndiristik sala ókilderining enbekteri «Qúrmet» ordenimen baghalandy.

Olardyng qatarynda jazushy, Mahmúd Qashqary atyndaghy syilyqtyng iyegeri, Abai.kz aqparattyq portalynyng qúrushysy, «Abay-aqparat» qazaq internet kenistigin damytu qory» QQ Preziydenti, «Qazaq әdebiyeti» gazetining bas redaktory Dәuren Quat ta bar. 

Dәuren Qasenúlyn «Qúrmet» ordenin aluymen qúttyqtay otyryp, jazushy, jurnalist Sәken Sybanbaydyng myna bir jazbasyn oqyrman nazaryna úsynamyz. 

Bizding «Qúrmet»-ti dәuren

«Qazaq әdebiyeti» gazetining bas redaktory, jazushy, jurnalist Dәuren Quat «Qúrmet» ordenimen marapattaldy!

Dәurenning qanday qúrmetke de layyq beynetqor, isker, alghyr azamat ekenin, óz isining kәsiby sheberi, naghyz maytalmany ekenin el jaqsy biledi. Jurnalistikagha ózindik bólek qoltanbasymen, dara ýnimen kelgen ol ә degennen-aq sayasiy-әleumettik maqalanyng ózin qazaqtyng shúrayly tilimen shyrayyn keltire jazatyn әri kórkem, әri oinaqy, jatyq stiylimen erekshelengen edi. Keyin kele Dәurenning osy jýrdek qalamynyng úshyna úiyghan qúnarly sóz mәiegi onyng shygharmashylyq qiyalyn sharyqtatyp, jazushylyq qyryn ashty. «Qorghasyn әripting uyn júta» jýrip (S.Berdiqúlov) jastayynan shyndalghan onyng gazetti oqylymdy da tartymdy etip shygharudyng týrli әdisin iygergeni sonsha, kezinde ózi basqarghan «Altyn orda», «Jas qazaq», endi, mine, býgingi «Qazaq әdebiyeti» basylymdary oqyrman izdep oqityn gazetke ainaldy.

2009 jyly «Jas qazaqtan» ketkennen keyin Dәurenning birer ay tym-tyrys qalghany ras. Biraq ol qarap jatushy ma edi, jana dәuirding talabyn eskerip, alda ghalamtor zamany kele jatqanyn baghamdap, tyng jobalar oilap jatypty. Kóp úzamay «abai.kz» atty qazaq tilindegi túnghysh aqparattyq-saraptamalyq portaldy jarq etkizdi! Sol «Abay. Kz» býginde ýlken aqparattyq kýshke ainaldy, internet kenistiginde qazaqsha kontentting molangyna orasan zor ýles qosty. Áli de qosyp keledi.

Dәuren dosymyz shygharmashylyq júmyspen shektelip qalmay, endi elding әleumettik-sayasy ómirine de aralasyp kórmekke bel buypty. Halyqtyq-demokratiyalyq hәm patriottyq «Auyl» partiyasynyng atynan Parlament mәjilisining deputattyghyna týsip, «tәuekel» dep, baq synap otyrghan jayy bar. Auyldyng qamyn oilau - qazaqtyng qamyn oilau degen sóz. Jasandy toleranttylyqty, әsiresaqtyqty, jaltaqtyqty jiyp qoyyp, Parlament minberinen qazaqtyng mýddesin ashyq qorghap, últtyng sózin sóileytin adamdar qazir bizge óte qajet. Últ kósemi Álihan Bókeyhandy pir tútatyn Dәuren Quat - sonday azamattyng biri dep bilemin.

Marapatyng da, qadamyng da qútty bolsyn, aghay!

Sәken Sybanbay

Abai.kz