Futboldan Qazaqstan chempionatynyng 17-turynda «Qayrat» shymkenttik «Ordabasyny» 3:1 esebimen jendi. Osylaysha almatylyq klub aragha 16 jyl salyp Qazaqstan chempionatynda top jardy. 

«Qayrat» biyl 17 oiynda 44 úpay jinap, basty bәsekelesi «Astanadan» 17 úpay úzap ketti. Elordalyqtar songhy bes oiyndy jense de, «Qayratqa» jete almaytyny sózsiz edi. Osylaysha, almatylyqtar merziminen búryn el chempiony atandy.

Qazaqstannyng «Halyq komandasy» atanghan «Qayrat» osynyng aldynda 2004 jyly chempion bolghan. Sodan beri 16 jyl boyy chempiondyq ataq almatylyq komandagha búiyrmay keldi. Ásirese 2013 jyldan beri chempiondyqqa әbden layyq óner kórsetti. Songhy 8 jylda 5 ret kýmis, 2 ret qola jýldeger atandy.

KSRO kezinde kórshiles respublika komandalarymen terezesi teng óner kórsetip, el ensesin kótergen «Qayrattyn» Qazaq sýiispenshiligine bólengeni shyndyq bolatyn. Sodan da bolar qazaq futbolynda «Qayrattyn» alar orny erekshe. 29 jylda el chempionatynda ýsh-aq ret top jarsa da, tipti bir jyldary oiynynan sәn ketip, tómengi ligagha týsip qalsa da, jankýiersiz qalghan emes. Qazaqstandaghy jankýieri eng kóp komandalardyng biri. Tipti Eurododalarda jetistikke jetken «Astananyn» ózinde múnday jankýier joq.

Ortalyq stadiongha aghylghan almatylyqtardyng arasynda sonau jyldarda Timur Segizbaevting siqyrly ónerine tamsanyp, Qúralbek Ordabaevting qaqpa aldyndaghy qimylyna tәnti bolghan, býginde alpysty alqymdaghan agha jankýierler de, aladopqa endi ghana әuestene bastaghan bala jankýierler de bar.

Shynyn aitqanda, Qazaqstanda naghyz europalyq futbol kórsetip jýrgen osy «Qayrat» qana! Eldegi jeke qojayyny bar jalghyz klub, 100% budjetting býiirin soryp otyrghan joq. Klubtyng resmy dýkeni júmys isteydi. Marketing jýiesi de tәuir. Biylet satudan da qarjy taba alady. Zamanauy akademiyasy taghy bar.

Eng manyzdysy, qazaq futbolshylaryna, qazaqstandyq futbolshylargha kóp senim artady. Qazirgi tanda qazaq futbolynyng qaymaghy «Qayratta» deuge negiz bar. Últtyq qúramanyng kóp oiynshysy «Qayratta» óner kórsetedi. Kóbi órimdey jastar. Bauyrjan Islamhan, Islambek Quat, Ramazan Orazov, Yan Vorogovskiy syndy birqatar futolshylar «Qayratta» kózge týsip, shetel chempionattaryna auysty. Qazirding ózinde komandada Núraly Álip, Aybol Ábiken, Abat Ayymbetov, Erkebúlan Túnghyshbaev sekildi óz oiynshylarymyz óner kórsetedi. Salystyru ýshin «Astanada» kóbine sheteldik sheberler dop tebetinin, biyl tipti alangha kóbine jalghyz ghana qazaqstandyq oiynshy shygharyp jýrgenin aitugha bolady.

2020 jyly Qazaqstan chempiony atanghan «Qayrat» elordalyq «Astananyn» 6 jylgha jalghasqan jenisti seriyasyn búzdy. «Astana» 2014 jyldan beri chempiondyqty eshkimge bermey jýrgen. Alayda elordalyqtardyng ýzdiksiz jeniske jetuine futboldan tys jaghdaylardyng әser etken kezderi de bolghan sekildi. Tipti bir jyldary jankýierlerarasynda «sayasat chempion boldy» degen әngimeler de bolghan.

QPL. 17-tur

«Qayrat» – «Ordabasy» - 3:1 (2:0)

Gol soqqandar:Vagner Lav 36, Núraly Álip 39 (penaliti) – Joao Paulo 77

«Qayrat»: Pokatilov, Mikanovich, Dugalich, Álip, Sýiimbaev (k), Guraliskiy, Kosovich, Oganesyan, Ábiken, Aymbetov, Vagner Lav.

«Ordabasy»: Shayzada, Kleshenko, Fontanello (k), Simchevich, Hadjiyev, Dosmaghambetov, Diakate, Mahlangu, Astanov, Badibanga, Joao Paulo.

Quanysh Qappas

Abai.kz